Bauð 2.000 krökkum í vatnsrennibrautargarð

NFL-hlauparinn Marshawn Lynch er heldur betur að slá í gegn í Oakland eftir að hann ákvað að semja við lið Oakland Raiders.

Lynch var hættur að spila en reif fram skóna á ný til þess að uppfylla draum sinn að spila með Raiders.

Þessi hægláti íþróttamaður er umhugað um að gleðja samfélagið í Oakland og hans nýjasta útspil er að bjóða 2.000 krökkum í vatnsrennibrautargarð í borginni.

Að sjálfsögðu var tekið vel í framtakið og bíða menn nú spenntir eftir því hverju hann tekur upp á næst.