Beyonce mætt með stelpugengið sitt í nýju herferð Ivy Park

Rétt áður en Beyoncé tilkynnti um óléttu sína á Instagram var vorherferð hennar fyrir Ivy Park frumsýnd. Ivy Park eru íþróttavörur sem hannaðar eru af Beyoncé og eru seldar í Topshop. 

Að þessu sinni fékk Beyoncé ungar og kraftmiklar konur með sér í lið. Þær Selah Marley og Yara Shahidi eru á hraðri uppleið hver á sínum vettvangi.

Þetta er ekki í fyrsta skiptið sem að söngkonan sópar að sér hæfileikaríkum og flottum konum með sér í verkefni en til dæmis var Lemonade, stuttmyndin sem hún gaf út fyrir tæpu ári síðan, en þar mátti meðal annars finna tennisstjörnuna Serena Williams og ungstirnið Zendaya.