Þorsteinn krefst 5,6 milljarða frá Kópavogsbæ

Tryggvi Páll Tryggvason skrifar 29. maí 2018 10:28

Töluvert hefur verið byggt á Vatnsendajörðinni. Vísir/Pjetur

Þorsteinn Hjaltested, ábúandi á Vatnsenda, hefur stefnt Kópavogsbæ til greiðslu 5,6 milljarða í eignarnámsbætur vegna eignarnáms bæjarins á landi úr Vatnsenda árið 2007.

Þetta kemur fram í tilkynningu Kópavogsbæjar til Kauphallar í morgun. Þar kemur fram að auk þess geri Þorsteinn kröfu um „viðurkenningu á tilteknum réttindum er leiða af eignarnámssátt sem aðilar gerðu 30. janúar 2007.“

Í tilkynningunni segir jafnframt að Kópavogsbær muni taka til varna og krefjast sýknu af kröfum Þorsteins.

Þar kemur einnig fram að Þorsteinn hafi tvívegis stefnt Kópavogsbæ vegna eignarnámsins en í bæði skiptin var málunum vísað frá dómi.

Deilur um Vatnsendaland Kópavogur

Tengdar fréttir

Áratuga löng barátta um Vatnsenda: Hvað tekur nú við?

Réttarstaða afkomenda Sigurðar Hjaltested heitins, eiganda Vatnsenda jarðarinnar í Kópavogsbæ, hefur skýrst verulega eftir niðurstöðu Hæstaréttar í gær. Þetta er álit lögmanns afkomenda Sigurðar sem vill engu spá um framhald málsins.

4. maí 2013 13:23

Máli erfingjanna á Vatnsenda vísað frá dómi

Snerist um 75 milljarða skaðabótakröfu.

29. janúar 2016 12:05

Þorsteinn Hjaltested ekki eini réttmæti erfingi Vatnsendajarðarinnar

Hæstiréttur felldi úr gildi dóm héraðsdóms.

5. mars 2015 16:41

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.