Stenmark sendi Lindsey Vonn kveðju til Suður-Kóreu

Það styttist í að skíðastjarnan Lindsey Vonn hefji keppni á Vetrarólympíuleikunum í PeyongChang en hún fékk senda flotta kveðju þangað.

Í viðtali hjá Eurosport þá var henni komið á óvart með kveðju frá sænsku skíðagoðsögninni Ingemar Stenmark. Leyndi sér ekki að Vonn kunni vel að meta kveðjuna.

Eurosport fór einnig í stuttan göngutúr með henni þar sem Vonn talaði um hversu erfitt það sé að bíða eftir því að keppni hefjist.

Hún rennir sér af stað í Suður-Kóreu á laugardaginn.