Nani snýr heim í annað sinn

Portúgalski kantmaðurinn Nani er genginn til liðs við uppeldisfélag sitt, Sporting Lissabon, í heimalandinu en þetta er í annað sinn á ferlinum sem hann snýr aftur heim.

Nani sló fyrst í gegn með Sporting árið 2006 og var keyptur til Manchester United sumarið 2007. Hann var á mála hjá enska stórveldinu í átta ár og varð fjórum sinnum deildarmeistari auk þess að vinna Meistaradeild Evrópu með Man Utd.

Þegar tækifærunum á Old Trafford fór að fækka var Nani lánaður til Sporting tímabilið 2014-2015 og hjálpaði uppeldisfélaginu að vinna bikarkeppnina.

Eftir það samdi Nani við Fenerbahce en staldraði við í eitt ár í Tyrklandi áður en hann færði sig til Valencia á Spáni. Hann var svo lánaður til Ítalíu eftir eitt tímabil í La Liga og lék með Lazio í Serie A á síðustu leiktíð.

Já no relvado, mas não houve mortal... Ainda.
Não é, @luisnani? pic.twitter.com/Hn3Vheg3aN

— Sporting Clube de Portugal (@Sporting_CP) July 11, 2018