Glamour

Skyrtunni skipt út

Ritstjórn skrifar
Glamour/Getty

Karlatískuvikan í London er nýafstaðin, þar sem hönnuðir sýndu haust- og vetrarlínur sínar fyrir árið 2018. Glamour fylgdist vel með götustílnum á meðan tískuvikunni stóð, en þar er gjarnan hægt að fá góðar hugmyndir.

Ljósgrá jakkaföt stóðu upp úr, þar sem margir skiptu skyrtunni út fyrir stuttermabolinn, og skelltu sér síðan í frakka yfir. Ljósbrúnn var einnig mjög áberandi, sem og ljósar yfirhafnir. 

Sjáum hér hvernig karlarnir í London klæða sig.

Litasamsetningin hjá þessum er klassísk en flott. Vínrauður frakki við blá föt, og auðvitað hvíta strigaskó sem setja punktinn yfir i-ið.

Grá og teinótt jakkaföt við stuttermabol og græna Dr. Martens.

Strigaskór við allt er algjörlega málið núna, og jakkafötin eru ekki undanskilin. 

Ljósbrúnt frá toppi til táar virkar vel hjá þessum, og trefillinn setur skemmtilegan svip á dressið. 

Það eru eflaust ekki margir sem myndu þora í svona kápu en þetta klæðir hann vel. Rauði rúllukragabolurinn er sérstaklega flottur undir. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.