Juventus fær fjórða leikmanninn í sumar

Juventus heldur áfram að styrkja hópinn sinn en liðið gekk í gær frá samningi við Joao Cancelo frá Valencia.

Cancelo er 24 ára gamall bakvörður sem getur einnig spilað sem vængmaður en hann skrifaði undir fimm ára samning við ítölsku meistarana í Juventus.

Cancelo spilaði með Inter Milan á síðasta ári þar sem hann skoraði eitt mark í 26 leikjum og var í landsliðshóp Portúgals áður en hann var skorinn niður í 23 leikmenn fyrir HM.

Hann er fjórði leikmaðurinn sem Juventus nær í en áður höfðu þeir Douglas Costa, Mattia Perin og fyrrum Liverpool-maðurinn Emre Can gengið í raðir liðsins.

Juventus varð tvöfaldur meistari á Ítalíu á síðustu leiktíð en þeir duttu út fyrir Real Madrid í 8-liða úrslitunum á ansi dramatískan hátt.