Sjáðu magnað mark hjá Andrés Iniesta í Japan

Spænski knattspyrnusnillingurinn Andrés Iniesta hefur engu gleymt á fótboltavellinum og það sýndi hann heldur betur í dag með nýja liði sínu í Japan.

Andrés Iniesta skoraði þá heimsklassamark í 1-1 jafntefli Vissel Kobe á móti liði Sanf. Hiroshima.

Iniesta tryggði Vissel Kobe jafnteflið með frábæru skoti eftir að hafa fengið boltann frá Þjóðverjanum Lukas Podolski.

Markið má sjá hér fyrir neðan.

This is World-Class!!

Watch Andres Iniesta´s J League second goal.#vissel#WeAreKobe#DAZN！#iniesta#WorldClass@andresiniesta8pic.twitter.com/O2QYdiqvSq

— (@vissel_kobe) August 15, 2018

Andrés Iniesta var að skora í öðrum leiknum í röð en hann skoraði einnig í 2-1 sigri á Júbilo Iwata fyrir fjórum dögum. Lukas Podolski átti líka stoðsendinguna á hann þá.

Andrés Iniesta hætti með Barcelona síðasta vor og með spænska landsliðinu eftir HM í Rússlandi í sumar. Hann ætlar að klára ferilinn sinn í Japan og það er vona á góðu á þessu tímabili ef marka má þessa byrjun hans með Vissel Kobe.