Sjáðu VAR mark Zlatan í slagnum um LA

Zlatan Ibrahimovic skoraði eina mark LA Galaxy í slagnum um Los Angeles í MLS deildinni í nótt.

Zlatan, sem kom til Galaxy fyrr á árinu frá Manchester United, kom heimamönnum yfir strax á fimmtándu mínútu leiksins í grannaslag LA Galaxy og Los Angeles FC. 

Carlos Vela jafnaði úr vítaspyrnu fyrir gestina í seinni hálfleik og þar við sat.

Zlatan þurfti þó að hafa fyrir því að fá mark sitt gilt. Dómari leiksins dæmdi ekki mark strax því útlit var fyrir því að varnarmaður Los Angeles FC hefði náð að hreinsa á línu.

Sókn Galaxy hélt áfram en lauk með afleitu skoti og þá var farið í myndbandsupptökur og fékk Zlatan markið dæmt því boltinn hafði farið allur yfir línuna.

Myndband af atvikinu má sjá hér að neðan:

Clearly and obviously ZLATAN. pic.twitter.com/EgycUCXZ2x

— LA Galaxy (@LAGalaxy) August 25, 2018