Þrjú hrunmál fyrir endurupptökunefnd vegna hlutabréfaeignar dómara Þorbjörn Þórðarson skrifar 17. nóvember 2017 18:30 Fyrir endurupptökunefnd eru nú þrjú mál dómþola í hrunmálum sem krefjast endurupptöku vegna hlutafjáreignar dómara í bönkunum. Fyrr í þessari viku komst Hæstiréttur Íslands að þeirri niðurstöðu að hlutafjáreign dómara í banka gerði hann ekki vanhæfan til að dæma í sakamáli á hendur forstjóra þessa sama banka. Stím-málið er nú rekið að nýju fyrir dómstólum eftir að Hæstiréttur ógilti dóm í málinu í júní á þessu ári vegna vanhæfis eins dómara en í ljós kom að nafn barnsföður dómarans kom reglulega fyrir í gögnum málsins. Við endurtekna aðalmeðferð Stím-málsins krafðist Verjandi Lárusar Welding, fyrrverandi forstjóra Glitnis banka, þess að Ingimundur Einarsson dómsstjóri Héraðsdóms Reykjavíkur viki sæti vegna hlutafjáreignar sinnar í Glitni banka fyrir hrunið. Í úrskurði Héraðsdóms Reykjavíkur, þar sem fjallað var um kröfu vegna vanhæfis, kemur fram að tap Ingimundar vegna hlutafjáreignar í bönkunum þremur hafi numið um tveimur milljónum króna í bankahruninu. Var hlutur Ingimundar í Glitni í því tilliti metinn á liðlega 650 þúsund krónur. Í úrskurðinum segir: „Verður að telja að hagsmunir dómstjórans, í ljósi þeirra fjárhæða er um ræðir og þegar hliðsjón er almennt höfð af launum héraðsdómara, hafi verið óverulegir í öllu venjulegu tilliti. Geta þessir fjárhagslegu hagsmunir ekki verið til þess fallnir að draga óhlutdrægni hans með réttu í efa.“ Hæstiréttur staðfesti þessa niðurstöðu í dómi sem kveðinn var upp á þriðjudag en í dómnum segir: „Þau viðskipti með hlutabréf, sem meðdómsmaður sá, er hér um ræðir, átti við A hf. og B hf. og lýst er í hinum kærða úrskurði geta ekki leitt til þess að hann sé vanhæfur til meðferðar þessa máls, sem varðar ætluð brot í starfsemi C hf. Þá geta þau hlutabréfaviðskipti, sem meðdómsmaðurinn átti við síðastnefnda bankann og greinir í úrskurði héraðsdóms, heldur ekki valdið vanhæfi hans.“ Hér er Hæstiréttur búinn að taka út þær röksemdir sem úrskurður Héraðsdóms Reykjavíkur var reistur á og eru forsendur í dómi Hæstaréttar í raun ekki byggðar á rökum heldur þeirri staðreynd að hlutafjáreign dómarans valdi ekki vanhæfi hans. Það vekur athygli að Hæstiréttur fjallar ekkert um það hvort hlutafjáreign dómsstjórans hafi verið veruleg eða óveruleg. Að því er virðist er niðurstaðan aðeins reist á því að tap dómara á hlutafjáreign í banka valdi ekki vanhæfi í sakamáli þar sem ákærði er fyrrverandi forstjóri þessa sama banka. Ingimundur Einarsson dómsstjóri Héraðsdóms Reykjavíkur.fblHlutverk endurupptökunefndar er að taka ákvörðun um hvort heimila skuli endurupptöku dómsmáls sem dæmt hefur verið í héraði eða Hæstarétti. Fyrir endurupptökunefnd eru núna kröfur vegna þriggja sakamála þar sem dómþolar í svokölluðum hrunmálum hafa krafist endurupptöku vegna hlutafjáreignar dómara þar sem upplýsingar um hlutafjáreignina lágu ekki fyrir þegar kveðnir voru upp dómar í málum þeirra. Ljóst er að framangreindur dómur Hæstaréttar Íslands í máli vegna vanhæfis dómsstjóra Héraðsdóms Reykjavíkur getur enga leiðsögn veitt um það í hvaða mæli hlutafjáreign er líkleg til þess valda vanhæfi dómara. Ekki fengust upplýsingar um hvaða mál þetta eru fyrir endurupptökunefnd eða hvaða dómþolar hefðu óskað eftir endurupptöku mála sinna. Mest lesið Forsetavaktin: Halla Tómasdóttir kjörin forseti Innlent Ríkisstjórnin á erfiða daga fyrir höndum Innlent Var nálægt því að draga framboð sitt til baka Innlent Fólk hafi kosið taktískt gegn Katrínu Innlent Veit ekki hvað tekur við en byrjar á kaffibolla Innlent Ávarpaði stuðningsmenn af svölunum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira
Fyrir endurupptökunefnd eru nú þrjú mál dómþola í hrunmálum sem krefjast endurupptöku vegna hlutafjáreignar dómara í bönkunum. Fyrr í þessari viku komst Hæstiréttur Íslands að þeirri niðurstöðu að hlutafjáreign dómara í banka gerði hann ekki vanhæfan til að dæma í sakamáli á hendur forstjóra þessa sama banka. Stím-málið er nú rekið að nýju fyrir dómstólum eftir að Hæstiréttur ógilti dóm í málinu í júní á þessu ári vegna vanhæfis eins dómara en í ljós kom að nafn barnsföður dómarans kom reglulega fyrir í gögnum málsins. Við endurtekna aðalmeðferð Stím-málsins krafðist Verjandi Lárusar Welding, fyrrverandi forstjóra Glitnis banka, þess að Ingimundur Einarsson dómsstjóri Héraðsdóms Reykjavíkur viki sæti vegna hlutafjáreignar sinnar í Glitni banka fyrir hrunið. Í úrskurði Héraðsdóms Reykjavíkur, þar sem fjallað var um kröfu vegna vanhæfis, kemur fram að tap Ingimundar vegna hlutafjáreignar í bönkunum þremur hafi numið um tveimur milljónum króna í bankahruninu. Var hlutur Ingimundar í Glitni í því tilliti metinn á liðlega 650 þúsund krónur. Í úrskurðinum segir: „Verður að telja að hagsmunir dómstjórans, í ljósi þeirra fjárhæða er um ræðir og þegar hliðsjón er almennt höfð af launum héraðsdómara, hafi verið óverulegir í öllu venjulegu tilliti. Geta þessir fjárhagslegu hagsmunir ekki verið til þess fallnir að draga óhlutdrægni hans með réttu í efa.“ Hæstiréttur staðfesti þessa niðurstöðu í dómi sem kveðinn var upp á þriðjudag en í dómnum segir: „Þau viðskipti með hlutabréf, sem meðdómsmaður sá, er hér um ræðir, átti við A hf. og B hf. og lýst er í hinum kærða úrskurði geta ekki leitt til þess að hann sé vanhæfur til meðferðar þessa máls, sem varðar ætluð brot í starfsemi C hf. Þá geta þau hlutabréfaviðskipti, sem meðdómsmaðurinn átti við síðastnefnda bankann og greinir í úrskurði héraðsdóms, heldur ekki valdið vanhæfi hans.“ Hér er Hæstiréttur búinn að taka út þær röksemdir sem úrskurður Héraðsdóms Reykjavíkur var reistur á og eru forsendur í dómi Hæstaréttar í raun ekki byggðar á rökum heldur þeirri staðreynd að hlutafjáreign dómarans valdi ekki vanhæfi hans. Það vekur athygli að Hæstiréttur fjallar ekkert um það hvort hlutafjáreign dómsstjórans hafi verið veruleg eða óveruleg. Að því er virðist er niðurstaðan aðeins reist á því að tap dómara á hlutafjáreign í banka valdi ekki vanhæfi í sakamáli þar sem ákærði er fyrrverandi forstjóri þessa sama banka. Ingimundur Einarsson dómsstjóri Héraðsdóms Reykjavíkur.fblHlutverk endurupptökunefndar er að taka ákvörðun um hvort heimila skuli endurupptöku dómsmáls sem dæmt hefur verið í héraði eða Hæstarétti. Fyrir endurupptökunefnd eru núna kröfur vegna þriggja sakamála þar sem dómþolar í svokölluðum hrunmálum hafa krafist endurupptöku vegna hlutafjáreignar dómara þar sem upplýsingar um hlutafjáreignina lágu ekki fyrir þegar kveðnir voru upp dómar í málum þeirra. Ljóst er að framangreindur dómur Hæstaréttar Íslands í máli vegna vanhæfis dómsstjóra Héraðsdóms Reykjavíkur getur enga leiðsögn veitt um það í hvaða mæli hlutafjáreign er líkleg til þess valda vanhæfi dómara. Ekki fengust upplýsingar um hvaða mál þetta eru fyrir endurupptökunefnd eða hvaða dómþolar hefðu óskað eftir endurupptöku mála sinna.
Mest lesið Forsetavaktin: Halla Tómasdóttir kjörin forseti Innlent Ríkisstjórnin á erfiða daga fyrir höndum Innlent Var nálægt því að draga framboð sitt til baka Innlent Fólk hafi kosið taktískt gegn Katrínu Innlent Veit ekki hvað tekur við en byrjar á kaffibolla Innlent Ávarpaði stuðningsmenn af svölunum Innlent Svona var ávarp nýkjörinnar Höllu Tómasdóttur Innlent Fyrsti karlmakinn á Bessastöðum: „Draumaútkoman varð að veruleika” Innlent Eiríkur Ingi nýr handhafi mets sem enginn vill eiga Innlent Batt á sig klút til heiðurs Höllu Innlent Fleiri fréttir Arnar Þór ýjar að stofnun nýs stjórnmálaflokks Selenskí óskar Höllu Tómasdóttur til hamingju Harmar atvik þar sem konu var sagt að hún væri búin að kjósa Notkun Íslendinga á ADHD-lyfjum þrefaldaðist á tíu árum Fínt að það séu ekki bara „kallaforsetar“ Seinkun á tölum ekki að ástæðulausu Nýr forseti, kjörsókn sú besta í 28 ár og mat kjósenda Óskar Höllu til hamingju: „Þú verður góður forseti“ Svona var ávarp nýkjörinnar Höllu Tómasdóttur Ríkisstjórnin á erfiða daga fyrir höndum Þrjár efstu með 75 prósent atkvæða Niðurstöður talningar: Kjörsókn með besta móti Fyrsti karlmakinn á Bessastöðum: „Draumaútkoman varð að veruleika” Neðstu sex fengu samanlagt rúm þrjú þúsund atkvæði Dauðþreyttur Jón eyddi átta milljónum króna Ávarpaði stuðningsmenn af svölunum Könnun Maskínu daginn fyrir kjördag staðfesti flugið á Höllu Tómasdóttur Halla Hrund með hjartað fullt af þakklæti Aukafréttatími Stöðvar 2 Var nálægt því að draga framboð sitt til baka Fólk streymir í Bláa lónið á ný og sér eldgosið vel „Sigur MBA-gráðunnar, leiðtogafræða og mannauðsstjórnunar“ Björn lagði línuna og kjósendur svöruðu kallinu Veit ekki hvað tekur við en byrjar á kaffibolla Stöðugt hraunflæði til tveggja átta Eiríkur Ingi nýr handhafi mets sem enginn vill eiga Kosningarnar gerðar upp Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Sjá meira