Ríkisstjórn Ítalíu virðir athugasemdir ESB að vettugi Þorbjörn Þórðarson skrifar 22. október 2018 18:30 Ríkisstjórn Ítalíu ætlar að virða að vettugi reglur Evrópusambandsins um opinber fjármál og ætlar að skila fjárlagafrumvarpi með halla sem brýtur gegn reglunum þrátt fyrir athugasemdir og aðfinnslur framkvæmdastjórnar Evrópusambandsins. Forsætisáðherra Ítalíu segir að landið sé ekki á leið út úr ESB. Öll aðildarríki Evrópusambandsins þurfa að fylgja reglum um opinber fjármál sem eru ekki ósvipuð íslenskum lögum um sama efni sem Alþingi samþykkti árið 2015. Tilgangurinn með reglunum er að tryggja fjármálastöðugleika svo ríkisstjórnir freistist ekki til að stórauka ríkisútgjöld jafnvel þótt hávær krafa sé um það frá kjósendum. Þær fela í sér að ríki ESB hafi samráð um fjárlagagerð og skuldir og útgjöld aðildarríkja þurfi að vera undir ákveðnu viðmiði sem hlutfall af landsframleiðslu. Ríkisstjórn Ítalíu tilkynnti framkvæmdastjórn Evrópusambandsins í dag að hún hygðist ekki breyta fjárlagafrumvarpi næsta árs svo það uppfylli reglurnar þrátt fyrir athugasemdir framkvæmdastjórnarinnar. Frumvarpið eykur fjárlagahallann á Ítalíu upp í 2,4 prósent af vergri landsframleiðslu sem er þrefalt meira en gert var ráð fyrir í fjármálaáætlun fyrri ríkisstjórnar. Giovanni Tria efnahagsmálaráðherra Ítalíu segir í bréfi til framkvæmdastjórnarinnar að ríkisstjórn Ítalíu telji nauðsynlegt að auka ríkisútgjöld til að styðja við hagvöxt í landinu eftir áratug af kyrrstöðu eftir alþjóðlegu fjármálarkeppuna. Guiseppe Conte, forsætisráðherra Ítalíu sagði á blaðamannafundi í dag að Ítalir væru ekki á leið út úr Evrópusambandinu þrátt fyrir ákvörðun ríkisstjórnarinnar um að auka ríkisútgjöld og fara gegn reglum ESB um opinber fjármál. Hann kallaði eftir samtali við stofnanir ESB vegna fjárlagafrumvarpsins. Framkvæmdastjórn ESB sagði í síðustu viku að fjárlagafrumvarp Ítalíu væri án fordæma í sögu Evrópusambandsins. Framkvæmdastjórnin ætlar að bregðast formlega við bréfi ríkisstjórnar Ítalíu á morgun. Ef framkvæmdastjórnin fer fram á endurskoðun fjárlagafrumvarpsins verður það í fyrsta sinn sem slík krafa er gerð til aðildarríkis sambandsins og hefur ríkisstjórn Ítalíu þá þrjár vikur til að bregðast við kröfu um slíkt. Á meðal þeirra flokka sem eiga aðild að samsteypustjórn Ítalíu, sem var mynduð eftir síðustu kosningar, eru Fimm stjörnu hreyfingin og Lega sem áður bauð fram undir heitinu Leganord en báðir flokkarnir eru yfirleitt bendlaðir við þjóðernispopúlisma í umræðu um ítölsk stjórnmál. Mest lesið Sigga Lund lenti illa í „Vefstól Svanhildar“ og varar aðra við Neytendur Verðbólgan hjaðnar þvert á spár Viðskipti innlent Segir stefna í að Vélfag verði lagt niður vegna þvingananna Viðskipti innlent Óvænt en breytir þó ekki spám Viðskipti innlent Reiknuðu með halla en enduðu í hundruð milljóna króna plús Viðskipti innlent Fjórir ráðnir nýir fagstjórar hjá Kvikmyndaskólanum Viðskipti innlent „Áfengið þarf að vera erlendis þegar þú pantar það“ Viðskipti innlent Fiskar komnir í fyrstu 25 metra eldistankana Viðskipti innlent Ráðin markaðsstjóri Prís Viðskipti innlent Rekstur Árborgar jákvæður og bæjarstjóri fagnar Viðskipti innlent Fleiri fréttir Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Hagnaðist um 2,2 billjónir króna Gengi Novo Nordisk steypist niður Samkomulagið það besta mögulega í erfiðum aðstæðum Stærsti olíufundur Evrópu í áratug í Póllandi Hampiðjan kaupir ástralskan kaðlaframleiðanda Japanskir bílaframleiðendur í skýjunum eftir tollasamkomulag Hagnaðurinn af Labubu sagður hafa aukist um 350 prósent Hótar þrjátíu prósenta tolli á ESB Hótar Kanadamönnum hærri tollgjöldum Forstjóri X hættir óvænt Kynna nýtt kerfi gegn „gervigreindarsópum“ SAS í sókn og kaupir 55 brasilískar vélar Sjá meira
Ríkisstjórn Ítalíu ætlar að virða að vettugi reglur Evrópusambandsins um opinber fjármál og ætlar að skila fjárlagafrumvarpi með halla sem brýtur gegn reglunum þrátt fyrir athugasemdir og aðfinnslur framkvæmdastjórnar Evrópusambandsins. Forsætisáðherra Ítalíu segir að landið sé ekki á leið út úr ESB. Öll aðildarríki Evrópusambandsins þurfa að fylgja reglum um opinber fjármál sem eru ekki ósvipuð íslenskum lögum um sama efni sem Alþingi samþykkti árið 2015. Tilgangurinn með reglunum er að tryggja fjármálastöðugleika svo ríkisstjórnir freistist ekki til að stórauka ríkisútgjöld jafnvel þótt hávær krafa sé um það frá kjósendum. Þær fela í sér að ríki ESB hafi samráð um fjárlagagerð og skuldir og útgjöld aðildarríkja þurfi að vera undir ákveðnu viðmiði sem hlutfall af landsframleiðslu. Ríkisstjórn Ítalíu tilkynnti framkvæmdastjórn Evrópusambandsins í dag að hún hygðist ekki breyta fjárlagafrumvarpi næsta árs svo það uppfylli reglurnar þrátt fyrir athugasemdir framkvæmdastjórnarinnar. Frumvarpið eykur fjárlagahallann á Ítalíu upp í 2,4 prósent af vergri landsframleiðslu sem er þrefalt meira en gert var ráð fyrir í fjármálaáætlun fyrri ríkisstjórnar. Giovanni Tria efnahagsmálaráðherra Ítalíu segir í bréfi til framkvæmdastjórnarinnar að ríkisstjórn Ítalíu telji nauðsynlegt að auka ríkisútgjöld til að styðja við hagvöxt í landinu eftir áratug af kyrrstöðu eftir alþjóðlegu fjármálarkeppuna. Guiseppe Conte, forsætisráðherra Ítalíu sagði á blaðamannafundi í dag að Ítalir væru ekki á leið út úr Evrópusambandinu þrátt fyrir ákvörðun ríkisstjórnarinnar um að auka ríkisútgjöld og fara gegn reglum ESB um opinber fjármál. Hann kallaði eftir samtali við stofnanir ESB vegna fjárlagafrumvarpsins. Framkvæmdastjórn ESB sagði í síðustu viku að fjárlagafrumvarp Ítalíu væri án fordæma í sögu Evrópusambandsins. Framkvæmdastjórnin ætlar að bregðast formlega við bréfi ríkisstjórnar Ítalíu á morgun. Ef framkvæmdastjórnin fer fram á endurskoðun fjárlagafrumvarpsins verður það í fyrsta sinn sem slík krafa er gerð til aðildarríkis sambandsins og hefur ríkisstjórn Ítalíu þá þrjár vikur til að bregðast við kröfu um slíkt. Á meðal þeirra flokka sem eiga aðild að samsteypustjórn Ítalíu, sem var mynduð eftir síðustu kosningar, eru Fimm stjörnu hreyfingin og Lega sem áður bauð fram undir heitinu Leganord en báðir flokkarnir eru yfirleitt bendlaðir við þjóðernispopúlisma í umræðu um ítölsk stjórnmál.
Mest lesið Sigga Lund lenti illa í „Vefstól Svanhildar“ og varar aðra við Neytendur Verðbólgan hjaðnar þvert á spár Viðskipti innlent Segir stefna í að Vélfag verði lagt niður vegna þvingananna Viðskipti innlent Óvænt en breytir þó ekki spám Viðskipti innlent Reiknuðu með halla en enduðu í hundruð milljóna króna plús Viðskipti innlent Fjórir ráðnir nýir fagstjórar hjá Kvikmyndaskólanum Viðskipti innlent „Áfengið þarf að vera erlendis þegar þú pantar það“ Viðskipti innlent Fiskar komnir í fyrstu 25 metra eldistankana Viðskipti innlent Ráðin markaðsstjóri Prís Viðskipti innlent Rekstur Árborgar jákvæður og bæjarstjóri fagnar Viðskipti innlent Fleiri fréttir Frakkar þurfi mögulega að leita aðstoðar Alþjóðagjaldeyrissjóðsins Risinn sem var of stór til að falla er fallinn Facebook gagnrýnt fyrir að leyfa gervigreind að reyna við börn Vilja ekkert með áfengi nágranna sinna hafa Íslensku KFC-feðgarnir í Danmörku gjaldþrota Kynntu nýja útgáfu ChatGPT: „Þetta er eins og að tala við sérfræðing“ Stærsti olíu- og gasfundur olíurisa í 25 ár Tíu prósenta tollur á færeyskar vörur Leist ekki á hagtölur og rak yfirmann stofnunarinnar Hagnaðist um 2,2 billjónir króna Gengi Novo Nordisk steypist niður Samkomulagið það besta mögulega í erfiðum aðstæðum Stærsti olíufundur Evrópu í áratug í Póllandi Hampiðjan kaupir ástralskan kaðlaframleiðanda Japanskir bílaframleiðendur í skýjunum eftir tollasamkomulag Hagnaðurinn af Labubu sagður hafa aukist um 350 prósent Hótar þrjátíu prósenta tolli á ESB Hótar Kanadamönnum hærri tollgjöldum Forstjóri X hættir óvænt Kynna nýtt kerfi gegn „gervigreindarsópum“ SAS í sókn og kaupir 55 brasilískar vélar Sjá meira