Arnór Sigurðsson eftirsóttur

Arnór Sigurðsson, leikmaður IFK Norrköping, hefur verið að gera góða hluti í sænsku deildinni og er eftirsóttur ef marka má fréttir frá Svíþjóð.

Arnór hefur unnið sér inn fast sæti í byrjunarliði Norrköping á leiktíðinni og hefur skoraði tvö mörk hingað til þrátt fyrir að spila sem varnarsinnaður miðjumaður en frammtistaða hans hefur vakið athygli.

Samkvæmt sænska miðlinum SportExpressen, þá hefur rússneskt lið reynt að festa kaupa á Íslendingnum en sænska liðið hafi hafnað því boði.

Arnór er samningsbundinn Norrköping þar til ársins 2020 en þjálfari hans, Jens Gustavsson, vildi ekki tjá sig um málið.