Kynna drög að samningi fyrir ljósmæðrum í kvöld Sylvía Rut Sigfúsdóttir og Elín Margrét Böðvarsdóttir skrifa 25. apríl 2018 20:04 Svandís Svavarsdóttir heilbrigðisráðherra sagði í fréttum Stöðvar 2 í kvöld að hún bindi miklar vonir við að lausn finnist á allra næstu sólarhringum. Vísir/Getty Drög að samningi á milli Sjúkratrygginga Íslands og sjálfstætt starfandi ljósmæðra í heimaþjónustu liggja nú fyrir. Samningurinn snýr að fyrirkomulagi þjónustunnar en ljósmæður sem sinnt hafa mæðrum og nýburum í heimaþjónustu í verktöku samkvæmt samningi við Sjúkratryggingar Íslands, lögðu niður störf á mánudaginn þar sem samningur þeirra hefur ekki verið endurnýjaður. „Við vorum á löngum fundi í dag með Sjúkratryggingum Íslands. Það var ákveðinn rammi sem ráðuneytið hafði sett og við vorum í rauninni bara að vinna út frá því og finna lausn,“ segir Arney Þórarinsdóttir ljósmóðir og framkvæmdastjóri Bjarkarinnar í samtali við Vísi í kvöld. Hugmyndin verður lögð fyrir ljósmæður sem sinna heimaþjónustu núna í kvöld og kannað verður hvort þetta sé eitthvað sem þær geti fallist á. Þær sem komast ekki á fundinn geta skoðað tillöguna rafrænt. „Ef ég á að segja alveg eins og er þá veit ég ekki við hverju á að búast í kvöld. Þetta er ekkert alveg það sem við vildum sjá þannig að það á eftir að koma í ljós. En við eyddum góðum tíma í að hagræða innan samningsins og reyna að finna mögulega ásættanlega lausn.“Málið þolir enga bið Svandís Svavarsdóttir heilbrigðisráðherra sagði í fréttum Stöðvar 2 í kvöld að hún bindi miklar vonir við að lausn finnist á allra næstu sólarhringum. Hún segir málið enga bið þola en áhrifanna er þegar farið að gæta á sængurlegudeildum og veldur áhyggjum meðal foreldra. „Samkvæmt mínum sérfræðingum í ráðuneytinu þá hefur verið haldinn fundur með Sjúkratryggingum Íslands þar sem hafa verið skoðaðir fleiri valkostir heldur en þeir sem við fengum í minnisblaði í mars frá Sjúkratryggingum sem var í raun og veru valkostur sem að hvorki Landspítalinn néSjúkrahúsið á Akureyri taldi aðgengilegt,“ segir Svandís. Á meðan lausn er ekki í sjónmáli fyllast sængurlegudeildir hratt. Á fæðingardeildinni á Akureyri er pláss fyrir 13 sængurkonur í einu, á Akranesi er pláss fyrir fjórar til fimm og á Selfossi fyrir tvær til þrjár. Á þessum stöðum þurfa konur að liggja lengur inni á deild en nauðsynlegt væri undir eðlilegum kringumstæðum. Svandís Svavarsdóttir er heilbrigðisráðherra.Vísir/eyþórSama vandamál er einnig uppi á Landspítalanum en þar er staðan þó að mörgu leyti erfiðari. Þar er pláss fyrir 24 sængurkonur í einu en vísa hefur þurft mæðrum og börnum sem heilsast hvað best, heim af deildinni, svo pláss sé fyrir þá sem á mestri þjónustu þurfa að halda. „Þetta er mál sem að þolir enga bið þannig að ég vonast til þess að fá botn í það á allra næstu sólarhringum.“ Samningurinn við Sjúkratryggingar sem um ræðir er ótengdur yfirstandandi kjarabaráttu ljósmæðra við ríkið en næsti samningafundur í þeirri deilu verður í fyrramálið. „Við vitum það að harður hnútur getur losnað skyndilega ef það gerist eitthvað nýtt eða einhver hugsar út fyrir boxið eða eitthvað gerist, þannig að ég vona það auðvitað að með hverjum fundi að það komi eitthvað gott út úr honum,“ segir Svandís.“Vona að þetta leysist sem fyrst Samþykki heimaþjónustuljósmæður þessi drög sem lögð verða fyrir þær í kvöld, munu Sjúkratryggingar Íslands væntanlega bera málið undir ráðuneytisið. Niðurstaða gæti því hugsanlega legið fyrir á morgun. „Það er undirskrift ráðherra sem gildir,“ segir Arney. „Við vonum að ef þetta er eitthvað sem ljósmæður geta fallist á þá bregðist ráðherra hratt við og skrifi undir þannig að við getum aftur farið að sinna heimaþjónustunni, þetta fari allt aftur í rétt horf. Þetta hefur verið mjög leiðinlegt og óþægilegt. Ég held að við getum öll verið sammála um að við vonum að þetta leysist sem fyrst en við viljum líka að allir geti verið sáttir.“ Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Í leyfi frá þingstörfum og flytur til New York Innlent Kári var harðákveðinn að hætta ekki sem forstjóri Innlent Kári hættur hjá Íslenskri erfðagreiningu Innlent „Ég meina, hann er að missa fyrirtækið sitt“ Innlent Tifandi tímasprengjan sem grunuð er um frelsissviptingu Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Fleiri fréttir Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Sjá meira
Drög að samningi á milli Sjúkratrygginga Íslands og sjálfstætt starfandi ljósmæðra í heimaþjónustu liggja nú fyrir. Samningurinn snýr að fyrirkomulagi þjónustunnar en ljósmæður sem sinnt hafa mæðrum og nýburum í heimaþjónustu í verktöku samkvæmt samningi við Sjúkratryggingar Íslands, lögðu niður störf á mánudaginn þar sem samningur þeirra hefur ekki verið endurnýjaður. „Við vorum á löngum fundi í dag með Sjúkratryggingum Íslands. Það var ákveðinn rammi sem ráðuneytið hafði sett og við vorum í rauninni bara að vinna út frá því og finna lausn,“ segir Arney Þórarinsdóttir ljósmóðir og framkvæmdastjóri Bjarkarinnar í samtali við Vísi í kvöld. Hugmyndin verður lögð fyrir ljósmæður sem sinna heimaþjónustu núna í kvöld og kannað verður hvort þetta sé eitthvað sem þær geti fallist á. Þær sem komast ekki á fundinn geta skoðað tillöguna rafrænt. „Ef ég á að segja alveg eins og er þá veit ég ekki við hverju á að búast í kvöld. Þetta er ekkert alveg það sem við vildum sjá þannig að það á eftir að koma í ljós. En við eyddum góðum tíma í að hagræða innan samningsins og reyna að finna mögulega ásættanlega lausn.“Málið þolir enga bið Svandís Svavarsdóttir heilbrigðisráðherra sagði í fréttum Stöðvar 2 í kvöld að hún bindi miklar vonir við að lausn finnist á allra næstu sólarhringum. Hún segir málið enga bið þola en áhrifanna er þegar farið að gæta á sængurlegudeildum og veldur áhyggjum meðal foreldra. „Samkvæmt mínum sérfræðingum í ráðuneytinu þá hefur verið haldinn fundur með Sjúkratryggingum Íslands þar sem hafa verið skoðaðir fleiri valkostir heldur en þeir sem við fengum í minnisblaði í mars frá Sjúkratryggingum sem var í raun og veru valkostur sem að hvorki Landspítalinn néSjúkrahúsið á Akureyri taldi aðgengilegt,“ segir Svandís. Á meðan lausn er ekki í sjónmáli fyllast sængurlegudeildir hratt. Á fæðingardeildinni á Akureyri er pláss fyrir 13 sængurkonur í einu, á Akranesi er pláss fyrir fjórar til fimm og á Selfossi fyrir tvær til þrjár. Á þessum stöðum þurfa konur að liggja lengur inni á deild en nauðsynlegt væri undir eðlilegum kringumstæðum. Svandís Svavarsdóttir er heilbrigðisráðherra.Vísir/eyþórSama vandamál er einnig uppi á Landspítalanum en þar er staðan þó að mörgu leyti erfiðari. Þar er pláss fyrir 24 sængurkonur í einu en vísa hefur þurft mæðrum og börnum sem heilsast hvað best, heim af deildinni, svo pláss sé fyrir þá sem á mestri þjónustu þurfa að halda. „Þetta er mál sem að þolir enga bið þannig að ég vonast til þess að fá botn í það á allra næstu sólarhringum.“ Samningurinn við Sjúkratryggingar sem um ræðir er ótengdur yfirstandandi kjarabaráttu ljósmæðra við ríkið en næsti samningafundur í þeirri deilu verður í fyrramálið. „Við vitum það að harður hnútur getur losnað skyndilega ef það gerist eitthvað nýtt eða einhver hugsar út fyrir boxið eða eitthvað gerist, þannig að ég vona það auðvitað að með hverjum fundi að það komi eitthvað gott út úr honum,“ segir Svandís.“Vona að þetta leysist sem fyrst Samþykki heimaþjónustuljósmæður þessi drög sem lögð verða fyrir þær í kvöld, munu Sjúkratryggingar Íslands væntanlega bera málið undir ráðuneytisið. Niðurstaða gæti því hugsanlega legið fyrir á morgun. „Það er undirskrift ráðherra sem gildir,“ segir Arney. „Við vonum að ef þetta er eitthvað sem ljósmæður geta fallist á þá bregðist ráðherra hratt við og skrifi undir þannig að við getum aftur farið að sinna heimaþjónustunni, þetta fari allt aftur í rétt horf. Þetta hefur verið mjög leiðinlegt og óþægilegt. Ég held að við getum öll verið sammála um að við vonum að þetta leysist sem fyrst en við viljum líka að allir geti verið sáttir.“
Mest lesið „Ekki bara rekinn heldur á staðnum og fyrirvaralaust“ Innlent „Vona að þú sofir vel“ Innlent Í leyfi frá þingstörfum og flytur til New York Innlent Kári var harðákveðinn að hætta ekki sem forstjóri Innlent Kári hættur hjá Íslenskri erfðagreiningu Innlent „Ég meina, hann er að missa fyrirtækið sitt“ Innlent Tifandi tímasprengjan sem grunuð er um frelsissviptingu Innlent Búið að innsigla Kastrup: „Góður að taka á móti fólki en ömurlegur í tölvupóstum“ Innlent Lokunin óásættanleg og muni leiða til verðhækkana fyrir íbúa Innlent „Við gerum ekki svona við börn“ Innlent Fleiri fréttir Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ „Vona að þú sofir vel“ Eldur í ruslabíl vestur í bæ Buðu mótherjum Björgólfs fyrst þjónustu sína Mannréttindadómstóllinn blandar sér í Vatnsendamálið „Mér finnst þetta ómöguleg framkoma“ Í leyfi frá þingstörfum og flytur til New York Óljóst hvers vegna ferðamanni var haldið í gíslingu Borgarstjóri sé brennuvargur en Framsókn í slökkviliðinu „Ég meina, hann er að missa fyrirtækið sitt“ Sindri og Védís Hervör til Kópavogsbæjar Bókhaldstækni og aukin skattheimta skýri afganginn Tæplega tíu milljarða viðsnúningur Kári var harðákveðinn að hætta ekki sem forstjóri Stuðningsmenn Oscars mótmæltu og Kári Stefáns hættur Bein útsending: Kynna ársreikning Reykjavíkurborgar „Við gerum ekki svona við börn“ Mótmælt við ríkisstjórnarfund: „Oscar á heima hér“ Kári hættur hjá Íslenskri erfðagreiningu Lokunin óásættanleg og muni leiða til verðhækkana fyrir íbúa Líkamsárásir og brotist inn í raftækjaverslun Grunaður um að hafa frelsissvipt ferðamann í nokkrar klukkustundir Hikar ekki við að lögsækja skyldi Rafmennt nota nafn skólans Myndaveisla: Lúðrasveit, fánar og gríðarstór stytta á Verkalýðsdaginn Kalla eftir mannúð og miskunnsemi stjórnvalda gagnvart börnum Fulllestað og veikt flutningskerfi raforku Þekkir ofbeldið sem konur í karllægum störfum verða fyrir Vilja móta samfélagið í þágu vinnandi fólks Sjá meira