Ný námslína sem eykur færni í stjórnun 16. maí 2017 12:00 Kristín Baldursdóttir og Þór Hauksson eru umsjónarmenn námslínunnar Forysta til framfara. Mynd/Eyþór Forysta til framfara er ný námslína hjá Endurmenntun Háskóla Íslands. Henni er ætlað að styðja stjórnendur í að ná aukinni færni í stjórnun, meðal annars með aðferðafræði verkefnastjórnunar. "Hugmyndin að námslínunni varð til í samtali okkar Kristínar en við höfðum orðið vör við óskir bæði Endurmenntunar og fólks í kringum okkur um kennslu fyrir stjórnendur í því að innleiða breytingar á vinnustöðum,“ segir Þór Hauksson, verkefnalóðs á þróunarsviði Landsvirkjunar og formaður Verkefnastjórnunarfélags Íslands, en hann er umsjónarmaður námslínunnar Forysta til framfara ásamt Kristínu Baldursdóttur, innri endurskoðanda Landsbankans. „Stöðugar kröfur eru gerðar til fyrirtækja og stofnana um að bregðast hratt við og tileinka sér breytingar. Á þeim forsendum ræddum við hvernig best væri að styðja stjórnendur í að takast á við stöðugar og oft á tíðum umtalsverðar breytingar. Við fengum þá hugmynd að búa til nám sem væri góð blanda af fræðilegum grunni og verklegri framkvæmd. Þetta myndum við gera með því að blanda saman leiðtogakenningum og kenningum um breytingastjórnun við verkefnastjórnun,“ lýsir Þór.Dýpka skilning „Námið er ætlað stjórnendum sem vilja ná aukinni færni í stjórnun. Við vinnum meðal annars með að dýpka skilning stjórnenda á umhverfinu sem þeir vinna í, á sjálfum sér, á samstarfsfólki sínu og hvernig þeir geti fengið það til að eiga í uppbyggilegu samstarfi. Fólk lærir að móta framtíðarsýn og stefnu og hvernig markvisst megi innleiða hana,“ segir Kristín og bendir á að verkefnastjórnin komi sterk inn í síðastnefnda liðnum enda sé hún í eðli sínu breytingastjórnun.Fyrir fólk í fullri vinnu Námið er ætlað stjórnendum í fullri vinnu. Námið spannar sex mánaða tímabil og fer kennsla fram einu sinni í mánuði. Á föstudögum frá klukkan 13 til 17 og á laugardagsmorgnum frá klukkan 9 til 13. Þór og Kristín segjast finna mikinn áhuga meðal stjórnenda sem vilji endurnýja sig og þróa sig í starfi. Kennslan er byggð upp með fyrirlestrum og verkefnavinnu. „Í hverri lotu leggjum við áherslu á afmarkað umfjöllunarefni og fléttum saman umfjöllun um stjórnun og leiðtogahæfni saman við hagnýtar aðferðir verkefnastjórnunar. Við biðjum fólk að koma með raunhæf verkefni, síðan er þátttakendum skipt niður í hópa sem velja eitt verkefni að vinna með. Þeir fá þjálfun í að beita kenningum og aðferðum sem til umfjöllunar eru hverju sinni við að leysa verkefnin,“ lýsir Kristín. Hún segir enga heimavinnu fylgja náminu en þau Þór leggi hins vegar fram leslista og komi með ábendingar um efni sem áhugavert sé fyrir þátttakendur að kynna sér.Verkefnastjórnun má nýta víða Viðbúið er að þátttakendur í náminu komi úr ólíkum áttum sem Þór og Kristín telja afar jákvætt. „Oft lærir fólk ekki minna af samnemendum sínum og reynsluheimi þeirra en af kennurunum,“ segir Kristín glaðlega. Hún mun sjálf einbeita sér að stjórnenda- og leiðtogafærni og fara yfir fyrirtækjamenningu, breytingastjórnun, sjálfsrækt og hópefli meðan Þór tekur fyrir verkefnastjórnun. „Verkefnastjórnun er ung faggrein og í stöðugri þróun. Fólk er að vakna til vitundar um að hægt sé að nýta þessa aðferðafræði á mörgum sviðum, bæði í stórum verklegum framkvæmdum sem og breytingum innan fyrirtækja,“ segir hann.Kynningarfundur 23. maí Kynningarfundur á námslínunni Forysta til framfara fer fram í Endurmenntun Háskóla Íslands, Dunhaga 7, þriðjudaginn 23. maí klukkan 18. Þar geta áhugasamir komið, kynnt sér námið, og spurt Kristínu og Þór nánar út í það. Umsóknarfrestur í námið er til 5. júní 2017. Nánari upplýsinga má leita á www.endurmenntun.is Mest lesið Röntgen Domus og Orkuhúsið fá ekki að sameinast Viðskipti innlent Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Bein útsending: Ársfundur SFS – Best í heimi? Viðskipti innlent Tekjur Apple drógust saman enn eina ferðina Viðskipti erlent Fleiri fréttir Neytendur kunna að meta Landlaxinn og Landbleikjuna Dýrmætustu og sjaldgæfustu Mustang bílar landsins á afmælissýningu Mustang Tölum um neytendamál! Mættu tímanlega í pallaráðgjöf hjá BYKO Bíllinn leggur meðan ég fæ mér drykk - smart #3 reynsluakstur GreenCoat er umhverfisvænasta litaða stálklæðningin sem völ er á Nú er hægt að elta góða veðrið um landið með kortavef Já.is Einblína á trausta ávöxtun til langs tíma Fjölbreytt vöruúrval og ein bestu verð hérlendis Toyota sýnir úrvals fyrirtækjabíla á Verk og vit Nýr Toyota Yaris Hybrid frumsýndur á laugardag Leið eins og stjórnanda geimskips Hver verður iðnaðarmaður ársins 2024? Sjá meira
Forysta til framfara er ný námslína hjá Endurmenntun Háskóla Íslands. Henni er ætlað að styðja stjórnendur í að ná aukinni færni í stjórnun, meðal annars með aðferðafræði verkefnastjórnunar. "Hugmyndin að námslínunni varð til í samtali okkar Kristínar en við höfðum orðið vör við óskir bæði Endurmenntunar og fólks í kringum okkur um kennslu fyrir stjórnendur í því að innleiða breytingar á vinnustöðum,“ segir Þór Hauksson, verkefnalóðs á þróunarsviði Landsvirkjunar og formaður Verkefnastjórnunarfélags Íslands, en hann er umsjónarmaður námslínunnar Forysta til framfara ásamt Kristínu Baldursdóttur, innri endurskoðanda Landsbankans. „Stöðugar kröfur eru gerðar til fyrirtækja og stofnana um að bregðast hratt við og tileinka sér breytingar. Á þeim forsendum ræddum við hvernig best væri að styðja stjórnendur í að takast á við stöðugar og oft á tíðum umtalsverðar breytingar. Við fengum þá hugmynd að búa til nám sem væri góð blanda af fræðilegum grunni og verklegri framkvæmd. Þetta myndum við gera með því að blanda saman leiðtogakenningum og kenningum um breytingastjórnun við verkefnastjórnun,“ lýsir Þór.Dýpka skilning „Námið er ætlað stjórnendum sem vilja ná aukinni færni í stjórnun. Við vinnum meðal annars með að dýpka skilning stjórnenda á umhverfinu sem þeir vinna í, á sjálfum sér, á samstarfsfólki sínu og hvernig þeir geti fengið það til að eiga í uppbyggilegu samstarfi. Fólk lærir að móta framtíðarsýn og stefnu og hvernig markvisst megi innleiða hana,“ segir Kristín og bendir á að verkefnastjórnin komi sterk inn í síðastnefnda liðnum enda sé hún í eðli sínu breytingastjórnun.Fyrir fólk í fullri vinnu Námið er ætlað stjórnendum í fullri vinnu. Námið spannar sex mánaða tímabil og fer kennsla fram einu sinni í mánuði. Á föstudögum frá klukkan 13 til 17 og á laugardagsmorgnum frá klukkan 9 til 13. Þór og Kristín segjast finna mikinn áhuga meðal stjórnenda sem vilji endurnýja sig og þróa sig í starfi. Kennslan er byggð upp með fyrirlestrum og verkefnavinnu. „Í hverri lotu leggjum við áherslu á afmarkað umfjöllunarefni og fléttum saman umfjöllun um stjórnun og leiðtogahæfni saman við hagnýtar aðferðir verkefnastjórnunar. Við biðjum fólk að koma með raunhæf verkefni, síðan er þátttakendum skipt niður í hópa sem velja eitt verkefni að vinna með. Þeir fá þjálfun í að beita kenningum og aðferðum sem til umfjöllunar eru hverju sinni við að leysa verkefnin,“ lýsir Kristín. Hún segir enga heimavinnu fylgja náminu en þau Þór leggi hins vegar fram leslista og komi með ábendingar um efni sem áhugavert sé fyrir þátttakendur að kynna sér.Verkefnastjórnun má nýta víða Viðbúið er að þátttakendur í náminu komi úr ólíkum áttum sem Þór og Kristín telja afar jákvætt. „Oft lærir fólk ekki minna af samnemendum sínum og reynsluheimi þeirra en af kennurunum,“ segir Kristín glaðlega. Hún mun sjálf einbeita sér að stjórnenda- og leiðtogafærni og fara yfir fyrirtækjamenningu, breytingastjórnun, sjálfsrækt og hópefli meðan Þór tekur fyrir verkefnastjórnun. „Verkefnastjórnun er ung faggrein og í stöðugri þróun. Fólk er að vakna til vitundar um að hægt sé að nýta þessa aðferðafræði á mörgum sviðum, bæði í stórum verklegum framkvæmdum sem og breytingum innan fyrirtækja,“ segir hann.Kynningarfundur 23. maí Kynningarfundur á námslínunni Forysta til framfara fer fram í Endurmenntun Háskóla Íslands, Dunhaga 7, þriðjudaginn 23. maí klukkan 18. Þar geta áhugasamir komið, kynnt sér námið, og spurt Kristínu og Þór nánar út í það. Umsóknarfrestur í námið er til 5. júní 2017. Nánari upplýsinga má leita á www.endurmenntun.is
Mest lesið Röntgen Domus og Orkuhúsið fá ekki að sameinast Viðskipti innlent Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Bein útsending: Ársfundur SFS – Best í heimi? Viðskipti innlent Tekjur Apple drógust saman enn eina ferðina Viðskipti erlent Fleiri fréttir Neytendur kunna að meta Landlaxinn og Landbleikjuna Dýrmætustu og sjaldgæfustu Mustang bílar landsins á afmælissýningu Mustang Tölum um neytendamál! Mættu tímanlega í pallaráðgjöf hjá BYKO Bíllinn leggur meðan ég fæ mér drykk - smart #3 reynsluakstur GreenCoat er umhverfisvænasta litaða stálklæðningin sem völ er á Nú er hægt að elta góða veðrið um landið með kortavef Já.is Einblína á trausta ávöxtun til langs tíma Fjölbreytt vöruúrval og ein bestu verð hérlendis Toyota sýnir úrvals fyrirtækjabíla á Verk og vit Nýr Toyota Yaris Hybrid frumsýndur á laugardag Leið eins og stjórnanda geimskips Hver verður iðnaðarmaður ársins 2024? Sjá meira