Fótbolti

Tveir synir Eiðs Smára skrifa undir hjá Real Madrid

Anton Ingi Leifsson skrifar
Andri fylgist með pabba sínum á EM í Frakklandi 2016. Nú er hann sjálfur að fara spila með Real.
Andri fylgist með pabba sínum á EM í Frakklandi 2016. Nú er hann sjálfur að fara spila með Real. vísir/getty
Andri Guðjohnsen og Daníel Guðjohnsen eru gengnir í raðir Real Madrid en spænski miðillinn Marca greinir frá þessu á vef sínum í kvöld.

Drengirnir tveir eru synir Eiðs Smára Guðjohnsen en eins og flestum er kunnugt um lék Eiður Smári með Barcelona í þrjú tímabil. Þar gerði hann garðinn frægann og vann meðal annars Meistaradeildina með liðinu.

Undanfarin ár hefur Andri verið að gera frábærlega hluti með Espanyol á meðan Daníel hefur verið í La Masia akademíunni sem er hluti af yngri liðum spænsku meistarana í Barcelona.

Barcelona vildi einnig klófesta Andra en hann er sagður hafa hafnað Barcelona og ákveðið að fara frekar til Real. Í frétt Marca segir að fjölskyldan muni nú öll flytja sig yfir til spænsku höfuðborgarinnar.

Fótbolti

Mest lesið


Fleiri fréttir

Sjá meira


×

Mest lesið