Segja RÚV misnota markaðsráðandi stöðu sína með framgöngu á auglýsingamarkaði Þorbjörn Þórðarson skrifar 18. júní 2018 11:45 Sigmundur Ernir Rúnarsson, dagskrárstjóri sjónvarpsstöðvarinnar Hringbrautar. Vísir/Anton Dagskrárstjóri sjónvarpsstöðvarinnar Hringbrautar sakar RÚV um að misnota markaðsráðandi stöðu sína á auglýsingamarkaði með sölu á sérstökum auglýsingapökkum fyrir HM í fótbolta og segir að stofnunin hagi sér eins og böðull. Hann segir að RÚV hafi ryksugað upp allt auglýsingafé með því að selja auglýsingar fyrir ótengda dagskrárliði samhliða sölu á auglýsingum fyrir HM. Samkvæmt ársreikningi RÚV ohf. fyrir árið 2017 fékk RÚV 4,1 milljarða króna í beinu framlagi frá íslenska ríkinu, skattgreiðendum, það ár en 2,3 milljarða króna í formi auglýsingatekna. Framganga RÚV á auglýsingamarkaði í aðdraganda heimsmeistarakeppninnar í fótbolta hefur hleypt illu blóði í stjórnendur einkarekinna fjölmiðla. Fréttastofan hefur séð afrit af kynningarefni auglýsingadeildar RÚV. Þar er auglýsendum boðið að kaupa auglýsingapakka upp á margar milljónir króna þar sem tvinnað er saman auglýsingum fyrir leiki á HM við almennar auglýsingar út árið. Þetta veldur því að sum fyrirtæki eru að eyða öllu sínu markaðsfé fyrir árið hjá RÚV. Stjórnendur Hringbrautar telja þetta grófa misnotkun á markaðsráðandi stöðu RÚV. Stjórnendur sjónvarpsstöðvarinnar N4 eru á sömu skoðun. Þess má geta að Sýn hf. sem á og rekur fréttastofu Stöðvar 2, Vísis og Bylgjunnar er eitt þeirra fyrirtækja sem tapar á þessari framgöngu RÚV.Ryksuga upp allt auglýsingafé Sigmundur Ernir Rúnarsson dagskrárstjóri sjónvarpsstöðvarinnar Hringbrautar segir að litlir einkareknir fjölmiðlar sem reiði sig á auglýsingatekjur berjist í bökkum vegna framgöngu RÚV sem hafi ryksugað upp auglýsingafé í tengslum við heimsmeistarakeppnina í fótbolta. Rætt var við hann í þættinum Bítinu á Bylgjunni í morgun (frá 1:30:31). „Ég er hlynntur framtaki ríkisins á fjölmiðlamarkaði hvað menningu og annað varðar en þegar ríkið hagar sér eins og mesti böðull á auglýsingamarkaði, fer langt fram yfir einkarekin fyrirtæki í því að verða sér úti um auglýsingatekjur í krafti stærðarinnar, í krafti þess bolmagns sem stofnunin hefur, starfsmannafjölda til dæmis, þá er nóg komið og það verður að spyrna við fótum. Vandinn er hins vegar sá að stjórnmálin hafa ekki haft nokkurn áhuga á að taka þátt í því að laga þetta ójafnvægi á markaðnum. Fyrir vikið hefur þetta verið svona um langt árabil hvort heldur sem hægrimenn hafa verið í menntamálaráðuneytinu, vinstrimenn eða núna miðjumenn,“ sagði Sigmundur Ernir í Bítinu. Hann sagði aðspurður að stjórnmálamenn hefðu ekki hugrekki til að taka á stöðu RÚV á auglýsingamarkaði.Lilja Alfreðsdóttir menntamálaráðherra. Sigmundur Ernir Rúnarsson dagskrárstjóri Hringbrautar segist hafa mikla trú á því að Lilja geri eitthvað til að bregðast við þeim ójafna leik sem þrífst á markaði fyrir auglýsingar í íslenskum fjölmiðlum. Stjórnendur einkarekinna fjölmiðla saka RÚV um að misnota markaðsráðandi stöðu sína með framgöngu á auglýsingamarkaði.VísirSigmundur Ernir sagði að RÚV nyti mjög mikils velvilja hjá þjóðinni enda framleiddi stofnunin mjög gott efni. „Þeir eru samnefnarinn í íslenskri fjölmiðlasögu og ég vil ekki halla neitt á hlutverk RÚV sem menningarmiðils en þegar kemur að kostun og fjármögnun, fyrir utan auglýsingar og beina auglýsingasölu, þá getur ríkið ekki farið harðast fram í auglýsingasölu eins og kemur fram í öllum þessum HM-pökkum sem þeir eru að bjóða,“ sagði Sigmundur Ernir. Hann sagðist hafa mikla trú á Lilju Alfreðsdóttur menntamálaráðherra jafnvel þótt enginn annar stjórnmálamaður hefði haft hugrekki til að taka á þessum vanda. „Ég hef fulla trú á því að hún geti gengið í verkið og ég held að hún sé kannski sá stjórnmálamaður sem sé næstur því að gera eitthvað í málinu.“ Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Dagskrárstjóri sjónvarpsstöðvarinnar Hringbrautar sakar RÚV um að misnota markaðsráðandi stöðu sína á auglýsingamarkaði með sölu á sérstökum auglýsingapökkum fyrir HM í fótbolta og segir að stofnunin hagi sér eins og böðull. Hann segir að RÚV hafi ryksugað upp allt auglýsingafé með því að selja auglýsingar fyrir ótengda dagskrárliði samhliða sölu á auglýsingum fyrir HM. Samkvæmt ársreikningi RÚV ohf. fyrir árið 2017 fékk RÚV 4,1 milljarða króna í beinu framlagi frá íslenska ríkinu, skattgreiðendum, það ár en 2,3 milljarða króna í formi auglýsingatekna. Framganga RÚV á auglýsingamarkaði í aðdraganda heimsmeistarakeppninnar í fótbolta hefur hleypt illu blóði í stjórnendur einkarekinna fjölmiðla. Fréttastofan hefur séð afrit af kynningarefni auglýsingadeildar RÚV. Þar er auglýsendum boðið að kaupa auglýsingapakka upp á margar milljónir króna þar sem tvinnað er saman auglýsingum fyrir leiki á HM við almennar auglýsingar út árið. Þetta veldur því að sum fyrirtæki eru að eyða öllu sínu markaðsfé fyrir árið hjá RÚV. Stjórnendur Hringbrautar telja þetta grófa misnotkun á markaðsráðandi stöðu RÚV. Stjórnendur sjónvarpsstöðvarinnar N4 eru á sömu skoðun. Þess má geta að Sýn hf. sem á og rekur fréttastofu Stöðvar 2, Vísis og Bylgjunnar er eitt þeirra fyrirtækja sem tapar á þessari framgöngu RÚV.Ryksuga upp allt auglýsingafé Sigmundur Ernir Rúnarsson dagskrárstjóri sjónvarpsstöðvarinnar Hringbrautar segir að litlir einkareknir fjölmiðlar sem reiði sig á auglýsingatekjur berjist í bökkum vegna framgöngu RÚV sem hafi ryksugað upp auglýsingafé í tengslum við heimsmeistarakeppnina í fótbolta. Rætt var við hann í þættinum Bítinu á Bylgjunni í morgun (frá 1:30:31). „Ég er hlynntur framtaki ríkisins á fjölmiðlamarkaði hvað menningu og annað varðar en þegar ríkið hagar sér eins og mesti böðull á auglýsingamarkaði, fer langt fram yfir einkarekin fyrirtæki í því að verða sér úti um auglýsingatekjur í krafti stærðarinnar, í krafti þess bolmagns sem stofnunin hefur, starfsmannafjölda til dæmis, þá er nóg komið og það verður að spyrna við fótum. Vandinn er hins vegar sá að stjórnmálin hafa ekki haft nokkurn áhuga á að taka þátt í því að laga þetta ójafnvægi á markaðnum. Fyrir vikið hefur þetta verið svona um langt árabil hvort heldur sem hægrimenn hafa verið í menntamálaráðuneytinu, vinstrimenn eða núna miðjumenn,“ sagði Sigmundur Ernir í Bítinu. Hann sagði aðspurður að stjórnmálamenn hefðu ekki hugrekki til að taka á stöðu RÚV á auglýsingamarkaði.Lilja Alfreðsdóttir menntamálaráðherra. Sigmundur Ernir Rúnarsson dagskrárstjóri Hringbrautar segist hafa mikla trú á því að Lilja geri eitthvað til að bregðast við þeim ójafna leik sem þrífst á markaði fyrir auglýsingar í íslenskum fjölmiðlum. Stjórnendur einkarekinna fjölmiðla saka RÚV um að misnota markaðsráðandi stöðu sína með framgöngu á auglýsingamarkaði.VísirSigmundur Ernir sagði að RÚV nyti mjög mikils velvilja hjá þjóðinni enda framleiddi stofnunin mjög gott efni. „Þeir eru samnefnarinn í íslenskri fjölmiðlasögu og ég vil ekki halla neitt á hlutverk RÚV sem menningarmiðils en þegar kemur að kostun og fjármögnun, fyrir utan auglýsingar og beina auglýsingasölu, þá getur ríkið ekki farið harðast fram í auglýsingasölu eins og kemur fram í öllum þessum HM-pökkum sem þeir eru að bjóða,“ sagði Sigmundur Ernir. Hann sagðist hafa mikla trú á Lilju Alfreðsdóttur menntamálaráðherra jafnvel þótt enginn annar stjórnmálamaður hefði haft hugrekki til að taka á þessum vanda. „Ég hef fulla trú á því að hún geti gengið í verkið og ég held að hún sé kannski sá stjórnmálamaður sem sé næstur því að gera eitthvað í málinu.“
Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira