Klæddist 19.000 króna dragt á brúð­kaups­daginn

Leikkonan Emily Ratajkowski kom mörgum á óvænt um helgina þegar hún tilkynnti að hún hefði gifst kærasta sínum til nokkurra vikna, framleiðandanum Sebastian Bear-McClard.

Hún tilkynnti þetta á Instagram með mynd og myndbandi.

„Svolítið óvænt. Ég gifti mig í dag,“ skrifaði hún á Instagram.

Ratajkowski var afar smart á stóra deginum en hún klæddist sinnepsgulri dragt frá ZARA. Buxurnar kosta tæpar 7.000 krónur og jakkinn tæpar 12.000 krónur. 

Það er því óhætt að segja að hún hafi klæðst brúðkaupsdressi í ódýrari kantinum.

Þess má geta að ef marka má fjölmiðla vestanhafs þá byrjuðu þau Ratajkowski og McClard saman fyrr á þessu ári þannig að ljóst er að þau eru ekkert að draga hlutina á langinn.

A post shared by Emily Ratajkowski (@emrata) on Feb 24, 2018 at 12:10pm PST