Viðskipti innlent

Ghostlamp opnar skrifstofu í Brasilíu

Kolbeinn Tumi Daðason skrifar
Starfsfólk Ghostlamp í Brasilíu. Frá vinstri eru Georgia Freire, Carlos Maia og Fernanda Araújo.
Starfsfólk Ghostlamp í Brasilíu. Frá vinstri eru Georgia Freire, Carlos Maia og Fernanda Araújo. Ghostlamp
Nýsköpunarfyrirtækið Ghostlamp hefur opnað skrifstofu í Brasilíu að því er fram kemur í tilkynningu frá fyrirtækinu. Ghostlamp er markaðstorg á vefnum sem auðveldar fyrirtækjum og auglýsingastofum aðgengi að áhrifavöldum á samfélagsmiðlum um allan heim. 

 „Starfsemin í Brasilíu hefur farið mjög vel af stað. Carlos Maia rekur fyrir okkur skrifstofuna sem er staðsett í Natal við norðurströnd Brasilíu. Hann hafði samband við okkur eftir að hafa kynnt sér þjónustuna og sá að þarna var komið verkfærið sem auglýsendur og auglýsingastofur vantaði í Brasilíu til að nýta sér kraft svokallaðra Micro áhrifavalda. Úr varð að hann fékk að gera tilraun til að setja starfsemi í gang. Skrifstofan var farin að bera sig strax á fyrsta mánuði,“ segir Jón Bragi Gíslason, forstjóri og stofnandi Ghostlamp, um opnunina í Brasilíu. 

 Hann er nú staddur í Kísildalnum í Californiu þar sem hann vinnur að frekari verkefnum fyrir fyrirtækið segir í tilkynningunni.

 „Carlos hefur strax ráðið tvo starfsmenn til viðbótar í teymið sem mun stækka talsvert á næstu mánuðum,“ segir Valgeir Magnússon, stjórnarformaður Ghostlamp.

Fyrirtækið hefur séð um áhrifavaldaherferðir t.d. fyrir, Subaru, Nissan, Hamley´s, KFC, AirB&B, Visit Sweeden, US Mobile og Telia á undanförnum mánuðum. Vinnan við þessi verkefni hefur farið fram í New York, Los Angeles, San Francisco, Moskvu, London, Helsinki, Milanó, París, Dubai, Abu Dhabi og Saudi Arabíu. 

 Ghostlamp hefur auk þess séð um áhrifavaldaherferðir á Íslandi en níu manns starfa á skrifstofu fyrirtækisins hér heima að því er segir í tilkynningunni.. Ghostlamp fékk þróunarstyrk Nýsköpunarmiðstöðvar fyrir árin 2018 og 2019. 


Tengdar fréttir

Segir að keyptar vinsældir muni heyra sögunni til

Andri Birgisson, frumkvöðull í áhrifavaldamarkaðssetningu, spáir því að svokallaðir áhrifavaldar muni brátt hætta að kaupa sér vinsældir í formi fylgjenda og "like-a“ og á samfélagsmiðlum.



Mest lesið


Fleiri fréttir

Sjá meira


×

Mest lesið