Fokk ofbeldi húfur eftir fremstu hönnuði landsins seldar á uppboði

Á fimmtudaginn næsta munu þrjár sérstakar útgáfur af Fokk ofbeldi húfunum fara á uppboð. Verkefnið er samstarf UN Women og Vodafone en uppboðið mun fara fram í verslun Vodafone í Kringlunni. Einnig munu gestir fá tækifæri til þess að vinna glæsilega vinninga eins og myndatöku hjá Sögu Sig, snjallsíma og bluetooth hátalara. 

Listakonurnar og hönnuðurnir Elín Hansdóttir, Erna Einarsdóttir hjá Geysi og Hildur Yeoman hönnuðu hver sína eigin útgáfu af húfunni frægu sem hefur selst eins og heitar lummur seinustu tvær vikur. 

Fokk Ofbeldi partýið verður, eins og fyrr segir, á fimmtudaginn næsta í verslun Vodafone í Kringunni og hefst klukkan 19. Þorsteinn Guðmundsson mun stýra gleðinni. Það má búast við heljarinnar skemmtun enda verður spennandi að fylgjast uppboðinu fara fram.