Rooney með tvær stoðsendingar í fyrsta leiknum

Wayne Rooney spilaði sinn fyrsta leik með DC United í nótt þegar hann kom inná af bekknum og lét að sér kveða.

 

Rooney kom til DC United fyri tveim vikum eftir að honum var sagt að hann mætti fara frá Everton í sumar.

 

Rooney var ekkert að tvínóna við hlutina heldur kom hann af bekknum og lét strax finna fyrir sér. Rétt eftir að hann kom inná tók hann aukaspyrnu rétt fyrir utan teig og var virkilega nálægt því að skora.

 

Nokkrum mínútum seinna kom hann hinsvegar með sína fyrstu stoðsendingu fyrir DC þegar hann gaf fyrir á Paul Arriola sem skoraði.

 

Paul Arriola var síðan aftur á ferðinni nokkrum mínútum seinna og var það aftur Rooney sem lagði upp markið.

 

Roone því með tvær stoðsendingar í sínum fyrsta leik hjá DC eftir að hafa komið inná af bekknum og fer því vel af stað í Bandaríkjunum.