Uppfinningamaðurinn Elon Musk stendur nú í höfundarréttardeilum við leirlistamann, hvers bolli vakti mikla hrifningu Musks í fyrra.



Forsaga málsins er sú að Musk lýsti yfir hrifningu sinni á téðum bolla úr smiðju bandaríska leirlistamannsins Toms Edwards á Twitter í fyrra. Tíst Musks varð til þess að bollinn seldist eins og heitar lummur og var Edward að vonum ánægður með athyglina.



Mánuði síðar birti Musk hins vegar annað tíst í auglýsingaskyni fyrir nýjan eiginleika í Teslu-bifreiðum sínum, svokallaða „teikniblokk“ (e. sketch pad), sem gerir notendum kleift að teikna á snertiskjá í bílunum. Til að sýna virkni skjásins birti Musk m.a. nær nákvæmlega sömu mynd og var að finna á bolla Edwards: brosmildan, prumpandi einhyrning.

Made today on Tesla sketch pad pic.twitter.com/Z8dFP2NN41

— Elon Musk (@elonmusk) March 30, 2017

Leirlistamaðurinn hugðist ekki gera mál úr atvikinu þangað til hann frétti að Tesla hefði notað einhyrninginn á fleiri vígstöðvum, þ. á m. birtist hann í stýrikerfi bifreiðanna og á jólakorti fyrirtækisins.



„Ég elska að hann [einhyrningurinn] sé í bílunum þeirra en ég vil bara að þau breyti rétt og borgi mér nægilega fyrir hann,“ var haft eftir Edward í viðtali vegna málsins.



Musk virtist hins vegar ekki á þeim buxunum að greiða Edward fyrir notkun á einhyrningnum prumpandi, ef marka má fyrstu svör hans á Twitter. Dóttir Edwards vakti athygli á málinu á Twitter-reikningi sínum í vikunni. Í svari við gagnrýni hennar sagði Musk að það væri „asnalegt“ að lögsækja hann fyrir notkun á einhyrningnum og að Edward ætti að vera þakklátur fyrir „athyglina“.

hey y'all Grimes' boyfriend ripped off my dad's art! this is a true story! what do you have to say for yourself @elonmusk ?? https://t.co/TMMJAS1ZGM

— Lisa Prank (@lisaprank) June 26, 2018

Lisa, I popularized your Dad's mug for free, he made thousands of dollars as a result & now he wants more money because someone else's drawing of that mug was used as a sketch pad example in a *hidden* feature. How much money does your Dad want for this terrible transgression?

— Elon Musk (@elonmusk) June 27, 2018

Eftir að breska dagblaðið The Guardian birti grein um málið hefur Musk þó sagst hafa boðist til að greiða Edward fyrir einhyrninginn. Þá sagðist Musk jafnframt mjög umhugað um höfundarrétt listamanna.

Nothing is more absurd than reality! This silly drawing that was just added as a silly example for our sketchpad Easter egg has bothered me more than anything today. I definitely care about artists getting compensated. It would be unfair not to do so.

— Elon Musk (@elonmusk) June 28, 2018