Lífeyrissjóðurinn Stapi hefur áfrýjað til Hæstaréttar dómi úr héraði um að hann þurfi að greiða fyrrverandi framkvæmdastjóra sjóðsins, Kára Arnóri Kárasyni, tæplega 24 milljónir króna vegna vangoldinna launa við starfslok. Þetta kemur fram á heimasíðu Hæstaréttar en ekki liggur fyrir hvenær málið verður tekið fyrir þar.
Sjá einnig: Kári Arnór fær 24 milljónir í bætur frá Stapa
Kári sagði upp störfum í fyrravor eftir að upp komst um eignarhald hans í fyrirtækjum í skattaskjólum. Hann var fyrsti einstaklingurinn hér á landi til að segja upp störfum vegna leka Panamaskjalanna.
Vildi Kári meina að lífeyrissjóðurinn hefði ekki staðið við launagreiðslur við starfslok.
Líklegt þykir að málið verði tekið fyrir á nýju ári, en þá mun Landsréttur hafa tekið til starfa. Það verður því að koma í ljós hvort málið verði sent til Landsréttar, nýs millidómstigs, eða Hæstaréttar.
Deilum Stapa og Kára um 24 milljónir ekki lokið
Tengdar fréttir
Hætti vegna Panamaskjala en vill laun
Kári Arnór Kárason, fyrrverandi framkvæmdastjóri Stapa lífeyrissjóðs hefur stefnt sjóðnum vegna vangoldinna launa við starfslok hans.
Framkvæmdastjóri Stapa lífeyrissjóðs segir af sér vegna eignarhalds á félögum í Panama-skjölunum
Kári Arnór Kárason biður vini og samstarfsfólk afsökunar og segist leiður yfir málinu.
Framkvæmdastjóri Sameinaða lífeyrissjóðsins hættur vegna Panama-skjalanna
Kristján Örn Sigurðsson hefur látið af störfum sem framkvæmdastjóri Sameinaða lífeyrissjóðsins.
Kári Arnór fær 24 milljónir í bætur frá Stapa
Lífeyrissjóðurinn Stapi hefur verið dæmdur til að greiða fyrrverandi framkvæmdastjóra sjóðsins tæplega 24 milljónir króna vegna vangoldinna launa við starfslok hans.
Töldu Kára fyrirgera rétti sínum á launuðum uppsagnarfresti
Stapi hefur verið dæmdur til að greiða Kára Arnóri, fyrrverandi framkvæmdastjóra sjóðsins, tæplega 24 milljónir króna vegna vangoldinna launa við starfslok hans.
