Vill breytingar á vegalögum

Karl Gauti Hjaltason, þingmaður Flokks fólksins, hefur lagt fram frumvarp þess efnis að þjóðferjuleiðum verði bætt við skilgreiningu vegalaga á þjóðvegum. Undir þessa nýju skilgreiningu falla þá ferjuleiðir sem tengja byggðar eyjar við grunnvegakerfi landsins.

Karl Gauti segist hafa lofað því í kosningabaráttunni í október síðastliðnum að frumvarpið yrði lagt fram. „Það ber einnig að athuga að frumvarpið mun ekki aðeins nýtast Vestmannaeyingum heldur einnig íbúum á öðrum byggðum eyjum við landið, það er að segja Grímsey, Hrísey og Flatey.“