Emil færir sig um set á Ítalíu

Íslenski landsliðsmaðurinn Emil Hallfreðsson hefur fært sig um set í ítölsku úrvalsdeildinni. Hann er genginn til liðs við Frosinone Calcio.

Félagið tilkynnti þetta á heimasíðu sinni í dag. 

Emil hefur verið á mála hjá ítölskum liðum síðan árið 2007 og spilað þar nær allan þann tíma fyrir utan lánsdvöl hjá Barnsley á Englandi tímabilið 2009-2010.

Emil var hjá Udinese frá 2016 og lék 58 deildarleiki fyrir félagið. Frosinone kom upp í úrvalsdeildina í vor.

Emil var í leikmannahópi Íslands á HM í Rússlandi og var af mörgum talinn besti leikmaður íslenska liðsins í mótinu.

Emil #Hallfredsson é un nuovo calciatore giallazzurro! #welcomehallfredssonpic.twitter.com/LwqwAh4RgQ

— Frosinone Calcio (@Frosinone1928) July 31, 2018