Kevin Durant rekinn af velli í tapi Golden State

Meistararnir í Golden State Warriors töpuðu fyrir Milwaukee Bucks í NBA körfuboltanum í nótt en leikurinn fór 116-107 og var Kevin Durant rekinn af velli.

 

Bucks voru sterkari aðilinn í þessum leik allt frá byrjun og voru með forystuna allan leikinn en staðan í hlé var 58-49.

 

Í þriðja leikhluta skoruðu Bucks 34 stig gegn aðeins 23 hjá Golden State og þá var í raun ekki aftur snúið. Liðsmenn Golden State reyndu hvað þeir gátu að koma til baka í fjórða leikhluta en það var of seint og voru lokatölur því 116-107 fyrir Bucks.

 

Giannis Antetokounmpo átti frábæran leik fyrir Bucks og skoraði 32 stig og var stigahæstur í leiknum á meðan Quinn Cook var stigahæstur hjá Golden State með 30 stig.

 

Eftir leikinn er Golden State þó ennþá í öðru sæti Vesturdeildarinnar á meðan Bucks eru í áttunda sæti Austurdeildarinnar.

 

LeMarcus Aldrigde skoraði 25 stig og tók 11 fráköst í sigri San Antonio Spurs á Oklahoma City Thunder en leiknum 103-99. Eftir sigurinn komst Spurs aftur í fjórða sæti Vesturdeildarinnar.

 

Úrslit næturinnar:

Pistons 103-92 Wizards

Heat 103-92 Bulls

Spurs 103-99 Thunder

Kings 103-106 Pacers

Warriors 107-116 Bucks

 

Hér fyrir neðan má sjá brot úr leik Bucks og Golden State.