Ósk auglýsir eftir meðlimum í Quidditch-lið

Ósk Gunnarsdóttir fjölmiðlakona er mikil áhugamanneskja um íþróttina Quidditch sem margir þekkja úr kvikmyndunum og bókunum um Harry Potter.

Lengi vel hefur það verið draumur hennar að safna saman fólki til koma saman einu sinni í viku og æfa þessa íþrótt. Hún tók skrefið lengra í gær, í þættinum Þrjár í fötu sem er öll sunnudagskvöld á FM957, og óskaði eftir íþróttamenntuðum einstaklingi sem að gæti farið yfir reglurnar og þjálfun með henni.

Ósk skrifaði einnig stöðuuppfærslu á Facebook þar sem að hún óskaði eftir fólki en vinir hennar voru ekki að taka því alvarlega og héldu að það væri um grín að ræða meðal annars fór Þórunn Antonía í það að fá vini sína til að fótósjoppa myndir af Ósk sem Harry Potter.

Hún segir að henni sé full alvara og hún sé enn að óska eftir liðsfélögum og að áhugasamir um þessi skemmtilegu og skrítnu íþrótt geta haft samband við hana á osk@fm.is.

Quidditch er tveggja liða galdramannaíþrótt á kústum sem sagt er frá í bókunum um Harry Potter. Í Quidditchliði eru sjö leikmenn; einn gæslumaður, þrír sóknarmenn, tveir varnarmenn og einn leitari. Hlutverk gæslumannsins er að verja mörkin. Sóknarmennirnir reyna að ná tromlunni af andstæðingum og skora með henni mörk. Varnarmennirnir bera stórar kylfur og berja í burtu rotara með þeim. Leitararnir reyna að finna gullnu eldinguna og ná henni. Harry Potter er leitari.

Mörkin eins og í boltaíþróttum

Mörkin eru, eins og í raunverulegum boltaíþróttum, við sitt hvorn enda leikvangsins. Þau eru eins og risastór sápukúlublástursrör, þrjú við hvorn enda. Ef tromlunni er skotið í gegnum hringinn á einhverju markanna fær liðið sem skoraði 10 stig.

Í Quidditch eru fjórir boltar: ein tromla, tveir rotarar og svo gullna eldingin. Tromlan er notuð til þess að skora mörk með. Rotararnir fljúga um og reyna að rekast á (og jafnvel rota) leikmenn og gullna eldingin flýgur um og henni þarf að ná til að leiknum ljúki. Þá fær það lið sem nær henni 150 stig.

Á Stóra-Bretlandi eru 13 Quidditchlið, m.a. Falmouth Falcons-Falmouth Fálkarnir, Pride of Portree-Stolt portretanna og Puddlemere United.