Nálægt því að eignast Marks & Spencer Kristinn Ingi Jónsson skrifar 27. júní 2018 08:00 Philip Green er Íslendingum ekki alls ókunnur. Hann var meðal annars sagður hafa lýst yfir áhuga á að kaupa skuldir Baugs með allt að 95 prósenta afslætti af skilanefndum Kaupþings og Landsbankans eftir fall viðskiptabankanna á haustdögum 2008. Sú málaleitan bar hins vegar ekki árangur. Vísir/EPA Breski auðjöfurinn sir Philip Green, sem er gjarnan kenndur við fjárfestingarfélagið Arcadia sem á og rekur meðal annars verslanirnar Dorothy Perkins, Miss Selfridge og Topshop, er sagður í nýrri bók hafa verið mun nær því en áður hefur verið talið að eignast Marks & Spencer árið 2004. Baráttan um verslanakeðjuna, sem var á þeim tíma ein sú arðbærasta í Bretlandi, tók á sig reyfarakennda mynd, þar sem Green var í aðalhlutverki, en að lokum þurfti auðjöfurinn skrautlegi að lúta í lægra haldi. Hann féll frá yfirtökutilboði sínu eftir að hafa talið sig ekki eiga stuðning stjórnarinnar vísan. Í nýrri bók, Damaged Goods eftir Oliver Shah, viðskiptaritstjóra Sunday Times, er því hins vegar haldið fram að Green hafi ekki haft minnstu hugmynd um hve nálægt hann var því að eignast verslanakeðjuna. Talið er að Green hafi boðið allt að 400 pens á hlut fyrir Marks & Spencer áður en hann féll frá tilboði sínu í júlímánuði 2004. Til samanburðar var keðjan metin á um 290 pens á hlut áður en Green hóf yfirtökutilraunir sínar.Drög að tveimur tilkynningum Í bókinni, sem kemur út í Bretlandi á morgun, er því lýst hve „skelkaður“ Andrew Grant, þáverandi forstjóri Tulchan, almannatengslafyrirtækis Marks & Spencer, varð þegar hann mætti of seint á stjórnarfund keðjunnar, þar sem taka átti afstöðu til yfirtökutilboðs Greens, og komst að því að drög hefðu verið skrifuð að tveimur fréttatilkynningum. Í annarri þeirra kom fram að stjórnin hefði samþykkt tilboðið. Nokkrir stjórnarmenn, þar á meðal Charles Wilson, hægri hönd Stuarts Rose, sem hafði nokkrum vikum áður verið ráðinn forstjóri, einkum til þess að skjóta styrkari stoðum undir rekstur verslanakeðjunnar og hindra þannig yfirtöku Greens, sögðust á fundinum telja óhugsandi að fá hærra verð fyrir keðjuna en 400 pens á hlut, að því er segir í bókinni. „Þegar langt var liðið á fundinn fékk Grant símtal frá Kate Rankine, aðstoðarritstjóra viðskiptafrétta Daily Telegraph. Rose bað hann um að hunsa hana og segja henni að afstaða stjórnarinnar hefði ekki breyst,“ segir Shah. Stjórnin væri enn andsnúin yfirtökunni.„Rankine, sem þekkti bæði Green og Rose vel, hringdi umsvifalaust í Green og bar honum fregnirnar. Stjórn Marks & Spencer hélt áfram að rífast um málið. Klukkan hálf níu að kveldi leit Robert Swannell, einn af bankamönnum verslanakeðjunnar, sem var viðstaddur fundinn, á BlackBerry-síma sinn og sagði: „Þetta er búið spil.“ Green hafði hætt við kaupin.“ Skilaboðin frá Rankine virðast hafa verið kornið sem fyllti mælinn hjá Green, að sögn Shah. Green fór á næstu dögum eftir stjórnarfundinn hörðum orðum um vinnubrögð stjórnarinnar og sagði þau „skelfileg“. Hann hélt því fram að hann hefði aldrei átt möguleika á því að eignast verslanakeðjuna. Þó svo að meirihluti hluthafa hefði stutt tilboðið hefði stjórnin gert allt sem í hennar valdi stóð til þess að koma í veg fyrir yfirtökuna. Af frásögn Shahs er hins vegar ljóst að Green var mun nær því að hljóta samþykki stjórnarinnar en hann og aðrir, svo sem fjárfestar og greinendur, hafa hingað til talið.Sakaður um eineltistilburði Þetta var ekki í fyrsta sinn sem Green reyndi að kaupa Marks & Spencer. Fyrri tilraun hans, árið 1999, fór út um þúfur eftir að í ljós kom að eiginkona hans hefði keypt hlutabréf í verslanakeðjunni áður en tilkynnt var opinberlega um yfirtökuna. Í bók Shahs er Green auk þess sakaður um að hafa lagt starfsmenn sína í einelti, sér í lagi kvenkyns starfsmenn sem og Terry Green, manninn sem Green réð til þess að snúa við rekstri verslanakeðjunnar BHS. Auk þess greinir Shah í bókinni frá áhyggjum framtakssjóðsins Leonard Green & Partners, meðfjárfesta Philips Green, af því hve nákvæmir og réttir ársreikningar Topshop, tískuverslunar Greens, voru í raun. John Danhakl, einn af eigendum framtakssjóðsins, sagðist í tölvupósti sem hann skrifaði samstarfsmönnum sínum árið 2012 og Shah hefur undir höndum vera „sérstaklega áhyggjufullur“ yfir ónákvæmni reikninganna. Nokkrum dögum síðar keypti sjóðurinn 25 prósenta hlut í versluninni fyrir 350 milljónir punda. Green hefur ekki viljað tjá sig um efnisatriði bókarinnar í breskum fjölmiðlum. Birtist í Fréttablaðinu Tengdar fréttir Philip Green vill selja Topshop Eignasafn Arcadia telur um 2.800 verslanir um heiminn. 19. febrúar 2018 06:00 Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Breski auðjöfurinn sir Philip Green, sem er gjarnan kenndur við fjárfestingarfélagið Arcadia sem á og rekur meðal annars verslanirnar Dorothy Perkins, Miss Selfridge og Topshop, er sagður í nýrri bók hafa verið mun nær því en áður hefur verið talið að eignast Marks & Spencer árið 2004. Baráttan um verslanakeðjuna, sem var á þeim tíma ein sú arðbærasta í Bretlandi, tók á sig reyfarakennda mynd, þar sem Green var í aðalhlutverki, en að lokum þurfti auðjöfurinn skrautlegi að lúta í lægra haldi. Hann féll frá yfirtökutilboði sínu eftir að hafa talið sig ekki eiga stuðning stjórnarinnar vísan. Í nýrri bók, Damaged Goods eftir Oliver Shah, viðskiptaritstjóra Sunday Times, er því hins vegar haldið fram að Green hafi ekki haft minnstu hugmynd um hve nálægt hann var því að eignast verslanakeðjuna. Talið er að Green hafi boðið allt að 400 pens á hlut fyrir Marks & Spencer áður en hann féll frá tilboði sínu í júlímánuði 2004. Til samanburðar var keðjan metin á um 290 pens á hlut áður en Green hóf yfirtökutilraunir sínar.Drög að tveimur tilkynningum Í bókinni, sem kemur út í Bretlandi á morgun, er því lýst hve „skelkaður“ Andrew Grant, þáverandi forstjóri Tulchan, almannatengslafyrirtækis Marks & Spencer, varð þegar hann mætti of seint á stjórnarfund keðjunnar, þar sem taka átti afstöðu til yfirtökutilboðs Greens, og komst að því að drög hefðu verið skrifuð að tveimur fréttatilkynningum. Í annarri þeirra kom fram að stjórnin hefði samþykkt tilboðið. Nokkrir stjórnarmenn, þar á meðal Charles Wilson, hægri hönd Stuarts Rose, sem hafði nokkrum vikum áður verið ráðinn forstjóri, einkum til þess að skjóta styrkari stoðum undir rekstur verslanakeðjunnar og hindra þannig yfirtöku Greens, sögðust á fundinum telja óhugsandi að fá hærra verð fyrir keðjuna en 400 pens á hlut, að því er segir í bókinni. „Þegar langt var liðið á fundinn fékk Grant símtal frá Kate Rankine, aðstoðarritstjóra viðskiptafrétta Daily Telegraph. Rose bað hann um að hunsa hana og segja henni að afstaða stjórnarinnar hefði ekki breyst,“ segir Shah. Stjórnin væri enn andsnúin yfirtökunni.„Rankine, sem þekkti bæði Green og Rose vel, hringdi umsvifalaust í Green og bar honum fregnirnar. Stjórn Marks & Spencer hélt áfram að rífast um málið. Klukkan hálf níu að kveldi leit Robert Swannell, einn af bankamönnum verslanakeðjunnar, sem var viðstaddur fundinn, á BlackBerry-síma sinn og sagði: „Þetta er búið spil.“ Green hafði hætt við kaupin.“ Skilaboðin frá Rankine virðast hafa verið kornið sem fyllti mælinn hjá Green, að sögn Shah. Green fór á næstu dögum eftir stjórnarfundinn hörðum orðum um vinnubrögð stjórnarinnar og sagði þau „skelfileg“. Hann hélt því fram að hann hefði aldrei átt möguleika á því að eignast verslanakeðjuna. Þó svo að meirihluti hluthafa hefði stutt tilboðið hefði stjórnin gert allt sem í hennar valdi stóð til þess að koma í veg fyrir yfirtökuna. Af frásögn Shahs er hins vegar ljóst að Green var mun nær því að hljóta samþykki stjórnarinnar en hann og aðrir, svo sem fjárfestar og greinendur, hafa hingað til talið.Sakaður um eineltistilburði Þetta var ekki í fyrsta sinn sem Green reyndi að kaupa Marks & Spencer. Fyrri tilraun hans, árið 1999, fór út um þúfur eftir að í ljós kom að eiginkona hans hefði keypt hlutabréf í verslanakeðjunni áður en tilkynnt var opinberlega um yfirtökuna. Í bók Shahs er Green auk þess sakaður um að hafa lagt starfsmenn sína í einelti, sér í lagi kvenkyns starfsmenn sem og Terry Green, manninn sem Green réð til þess að snúa við rekstri verslanakeðjunnar BHS. Auk þess greinir Shah í bókinni frá áhyggjum framtakssjóðsins Leonard Green & Partners, meðfjárfesta Philips Green, af því hve nákvæmir og réttir ársreikningar Topshop, tískuverslunar Greens, voru í raun. John Danhakl, einn af eigendum framtakssjóðsins, sagðist í tölvupósti sem hann skrifaði samstarfsmönnum sínum árið 2012 og Shah hefur undir höndum vera „sérstaklega áhyggjufullur“ yfir ónákvæmni reikninganna. Nokkrum dögum síðar keypti sjóðurinn 25 prósenta hlut í versluninni fyrir 350 milljónir punda. Green hefur ekki viljað tjá sig um efnisatriði bókarinnar í breskum fjölmiðlum.
Birtist í Fréttablaðinu Tengdar fréttir Philip Green vill selja Topshop Eignasafn Arcadia telur um 2.800 verslanir um heiminn. 19. febrúar 2018 06:00 Mest lesið Á ég að greiða inn á lánið eða spara? Viðskipti innlent Samkomulagið það besta mögulega í erfiðum aðstæðum Viðskipti erlent Funda með ráðherra vegna tollanna: „Ég ætla ekki að setjast í neitt dómarasæti“ Viðskipti innlent Loksins, mathöllin og fleiri staðir fá nýja rekstraraðila Viðskipti innlent Fyrsta íslenska grænkera ostagerðin í hættu Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Við erum að bæta við atvinnustoð í samfélaginu“ Viðskipti innlent „Ekki mistök“ að brauð með engu kostaði tvö þúsund krónur Neytendur Rukkuð vegna þegar greiddra bílastæða og fá engin svör Neytendur Gáfust upp á Facebook og opna verslun fyrir notaðar íþróttavörur Viðskipti innlent Fleiri fréttir Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Sjá meira
Philip Green vill selja Topshop Eignasafn Arcadia telur um 2.800 verslanir um heiminn. 19. febrúar 2018 06:00
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun