Tekist á um hvort krónan þjónar almenningi eða auðmönnum Heimir Már Pétursson skrifar 8. febrúar 2018 17:54 Þingmaður Samfylkingarinnar segir íslensku krónuna leika íslensk fyrirtæki grátt og hafa meira að segja um stöðu þeirra en launakostnað. Krónan þjóni auðmönnum en ekki almenningi. Fjármálaráðherra segir krónuna hins vegar gegna sínu hlutverki vel og sjálfstæður gjaldmiðill verji hagsmuni almennings. Ágúst Ólafur Ágústsson þingmaður Samfylkingarinnar sagði í fyrirspurnatíma á Alþingi í dag að nú væri hefðbundin orðræða talsmanna fyrirtækja hafin í aðdraganda kjarasamninga um að ekki væri hægt að hækka laun. Það væru hins vegar sveiflur á gengi krónunnar sem hefðu meira að segja um hag fyrirtækja en launakostnaður. Þannig sé launakostnaður Odda sem sagt hafi upp tæplega 90 manns á dögunum um 38 prósent af tekjum en verð á innfluttum samkeppnisvörum tæki 100 prósent mið af gengi krónunnar. Hún væri óstöðug vegna þess hvað hún væri lítill gjaldmiðill og gengisfellingar hennar væru leið til að færa fé frá almenningi til sumra fyrirtækja. „Þess vegna hef ég oft furðað mig á málflutningi hæstvirts fjármálaráðherra þar sem þessi skelfilegi gjaldmiðill sem krónan er er varin og gengisfellingar jafnvel taldar til kosta hennar. Finnst hæstvirtum fjármálaráðherra réttlætanlegt að íslenskur almenningur og þorri íslenskra fyrirtækja þurfi að búa við krónuna og hennar fylgifiska sem eru háir vextir og verðtrygging? Á meðan geta stórfyrirtæki og auðmenn kosið skjól annarra gjaldmiðla á sama tíma og þeir njóta góðs af af háum vöxtum og verðtryggðu fjármagni,“ sagði Ágúst Ólafur.Laun óvíða hækkað jafn mikið og á Íslandi Bjarni Benediktsson fjármálaráðherra sagði laun hafa hækkað um 40 prósent á undanförnum fjórum til fimm árum og kaupmáttur aukist langt umfram það sem þekktist í nokkru evrópusambandsríki. „Og þegar við höfum tekið út jafn mikla kaupmáttaraukningu og hækkað laun jafn mikið og á við undanfarin ár er ekki nema von að menn komi að þei tímapunkti sem nú virðist vera að renna upp að það sé erfitt að halda áfram á sama hraða. Það þýðir ekki að það sé eitthvað að gjaldmiðlinum,“ sagði Bjarni. Krónan hafi vissulega styrkst en það væri hlutverk gjaldmiðilsins að sveiflast í takti við það sem væri að gerast í hagkerfinu. „Ég held að krónan hafi verið að sinna sínu hlutverki mjög vel. Bæði í hruninu þegar samkeppnishæfni landsins gjörbreyttist á einni nóttu nánast. Eins núna, það hefði verið til skaða ef ef krónan hefði ekki styrkst við þær breytingar sem eru að verða,“ segir Bjarni. Þá hafi verðbólga verið lítil undanfarin fjögur ár og raunvextir líklega aldrei lægri. „Það er eins og maður sé að vega að Lóunni þegar maður efast um gildi krónunnar. Svör hæstvirts fjármálaráðherra sýna svart á hvítu hvaða hagsmuni ríkisstjórn Katrínar Jakobsdóttur er að berjast fyrir. Það eru hagsmunir stórfyrirtækja, banka og auðmanna. En ekki almennings og venjulegra fyrirtækja í landinu,“ sagði Ágúst Ólafur Fjármálaráðherra sagðist ekki vera neinn trúarofstæðismaður í gjaldmiðilsmálum. Sum lönd hafi kosið að tengjast stærri gjaldmiðlum. „En við höfum séð afleiðingar þess á undanförnum árum. Þá taka menn efnahagssveifluna út í gegnum atvinnuleysið. Það gerðum við ekki hér á Íslandi. Þannig að það er alrangt sem háttvirtur þingmaður segir, að það sé verið að níðast á íslenskum almenningi og hinum venjulega íslenska borgara með því að við höldum úti okkar eigin gjaldmiðli. Þvert á móti hefur okkur að koma fólki í skjól, tryggja því atvinnu. Við höfum síðan á grundvelli okkar eigin gjaldmiðils byggt upp framúrskarandi lífskjör,“ sagði Bjarni Benediktsson. Alþingi Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Kvenfólkið í Eyjum bjargaði deginum Innlent Fagna afmæli virkjunar sem sökkti sveitajörðum en rafvæddi síldarbæ Innlent Stúlka í sjóinn við Reynisfjöru Innlent Að bugast á hálf nöktum ferðamönnum og beita sektum Erlent Aldrei upplifað annað eins: „Það eru öll stígvél á þessari eyju uppseld“ Innlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira
Þingmaður Samfylkingarinnar segir íslensku krónuna leika íslensk fyrirtæki grátt og hafa meira að segja um stöðu þeirra en launakostnað. Krónan þjóni auðmönnum en ekki almenningi. Fjármálaráðherra segir krónuna hins vegar gegna sínu hlutverki vel og sjálfstæður gjaldmiðill verji hagsmuni almennings. Ágúst Ólafur Ágústsson þingmaður Samfylkingarinnar sagði í fyrirspurnatíma á Alþingi í dag að nú væri hefðbundin orðræða talsmanna fyrirtækja hafin í aðdraganda kjarasamninga um að ekki væri hægt að hækka laun. Það væru hins vegar sveiflur á gengi krónunnar sem hefðu meira að segja um hag fyrirtækja en launakostnaður. Þannig sé launakostnaður Odda sem sagt hafi upp tæplega 90 manns á dögunum um 38 prósent af tekjum en verð á innfluttum samkeppnisvörum tæki 100 prósent mið af gengi krónunnar. Hún væri óstöðug vegna þess hvað hún væri lítill gjaldmiðill og gengisfellingar hennar væru leið til að færa fé frá almenningi til sumra fyrirtækja. „Þess vegna hef ég oft furðað mig á málflutningi hæstvirts fjármálaráðherra þar sem þessi skelfilegi gjaldmiðill sem krónan er er varin og gengisfellingar jafnvel taldar til kosta hennar. Finnst hæstvirtum fjármálaráðherra réttlætanlegt að íslenskur almenningur og þorri íslenskra fyrirtækja þurfi að búa við krónuna og hennar fylgifiska sem eru háir vextir og verðtrygging? Á meðan geta stórfyrirtæki og auðmenn kosið skjól annarra gjaldmiðla á sama tíma og þeir njóta góðs af af háum vöxtum og verðtryggðu fjármagni,“ sagði Ágúst Ólafur.Laun óvíða hækkað jafn mikið og á Íslandi Bjarni Benediktsson fjármálaráðherra sagði laun hafa hækkað um 40 prósent á undanförnum fjórum til fimm árum og kaupmáttur aukist langt umfram það sem þekktist í nokkru evrópusambandsríki. „Og þegar við höfum tekið út jafn mikla kaupmáttaraukningu og hækkað laun jafn mikið og á við undanfarin ár er ekki nema von að menn komi að þei tímapunkti sem nú virðist vera að renna upp að það sé erfitt að halda áfram á sama hraða. Það þýðir ekki að það sé eitthvað að gjaldmiðlinum,“ sagði Bjarni. Krónan hafi vissulega styrkst en það væri hlutverk gjaldmiðilsins að sveiflast í takti við það sem væri að gerast í hagkerfinu. „Ég held að krónan hafi verið að sinna sínu hlutverki mjög vel. Bæði í hruninu þegar samkeppnishæfni landsins gjörbreyttist á einni nóttu nánast. Eins núna, það hefði verið til skaða ef ef krónan hefði ekki styrkst við þær breytingar sem eru að verða,“ segir Bjarni. Þá hafi verðbólga verið lítil undanfarin fjögur ár og raunvextir líklega aldrei lægri. „Það er eins og maður sé að vega að Lóunni þegar maður efast um gildi krónunnar. Svör hæstvirts fjármálaráðherra sýna svart á hvítu hvaða hagsmuni ríkisstjórn Katrínar Jakobsdóttur er að berjast fyrir. Það eru hagsmunir stórfyrirtækja, banka og auðmanna. En ekki almennings og venjulegra fyrirtækja í landinu,“ sagði Ágúst Ólafur Fjármálaráðherra sagðist ekki vera neinn trúarofstæðismaður í gjaldmiðilsmálum. Sum lönd hafi kosið að tengjast stærri gjaldmiðlum. „En við höfum séð afleiðingar þess á undanförnum árum. Þá taka menn efnahagssveifluna út í gegnum atvinnuleysið. Það gerðum við ekki hér á Íslandi. Þannig að það er alrangt sem háttvirtur þingmaður segir, að það sé verið að níðast á íslenskum almenningi og hinum venjulega íslenska borgara með því að við höldum úti okkar eigin gjaldmiðli. Þvert á móti hefur okkur að koma fólki í skjól, tryggja því atvinnu. Við höfum síðan á grundvelli okkar eigin gjaldmiðils byggt upp framúrskarandi lífskjör,“ sagði Bjarni Benediktsson.
Alþingi Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Kvenfólkið í Eyjum bjargaði deginum Innlent Fagna afmæli virkjunar sem sökkti sveitajörðum en rafvæddi síldarbæ Innlent Stúlka í sjóinn við Reynisfjöru Innlent Að bugast á hálf nöktum ferðamönnum og beita sektum Erlent Aldrei upplifað annað eins: „Það eru öll stígvél á þessari eyju uppseld“ Innlent „Varla gangfær“ og „skulfu eins og hríslur“ Innlent Fleiri fréttir Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Sjá meira