JóiPé og Króli berir að ofan í kjallaraholu að semja tónlist

Rappararnir JóiPé og Króli voru berir að ofan að í tólf klukkutíma þegar þeir sömdu tónlistina fyrir síðustu plötu þeirra Gerviglingur. 

Í gær gáfu þeir út lagið Þráhyggju  og einnig myndband en það má finna á nýju plötunni frá þeim félögum sem heitir Afsakið hlé og kemur út á morgun.

Þeir segjast hafa ákveðið að fara nýjar leiðir við upptökurnar en á plötunni má finna ballöðu þar sem þeir báðir syngja og rappa.

JóiPé og Króli eru í skemmtilegu viðtali í myndbandi sem framleitt er af fyrirtækinu Origo og eru þeir í miklu stuði eins og sjá má í myndbandinu hér að neðan. 

Á kafla í viðtalinu fer það í raun út í algjöra vitleysu.