Fjögur ný til Kolibri Kolbeinn Tumi Daðason skrifar 15. maí 2018 11:35 Nýju starfsmennirnir brostu sínu breiðasta þegar þessi mynd var tekin af þeim. Kolibri Fjórir nýir sérfræðingar hafa gengið til liðs við nýsköpunarfyrirtækið Kolibri. Nýju starfsmennirnir eru Anna Signý Guðbjörnsdóttir, Benedikt Hauksson, Emanuele Milella og Orri Eyþórsson. Þetta kemur fram í ítarlegri tilkynningu frá fyrirtækinu um nýju liðsmennina. Anna Signý mun leiða uppbyggingu á ráðgjöf og rannsóknum á notendaupplifunum og notendaprófunum hjá Kolibri. Anna starfaði áður hjá Origo sem sérfræðingur í notendaupplifun en þar áður vann hún hjá Siteimprove í Kaupmannahöfn. Anna er með cand.it í digital design and communication frá IT háskólanum í Kaupmannahöfn en hún hefur einnig lokið námi í margmiðlunarhönnun og vefþróun. Anna situr í stjórn Samtaka vefiðnaðarins og hefur kennt notendaupplifun við Háskóla Íslands og Tækniskólann. Maki Önnu er Kristján Eyþór Eyjólfsson rafmagnstæknifræðingur og eiga þau tvo fjögurra ára drengi. Benedikt hefur verið ráðinn teymisþjálfari og stafrænn ráðgjafi hjá Kolibri. Benedikt hefur nýlokið meistaranámi frá Hyper Island í Stokkhólmi í stafrænni stjórnun (e. Digital Management). Áður hafði hann lokið námi frá Listaháskólanum í London í stefnumótun á auglýsingamörkuðum. Hann starfaði áður hjá auglýsingastofunni Brandenburg sem viðskiptastjóri. Fyrir þann tíma starfaði Benedikt hjá stafræna markaðsráðgjafafyrirtækinu Isobar við stafræna stefnumótun fyrirtækja. Benedikt stundar hjólreiðar og hestamennsku af kappi utan vinnu. Kærasta Benedikts er Þorgerður Þórhallsdóttir listakona. Emanuele eða „Manu“ eins og hann er oftast kallaður, hefur verið ráðinn stafrænn hönnuður hjá Kolibri. Hann er frá Ítalíu en hefur búið á Íslandi síðan 2006. Manu hefur starfað við hönnun frá 1997, m.a. sem hönnunarstjóri hjá Meniga og þar áður við hönnun hjá Latabæ. Manu er með gráðu í viðskipta- og hagfræði frá Universitá degli studi di Salerno. Eiginkona Manu er Tinna Rún Eiríksdóttir og eiga þau saman tvær dætur. Orri hefur verið ráðinn stafrænn hönnuður hjá Kolibri. Orri starfaði áður hjá Reon sem hönnuður en fyrir þann tíma starfaði hann hjá Haelo í San Francisco og Apon á Íslandi. Orri lauk námi í margmiðlunarhönnun og hefur starfað við grafíska hönnun frá árinu 2013. Að vinnudegi loknum er Orri liðtækur knattspyrnumaður en hann hefur undanfarin ár spilað í 4. deildinni með knattspyrnufélögunum Hvíta Riddaranum og KF Álafossi. Starfsmannafjöldi fyrirtækisins hefur þar með tvöfaldast á tveimur árum en hjá Kolibri starfa í dag yfir 30 hönnuðir, ráðgjafar og hugbúnaðarsérfræðingar. Ráðningarnar eru liður í frekari uppbyggingu sérhæfðs ráðgjafateymis Kolibri sem aðstoðar fyrirtæki við nýsköpun út frá hugmyndafræði notendamiðaðra hönnunaraðferða (e. design thinking). Á meðal viðskiptavina Kolibri eru Tryggingamiðstöðin, Íslandsbanki, Icelandair og Marel. „Það er mikill fengur að þessum liðsstyrk. Það er mjög mikilvægt að hafa aðgang að vel menntuðu og öflugu fólki í þeim mikla vexti sem einkennir stafræna þróun hér á landi. Kolibri hefur sérhæft sig í að hjálpa íslenskum fyrirtækjum í þjónustuhönnun. Við aðstoðum þau við að einfalda verkferla, auka virði og skapa ánægjulega viðskiptaupplifun. Við teljum að hönnun sé lykilinn í því að byggja upp þjónustu með þarfir viðskiptavinarins í huga. Í því felst meðal annars að kortleggja hvernig viðskiptavinir eiga samskipti við fyrirtækin og þróa lausnir sem auka virði þessara samskipta. Með því að fá Önnu, Benedikt, Orra og Emanuele til liðs við okkur eflum við enn frekar þekkingu okkar á þessu sviði.“ segir Ólafur Örn Nielsen, framkvæmdastjóri Kolibri. Mest lesið Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Fjórir nýir sérfræðingar hafa gengið til liðs við nýsköpunarfyrirtækið Kolibri. Nýju starfsmennirnir eru Anna Signý Guðbjörnsdóttir, Benedikt Hauksson, Emanuele Milella og Orri Eyþórsson. Þetta kemur fram í ítarlegri tilkynningu frá fyrirtækinu um nýju liðsmennina. Anna Signý mun leiða uppbyggingu á ráðgjöf og rannsóknum á notendaupplifunum og notendaprófunum hjá Kolibri. Anna starfaði áður hjá Origo sem sérfræðingur í notendaupplifun en þar áður vann hún hjá Siteimprove í Kaupmannahöfn. Anna er með cand.it í digital design and communication frá IT háskólanum í Kaupmannahöfn en hún hefur einnig lokið námi í margmiðlunarhönnun og vefþróun. Anna situr í stjórn Samtaka vefiðnaðarins og hefur kennt notendaupplifun við Háskóla Íslands og Tækniskólann. Maki Önnu er Kristján Eyþór Eyjólfsson rafmagnstæknifræðingur og eiga þau tvo fjögurra ára drengi. Benedikt hefur verið ráðinn teymisþjálfari og stafrænn ráðgjafi hjá Kolibri. Benedikt hefur nýlokið meistaranámi frá Hyper Island í Stokkhólmi í stafrænni stjórnun (e. Digital Management). Áður hafði hann lokið námi frá Listaháskólanum í London í stefnumótun á auglýsingamörkuðum. Hann starfaði áður hjá auglýsingastofunni Brandenburg sem viðskiptastjóri. Fyrir þann tíma starfaði Benedikt hjá stafræna markaðsráðgjafafyrirtækinu Isobar við stafræna stefnumótun fyrirtækja. Benedikt stundar hjólreiðar og hestamennsku af kappi utan vinnu. Kærasta Benedikts er Þorgerður Þórhallsdóttir listakona. Emanuele eða „Manu“ eins og hann er oftast kallaður, hefur verið ráðinn stafrænn hönnuður hjá Kolibri. Hann er frá Ítalíu en hefur búið á Íslandi síðan 2006. Manu hefur starfað við hönnun frá 1997, m.a. sem hönnunarstjóri hjá Meniga og þar áður við hönnun hjá Latabæ. Manu er með gráðu í viðskipta- og hagfræði frá Universitá degli studi di Salerno. Eiginkona Manu er Tinna Rún Eiríksdóttir og eiga þau saman tvær dætur. Orri hefur verið ráðinn stafrænn hönnuður hjá Kolibri. Orri starfaði áður hjá Reon sem hönnuður en fyrir þann tíma starfaði hann hjá Haelo í San Francisco og Apon á Íslandi. Orri lauk námi í margmiðlunarhönnun og hefur starfað við grafíska hönnun frá árinu 2013. Að vinnudegi loknum er Orri liðtækur knattspyrnumaður en hann hefur undanfarin ár spilað í 4. deildinni með knattspyrnufélögunum Hvíta Riddaranum og KF Álafossi. Starfsmannafjöldi fyrirtækisins hefur þar með tvöfaldast á tveimur árum en hjá Kolibri starfa í dag yfir 30 hönnuðir, ráðgjafar og hugbúnaðarsérfræðingar. Ráðningarnar eru liður í frekari uppbyggingu sérhæfðs ráðgjafateymis Kolibri sem aðstoðar fyrirtæki við nýsköpun út frá hugmyndafræði notendamiðaðra hönnunaraðferða (e. design thinking). Á meðal viðskiptavina Kolibri eru Tryggingamiðstöðin, Íslandsbanki, Icelandair og Marel. „Það er mikill fengur að þessum liðsstyrk. Það er mjög mikilvægt að hafa aðgang að vel menntuðu og öflugu fólki í þeim mikla vexti sem einkennir stafræna þróun hér á landi. Kolibri hefur sérhæft sig í að hjálpa íslenskum fyrirtækjum í þjónustuhönnun. Við aðstoðum þau við að einfalda verkferla, auka virði og skapa ánægjulega viðskiptaupplifun. Við teljum að hönnun sé lykilinn í því að byggja upp þjónustu með þarfir viðskiptavinarins í huga. Í því felst meðal annars að kortleggja hvernig viðskiptavinir eiga samskipti við fyrirtækin og þróa lausnir sem auka virði þessara samskipta. Með því að fá Önnu, Benedikt, Orra og Emanuele til liðs við okkur eflum við enn frekar þekkingu okkar á þessu sviði.“ segir Ólafur Örn Nielsen, framkvæmdastjóri Kolibri.
Mest lesið Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira