Upphitun fyrir Barein: Slagurinn í eyðimörkinni Bragi Þórðarson skrifar 6. apríl 2018 22:00 Lewis Hamilton á brautinni í Barein. Vísir/Getty Önnur umferðin í Formúlu 1 fer fram í konungsveldinu Barein núna um helgina. Þetta verður í 14. skiptið sem að Formúlu 1 kappakstur verður haldinn á Barein-brautinni sem er 5,4 km að lengd, sem gerir hana að einni lengstu braut mótsins. Sebastian Vettel á Ferrari stóð uppi sem sigurvegari í fyrstu umferðinni í Ástralíu fyrir tveimur vikum og annar varð helsti keppinautur hans Lewis Hamilton á Mercedes. Báðir þessir ökumenn eru að berjast um sinn fimmta titil í íþróttinni og er því alveg ljóst að slagurinn verður harður milli þeirra um helgina. Þó að það hafi verið Ferrari sem náði sigri í Ástralíu er greinilegt að ítalski bílaframleiðandinn er aðeins á eftir Mercedes í ár hvað hraða varðar. Það voru einföld reiknimistök sem urðu þýska liðinu að falli fyrir tveimur vikum en Lewis Hamilton var fljótari en Vettel í Melbourne. Ferrari mun þó koma bjartsýnt til leiks um helgina þar sem ekkert lið hefur unnið oftar í Barein heldur en ítalska liðið og Vettel hefur þar af auki náð þremur sigrum í eyðimörkinni. Nokkrar smávægilegar breytingar hafa verið gerðar á brautinni fyrir kappaksturinn um helgina. Þar má helst nefna að DRS svæðið á ráskaflanum hefur verið lengt um 100 metra frá því í fyrra til þess að auka líkurnar á framúrakstri. Á DRS svæðum geta ökumenn opnað afturvæng bílsins sem minnkar loftmótstöðu sem gerir þeim auðvaldara fyrir að taka framúr. Brautin í Barein er mjög krefjandi bæði fyrir ökumenn og bíla. Margar tæknilegar beygjur og hröðunarsvæði reyna gríðarlega á afturdekk bílana og hitinn í eyðimörkinni kann að verða bæði ökumönnum og vélbúnaði erfiður. Æfingar, tímatökur og að sjálfsögðu kappaksturinn sjálfur verða í beinni útsendingu á Stöð 2 Sport um helgina. Formúla Mest lesið Sama sorglega lausnin og vanalega: Drögum kvennaliðið úr keppni Körfubolti „Hlupu eins og vindurinn hér í logninu í Annecy“ Sport Fimmtíu og þrír handteknir á Wembley í tengslum við úrslitaleikinn Fótbolti Sjáðu mörkin þegar Real tryggði sér Evrópubikarinn Fótbolti Nökkvi mætti Messi í markaleik í nótt Fótbolti Landsliðskonan náði á kjörstað fyrir lokun Sport Tvítugur norskur strákur vann Fantasy leik ensku úrvalsdeildarinnar Enski boltinn Charles Barkley og fleiri hneyksluð yfir ljótum brotum á Caitlin Clark Körfubolti Dagskráin í dag: Kópavogsslagur í Bestu deildinni Sport Mahomes í hlutverki leiðsögumanns í heimsókn Chiefs í Hvíta húsið Sport Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira
Önnur umferðin í Formúlu 1 fer fram í konungsveldinu Barein núna um helgina. Þetta verður í 14. skiptið sem að Formúlu 1 kappakstur verður haldinn á Barein-brautinni sem er 5,4 km að lengd, sem gerir hana að einni lengstu braut mótsins. Sebastian Vettel á Ferrari stóð uppi sem sigurvegari í fyrstu umferðinni í Ástralíu fyrir tveimur vikum og annar varð helsti keppinautur hans Lewis Hamilton á Mercedes. Báðir þessir ökumenn eru að berjast um sinn fimmta titil í íþróttinni og er því alveg ljóst að slagurinn verður harður milli þeirra um helgina. Þó að það hafi verið Ferrari sem náði sigri í Ástralíu er greinilegt að ítalski bílaframleiðandinn er aðeins á eftir Mercedes í ár hvað hraða varðar. Það voru einföld reiknimistök sem urðu þýska liðinu að falli fyrir tveimur vikum en Lewis Hamilton var fljótari en Vettel í Melbourne. Ferrari mun þó koma bjartsýnt til leiks um helgina þar sem ekkert lið hefur unnið oftar í Barein heldur en ítalska liðið og Vettel hefur þar af auki náð þremur sigrum í eyðimörkinni. Nokkrar smávægilegar breytingar hafa verið gerðar á brautinni fyrir kappaksturinn um helgina. Þar má helst nefna að DRS svæðið á ráskaflanum hefur verið lengt um 100 metra frá því í fyrra til þess að auka líkurnar á framúrakstri. Á DRS svæðum geta ökumenn opnað afturvæng bílsins sem minnkar loftmótstöðu sem gerir þeim auðvaldara fyrir að taka framúr. Brautin í Barein er mjög krefjandi bæði fyrir ökumenn og bíla. Margar tæknilegar beygjur og hröðunarsvæði reyna gríðarlega á afturdekk bílana og hitinn í eyðimörkinni kann að verða bæði ökumönnum og vélbúnaði erfiður. Æfingar, tímatökur og að sjálfsögðu kappaksturinn sjálfur verða í beinni útsendingu á Stöð 2 Sport um helgina.
Formúla Mest lesið Sama sorglega lausnin og vanalega: Drögum kvennaliðið úr keppni Körfubolti „Hlupu eins og vindurinn hér í logninu í Annecy“ Sport Fimmtíu og þrír handteknir á Wembley í tengslum við úrslitaleikinn Fótbolti Sjáðu mörkin þegar Real tryggði sér Evrópubikarinn Fótbolti Nökkvi mætti Messi í markaleik í nótt Fótbolti Landsliðskonan náði á kjörstað fyrir lokun Sport Tvítugur norskur strákur vann Fantasy leik ensku úrvalsdeildarinnar Enski boltinn Charles Barkley og fleiri hneyksluð yfir ljótum brotum á Caitlin Clark Körfubolti Dagskráin í dag: Kópavogsslagur í Bestu deildinni Sport Mahomes í hlutverki leiðsögumanns í heimsókn Chiefs í Hvíta húsið Sport Fleiri fréttir Leclerc vann loksins í Mónakó Bíllinn fjarlægður með krana eftir harkalegan árekstur í Mónakó Fjölskylda Schumacher vann gervigreindarmálið Verstappen á ráspól og jafnaði 35 ára gamalt met Hefur hjálpað Haas með glæfralegum akstri Fimm ára bið á enda hjá Norris Loksins landaði Lando sigri í Formúlu 1 Vatnaskil hjá Red Bull og risafréttir fyrir Formúlu 1 Sjá meira