LeBron James er orðinn leikjahæsti leikmaður í sögu Cleveland Cavaliers.
James lék sinn 772. leik fyrir Cleveland þegar liðið tapaði 112-107 fyrir Brooklyn Nets í nótt.
James tók þar með fram úr fyrrverandi samherja sínum, Zydrunas Ilgauskas, sem átti leikjametið.
James lék 548 leiki fyrir Cleveland á árunum 2003-10 og hefur síðan bætt 224 leikjum við eftir að hann gekk aftur í raðir liðsins 2014.
James á flest met í sögu Cleveland. Hann hefur t.a.m. skorað flest stig fyrir félagið og gefið flestar stoðsendingar.
James var með þrefalda tvennu, 29 stig, 10 fráköst og 13 stoðsendingar, í leiknum í nótt en það dugði ekki til. Cleveland hefur unnið þrjá af fyrstu fimm leikjum sínum á tímabilinu.
Flestir leikir í sögu Cleveland:
1. LeBron James - 772 leikir
2. Zydrunas Ilgauskas - 771
3. Danny Ferry - 723
4. Bingo Smith - 720
5. Hot Rod Williams - 661
6. Austin Carr - 635
7. Anderson Varejao - 591
8. Mark Price - 582
9. Brad Daugherty - 548
10. Craig Ehlo - 513
KA
Valur
