Segir engan mun á upplifun notenda í ADSL og ljósleiðara í bréfi til Póst- og fjar Þorbjörn Þórðarson skrifar 24. júní 2017 19:00 Framkvæmdastjóri Gagnaveitu Reykjavíkur sem rekur ljósleiðaraþjónustu heldur því fram í svarbréfi til Póst- og fjarskiptastofnunar að notendur verði ekki varið við neinn mun á fjarskiptaþjónustu um koparheimtaug (ADSL) og ljósleiðaraheimtaug. Þetta er á skjön við yfirlýsingar framkvæmdastjórans opinberlega og auglýsingar Gagnaveitunnar. Gagnaveita Reykjavíkur hefur byggt upp ljósleiðarakerfi fyrir á þriðja tug milljarða króna frá aldamótum til þessa dags. Fyrirtækið, sem er dótturfélag Orkuveitu Reykjavíkur, varð til á grunni Línu.nets á sínum tíma. Undanfarin misseri hefur Síminn gert tilraunir til þess að kaupa aðgang að ljósleiðarakerfi Gagnaveitunnar. Stjórnendur Símans telja að Gagnaveitan hafi sett óaðgengileg skilyrði fyrir slíkum kaupum. Meðal annars óskaði Gagnaveitan eftir skuldbindingu Símans um tugþúsunda heimila lágmarksfjölda og að keypt væri heildarfjarskiptaþjónusta af Gagnaveitunni í stað þess ljósleiðaraaðgangs sem óskað var eftir. Síminn beindi erindi til Póst- og fjarskiptastofnunar hinn 6. janúar á þessu ári þar sem fyrirtækið krafðist þess meðal annars að stofnunin skyldaði Gagnaveituna til að veita Símanum svokallaðan „passívan aðgang" að ljósleiðaraneti Gagnaveitunnar í þeim sveitarfélögum þar sem uppbyggingin á sér stað. Í þessu felst heildsöluaðgangur að heimtaugum í tengistöðvum og að Síminn gæti keypt aðgang að ljósleiðaraheimtaugum Gagnaveitunnar án virks búnaðar frá fyrirtækinu.Notendur sjá ekki mun „svo nokkru nemi“ Erling Freyr Guðmundsson framkvæmdastjóri Gagnaveitu Reykjavíkur sendi svarbréf fyrir hönd fyrirtækisins til Póst- og fjarskiptastofnunar hinn 13. mars síðastliðinn. Fréttastofan hefur bréfið undir höndum en þar segir meðal annars: „Ekki hafa orðið þær breytingar á eftirspurn í þjónustu sem notendur kalla eftir þannig að ADSL og VDSL nái ekki að veita þá þjónustu til móts við ljósleiðara. Ljóst er þó hvert stefnir í þeim efnum en að öllum líkindum hefur þeim þröskuldi ekki enn verið náð að xDSL sé ekki lengur samkeppnisfært í hraða við ljósleiðara. Að mati GR er xDSL tækni enn með þeim hætti að notendur geta m.a. horft á IPTV í háskerpu og tekið niður netþjónustu af öðru tagi án þess að verða þess varir hvort þjónustan komi yfir kopar eða ljósleiðara svo nokkru nemi.“ Þetta gengur í berhögg við yfirlýsingar framkvæmdastjórans opinberlega og er á skjön við auglýsingar Gagnaveitunnar sem eiga að sýna yfirburði nettengingar yfir ljósleiðara. Í auglýsingu Gagnaveitunnar útskýrði stúlka fyrir föður sínum muninn á hraða ljósleiðarans og annars konar tengingar með því að hella vatni úr glasi og hins vegar hella vatni úr flösku með grönnum flöskuhálsi. Auglýsingin var tekin úr umferð því Neytendastofa taldi hana brjóta gegn lögum um eftirlit með viðskiptaháttum og markaðssetningu. Í viðtali við Markaðinn, fylgiblað Fréttablaðsins, 5. október á síðasta ári sagði Erling um ljósleiðarann: „Notendur finna mikinn mun á hraða og snerpu, þó venjulegt heimili taki ekki til sín mikið af gögnum.“Hvers vegna segir þú í bréfi til PFS að notendur verði ekki varir svo „nokkru nemi“ á mismuni á fjarskiptaþjónustu um kopar og ljósleiðaraheimtaug þegar þú hefur sagt annað í fjölmiðlum og Gagnaveitan hefur haldið öðru fram í auglýsingum? „Þessar tvær vörur (ADSL og ljósleiðari innsk.blm) eru á sama markaði hér á landi og í Evrópu. Þessi samanburður snýst ekki um flutningsgetuna. Ef þú horfir á ljósleiðarann þá er samanburður á hraða alltaf ljósleiðaranum í hag,“ segir Erling aðspurður um þessar misvísandi yfirlýsingar opinberlega og í svarbréfi til Póst- og fjarskiptastofnunar. Fellst þú ekki á að þetta sé á skjön við það sem fyrirtækið er að halda fram opinberlega? „Við erum að vitna í samanburð á markaði. Þetta er sami markaður sem þessar tvær vörur eru á. Það er ekki verið tala um samanburð á flutningsgetu. Til dæmis hefur flutningshraði ljósleiðarans hjá okkur á síðustu tíu árum tuttugufaldast.“Þú segir efnislega í svarbréfinu að notandinn verði ekki var við muninn á þessari tækni. Er það ekki á skjön við það sem fyrirtækið hefur haldið fram opinberlega? „Þú ert að vitna í markaði. Ég held að báðar þessar vörur geti horft á sjónvarp í dag. Ég held því áfram fram að ljósleiðarinn er vara sem hefur meiri hraða á interneti. Þarna ert þú að vitna í samanburð á mörkuðum.“Hvað áttu við þegar þú segir að notandinn verði þess ekki var hvort þjónustan komi yfir kopar eða ljósleiðara? „Þegar þú ert að horfa á sjónvarpið þá sérðu ekki mun á sjónvarpinu hvort það komi yfir ljósleiðara eða aðrar tegundir grunneta eins og ég nefndi í þessu samhengi,“ segir Erling Freyr Guðmundsson framkvæmdastjóri Gagnaveitunnar. Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Guðný og Sigurður Helgi til SI Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent Arnar Már nýr aðstoðarforstjóri Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira
Framkvæmdastjóri Gagnaveitu Reykjavíkur sem rekur ljósleiðaraþjónustu heldur því fram í svarbréfi til Póst- og fjarskiptastofnunar að notendur verði ekki varið við neinn mun á fjarskiptaþjónustu um koparheimtaug (ADSL) og ljósleiðaraheimtaug. Þetta er á skjön við yfirlýsingar framkvæmdastjórans opinberlega og auglýsingar Gagnaveitunnar. Gagnaveita Reykjavíkur hefur byggt upp ljósleiðarakerfi fyrir á þriðja tug milljarða króna frá aldamótum til þessa dags. Fyrirtækið, sem er dótturfélag Orkuveitu Reykjavíkur, varð til á grunni Línu.nets á sínum tíma. Undanfarin misseri hefur Síminn gert tilraunir til þess að kaupa aðgang að ljósleiðarakerfi Gagnaveitunnar. Stjórnendur Símans telja að Gagnaveitan hafi sett óaðgengileg skilyrði fyrir slíkum kaupum. Meðal annars óskaði Gagnaveitan eftir skuldbindingu Símans um tugþúsunda heimila lágmarksfjölda og að keypt væri heildarfjarskiptaþjónusta af Gagnaveitunni í stað þess ljósleiðaraaðgangs sem óskað var eftir. Síminn beindi erindi til Póst- og fjarskiptastofnunar hinn 6. janúar á þessu ári þar sem fyrirtækið krafðist þess meðal annars að stofnunin skyldaði Gagnaveituna til að veita Símanum svokallaðan „passívan aðgang" að ljósleiðaraneti Gagnaveitunnar í þeim sveitarfélögum þar sem uppbyggingin á sér stað. Í þessu felst heildsöluaðgangur að heimtaugum í tengistöðvum og að Síminn gæti keypt aðgang að ljósleiðaraheimtaugum Gagnaveitunnar án virks búnaðar frá fyrirtækinu.Notendur sjá ekki mun „svo nokkru nemi“ Erling Freyr Guðmundsson framkvæmdastjóri Gagnaveitu Reykjavíkur sendi svarbréf fyrir hönd fyrirtækisins til Póst- og fjarskiptastofnunar hinn 13. mars síðastliðinn. Fréttastofan hefur bréfið undir höndum en þar segir meðal annars: „Ekki hafa orðið þær breytingar á eftirspurn í þjónustu sem notendur kalla eftir þannig að ADSL og VDSL nái ekki að veita þá þjónustu til móts við ljósleiðara. Ljóst er þó hvert stefnir í þeim efnum en að öllum líkindum hefur þeim þröskuldi ekki enn verið náð að xDSL sé ekki lengur samkeppnisfært í hraða við ljósleiðara. Að mati GR er xDSL tækni enn með þeim hætti að notendur geta m.a. horft á IPTV í háskerpu og tekið niður netþjónustu af öðru tagi án þess að verða þess varir hvort þjónustan komi yfir kopar eða ljósleiðara svo nokkru nemi.“ Þetta gengur í berhögg við yfirlýsingar framkvæmdastjórans opinberlega og er á skjön við auglýsingar Gagnaveitunnar sem eiga að sýna yfirburði nettengingar yfir ljósleiðara. Í auglýsingu Gagnaveitunnar útskýrði stúlka fyrir föður sínum muninn á hraða ljósleiðarans og annars konar tengingar með því að hella vatni úr glasi og hins vegar hella vatni úr flösku með grönnum flöskuhálsi. Auglýsingin var tekin úr umferð því Neytendastofa taldi hana brjóta gegn lögum um eftirlit með viðskiptaháttum og markaðssetningu. Í viðtali við Markaðinn, fylgiblað Fréttablaðsins, 5. október á síðasta ári sagði Erling um ljósleiðarann: „Notendur finna mikinn mun á hraða og snerpu, þó venjulegt heimili taki ekki til sín mikið af gögnum.“Hvers vegna segir þú í bréfi til PFS að notendur verði ekki varir svo „nokkru nemi“ á mismuni á fjarskiptaþjónustu um kopar og ljósleiðaraheimtaug þegar þú hefur sagt annað í fjölmiðlum og Gagnaveitan hefur haldið öðru fram í auglýsingum? „Þessar tvær vörur (ADSL og ljósleiðari innsk.blm) eru á sama markaði hér á landi og í Evrópu. Þessi samanburður snýst ekki um flutningsgetuna. Ef þú horfir á ljósleiðarann þá er samanburður á hraða alltaf ljósleiðaranum í hag,“ segir Erling aðspurður um þessar misvísandi yfirlýsingar opinberlega og í svarbréfi til Póst- og fjarskiptastofnunar. Fellst þú ekki á að þetta sé á skjön við það sem fyrirtækið er að halda fram opinberlega? „Við erum að vitna í samanburð á markaði. Þetta er sami markaður sem þessar tvær vörur eru á. Það er ekki verið tala um samanburð á flutningsgetu. Til dæmis hefur flutningshraði ljósleiðarans hjá okkur á síðustu tíu árum tuttugufaldast.“Þú segir efnislega í svarbréfinu að notandinn verði ekki var við muninn á þessari tækni. Er það ekki á skjön við það sem fyrirtækið hefur haldið fram opinberlega? „Þú ert að vitna í markaði. Ég held að báðar þessar vörur geti horft á sjónvarp í dag. Ég held því áfram fram að ljósleiðarinn er vara sem hefur meiri hraða á interneti. Þarna ert þú að vitna í samanburð á mörkuðum.“Hvað áttu við þegar þú segir að notandinn verði þess ekki var hvort þjónustan komi yfir kopar eða ljósleiðara? „Þegar þú ert að horfa á sjónvarpið þá sérðu ekki mun á sjónvarpinu hvort það komi yfir ljósleiðara eða aðrar tegundir grunneta eins og ég nefndi í þessu samhengi,“ segir Erling Freyr Guðmundsson framkvæmdastjóri Gagnaveitunnar.
Mest lesið Grindvíkingar borgi allt að þriðjungi hærri leigu en aðrir Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Guðný og Sigurður Helgi til SI Viðskipti innlent Tekur við stöðu sviðsstjóra Netöryggismiðstöðvar Íslands Viðskipti innlent Arnar Már nýr aðstoðarforstjóri Viðskipti innlent Fleiri fréttir Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Sjá meira