Félagsstofnun stúdenta og Bjarg íbúðafélag hafa fengið lóðarvilyrði til að byggja samtals 260 leiguíbúðir fyrir stúdenta og félagsmenn verkalýðshreyfingarinnar í Skerjabyggð við Skerjafjörð. Ritað var undir samninga þessa efnis í gær.
Í tilkynningu frá Reykjavíkurborg segir að skipulagssamkeppni hafi verið haldin um skipulag í Skerjafirði og verið sé að vinna að deiliskipulagstillögu á grundvelli hennar. Um er að ræða landsvæði sem opnaðist sem byggingarland þegar litlu flugbrautinni var lokað.
Bjarg, sem er íbúðafélag verkalýðshreyfingarinnar, hefur fengið vilyrði fyrir lóð þar sem leyft verður að byggja 100 íbúðir, en samkvæmt samkomulagi við Félagsstofnun stúdenta verða byggðar 160 íbúðir.
Tvö félög fá lóðir fyrir 260 nýjar íbúðir
Tengdar fréttir
Hefja byggingu á annað hundrað íbúða í Spöng
Fyrsta skóflustungan að 155 nýjum leiguíbúðum sem Bjarg íbúðafélag byggir verður tekin í dag við Móaveg í Spönginni í Reykjavík.
