Stöðug spilamennska hjá Ólafíu eftir erfiða byrjun

Ólafía Þórunn Kristinsdóttir er í 61.-65. sæti eftir fyrsta daginn á Sime Darby-mótinu í Malasíu. Mótið er hluti af LPGA-mótaröðinni.

Ólafía lék nokkuð jafnt golf á fyrsta hringnum eftir erfiða byrjun.

Hún hóf leik á 10. holu þar sem hún fékk par. Ólafía fékk því næst skolla, fugl og svo skramba á 13. holu.

Á síðustu 14 holunum fékk Ólafía 13 pör og einn skolla og endaði því á þremur höggum yfir pari.

Lydia Ko frá Ástralíu er efst á sjö höggum undir pari eftir fyrsta hringinn. Landa hennar, Su Oh, er önnur á sex undir pari.