Finnur Reyr og Tómas selja allan hlut sinn í Kviku banka Hörður Ægisson skrifar 11. október 2017 09:45 Kvika banki stefnir á First North markaðinn í Kauphöllinni fyrir árslok. Vísir/GVA Fjárfestingafélagið Sigla, sem er í eigu Tómasar Kristjánssonar og hjónanna Finns Reyrs Stefánssonar og Steinunnar Jónsdóttur, sem átti um 7,27 prósenta hlut í Kviku, hefur losað um allan hlut sinn í fjárfestingabankanum. Kaupandi að bréfunum voru Lífsverk lífeyrissjóður, sem hefur eignast 2,33 prósenta hlut í Kviku banka, og ýmsir fjárfestar í gegnum safnreikning Virðingar. Þá hefur Sigurður Atli Jónsson, fyrrverandi forstjóri Kviku, einnig selt um hálfs prósents hlut sinn í bankanum, samkvæmt heimildum Markaðarins. Ekki fást staðfestar upplýsingar um hvað Lífsverk og fjárfestarnir greiddu fyrir bréfin en samkvæmt heimildum Markaðarins hafa bréf í Kviku að undanförnu verið að ganga kaupum og sölum á genginu 5,6 til 6,3 krónur á hlut. Sigla átti 102 milljónir hluta að nafnverði í bankanum og því má áætla að félagið hafi fengið í kringum 600 milljónir króna fyrir hlut sinn í Kviku. Fjárfestar í gegnum safnreikning Virðingar eiga nú samanlagt 8,29 prósenta hlut í bankanum eftir viðskiptin í síðustu viku. Þar munar mest um rúmlega 3,3 prósenta hlut Hjörleifs Jakobssonar, fjárfestis og fyrrverandi stjórnarmanns Kaupþings, og eiginkonu hans Hjördísar Ásberg. Þau eignuðust þann hlut í júlí síðastliðnum. Viðskiptafélagarnir Finnur Reyr og Tómas leiddu hóp fjárfesta sem keypti 65 prósenta hlut í Straumi fjárfestingabanka sumarið 2014 en ári síðar sameinaðist bankinn MP banka undir nafni Kviku. Finnur Reyr tók í kjölfarið sæti sem varaformaður stjórnar Kviku banka en á aðalfundi, sem haldinn var í mars fyrr á þessu ári, lét hann hins vegar af störfum í stjórn bankans.Finnur Reyr var um tíma varaformaður stjórnar Kviku banka.Þeir Finnur og Tómas hafa verið á meðal umsvifamestu einkafjárfestanna í íslensku viðskiptalífi á undanförnum árum og eru félög í eigu þeirra í hópi stórra hluthafa í Sjóvá, Regin fasteignafélagi, og Heimavöllum, stærsta leigufélagi landsins. Hagnaður Siglu á síðasta ári nam rúmlega 1.630 milljónum króna og nemur eigið fé félagsins um 4.745 milljónum. Kvika festi kaup á öllu hlutafé í Virðingu fyrr á árinu en gert ráð fyrir að samruni félaganna gangi formlega í gegn fyrir áramót þegar samþykki Fjármálaeftirlitsins hefur fengist. Í lok síðasta mánaðar var greint frá því að stjórn Kviku hefði samþykkt að stefna skuli að skráningu hlutabréfa bankans á First North markaðinn í Kauphöllinni fyrir árslok. Hagnaður bankans á fyrstu sex mánuðum þessa árs nam 946 milljónum króna. Arðsemi eigin fjár á tímabilinu var 26,2 prósent en eigið fé Kviku var um 8.200 milljónir króna um mitt þetta ár. Stærstu hluthafar Kviku í dag eru tryggingafélagið VÍS með rúmlega fjórðungshlut, félag í meirihlutaeigu Sigurðar Bollasonar fjárfestis, sem á 9,93 prósenta hlut, og Lífeyrissjóður verslunarmanna með 9,55 prósenta hlut.Athugasemd: Í prentútgáfu blaðsins sagði að Hjörleifur Jakobsson og eiginkona hans væru orðin einir stærstu hluthafar Kviku eftir að hafa bætt við sig um fimm prósenta hlut í bankanum í gegnum safnreikning Virðingar. Það er ekki rétt og er beðist velvirðingar á þeim mistökum. Þær upplýsingar byggðust á uppfærðum hluthafalista Kviku föstudaginn 6. október síðastliðinn þar sem sagði að þau hjónin stæðu að baki 8,29 prósenta hlut safnreiknings Virðingar. Markaðir Mest lesið Pakkarnir séu langt frá því að vera sambærilegir Viðskipti innlent Síminn má dreifa efni Sýnar Viðskipti innlent Húrra opnar þriðju verslunina á höfuðborgarsvæðinu Viðskipti innlent Ellefu prósent þjóðarinnar eiga ísvél Neytendur Vilja að Musk fái allt að 122 billjónir á næsta áratug Viðskipti erlent Hryllingssögur og dæmi: „Slúbbertar halda heilu stofnunum í gíslingu“ Atvinnulíf Segir félaginu skylt að skipta sér af „sorgarvegferð“ Play Viðskipti innlent Hætta með spilakassa á Ölveri Viðskipti innlent Seldu samheitalyf við hvítblæði og HIV fyrir hundruð milljóna Viðskipti innlent Greiddu eina krónu fyrir Mannlíf Viðskipti innlent Fleiri fréttir Pakkarnir séu langt frá því að vera sambærilegir Síminn má dreifa efni Sýnar Húrra opnar þriðju verslunina á höfuðborgarsvæðinu Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Tekur við starfi forstöðumanns lögfræðiráðgjafar Arion Ráðin fyrsti framkvæmdastjóri Kennarasambandsins Sjá meira
Fjárfestingafélagið Sigla, sem er í eigu Tómasar Kristjánssonar og hjónanna Finns Reyrs Stefánssonar og Steinunnar Jónsdóttur, sem átti um 7,27 prósenta hlut í Kviku, hefur losað um allan hlut sinn í fjárfestingabankanum. Kaupandi að bréfunum voru Lífsverk lífeyrissjóður, sem hefur eignast 2,33 prósenta hlut í Kviku banka, og ýmsir fjárfestar í gegnum safnreikning Virðingar. Þá hefur Sigurður Atli Jónsson, fyrrverandi forstjóri Kviku, einnig selt um hálfs prósents hlut sinn í bankanum, samkvæmt heimildum Markaðarins. Ekki fást staðfestar upplýsingar um hvað Lífsverk og fjárfestarnir greiddu fyrir bréfin en samkvæmt heimildum Markaðarins hafa bréf í Kviku að undanförnu verið að ganga kaupum og sölum á genginu 5,6 til 6,3 krónur á hlut. Sigla átti 102 milljónir hluta að nafnverði í bankanum og því má áætla að félagið hafi fengið í kringum 600 milljónir króna fyrir hlut sinn í Kviku. Fjárfestar í gegnum safnreikning Virðingar eiga nú samanlagt 8,29 prósenta hlut í bankanum eftir viðskiptin í síðustu viku. Þar munar mest um rúmlega 3,3 prósenta hlut Hjörleifs Jakobssonar, fjárfestis og fyrrverandi stjórnarmanns Kaupþings, og eiginkonu hans Hjördísar Ásberg. Þau eignuðust þann hlut í júlí síðastliðnum. Viðskiptafélagarnir Finnur Reyr og Tómas leiddu hóp fjárfesta sem keypti 65 prósenta hlut í Straumi fjárfestingabanka sumarið 2014 en ári síðar sameinaðist bankinn MP banka undir nafni Kviku. Finnur Reyr tók í kjölfarið sæti sem varaformaður stjórnar Kviku banka en á aðalfundi, sem haldinn var í mars fyrr á þessu ári, lét hann hins vegar af störfum í stjórn bankans.Finnur Reyr var um tíma varaformaður stjórnar Kviku banka.Þeir Finnur og Tómas hafa verið á meðal umsvifamestu einkafjárfestanna í íslensku viðskiptalífi á undanförnum árum og eru félög í eigu þeirra í hópi stórra hluthafa í Sjóvá, Regin fasteignafélagi, og Heimavöllum, stærsta leigufélagi landsins. Hagnaður Siglu á síðasta ári nam rúmlega 1.630 milljónum króna og nemur eigið fé félagsins um 4.745 milljónum. Kvika festi kaup á öllu hlutafé í Virðingu fyrr á árinu en gert ráð fyrir að samruni félaganna gangi formlega í gegn fyrir áramót þegar samþykki Fjármálaeftirlitsins hefur fengist. Í lok síðasta mánaðar var greint frá því að stjórn Kviku hefði samþykkt að stefna skuli að skráningu hlutabréfa bankans á First North markaðinn í Kauphöllinni fyrir árslok. Hagnaður bankans á fyrstu sex mánuðum þessa árs nam 946 milljónum króna. Arðsemi eigin fjár á tímabilinu var 26,2 prósent en eigið fé Kviku var um 8.200 milljónir króna um mitt þetta ár. Stærstu hluthafar Kviku í dag eru tryggingafélagið VÍS með rúmlega fjórðungshlut, félag í meirihlutaeigu Sigurðar Bollasonar fjárfestis, sem á 9,93 prósenta hlut, og Lífeyrissjóður verslunarmanna með 9,55 prósenta hlut.Athugasemd: Í prentútgáfu blaðsins sagði að Hjörleifur Jakobsson og eiginkona hans væru orðin einir stærstu hluthafar Kviku eftir að hafa bætt við sig um fimm prósenta hlut í bankanum í gegnum safnreikning Virðingar. Það er ekki rétt og er beðist velvirðingar á þeim mistökum. Þær upplýsingar byggðust á uppfærðum hluthafalista Kviku föstudaginn 6. október síðastliðinn þar sem sagði að þau hjónin stæðu að baki 8,29 prósenta hlut safnreiknings Virðingar.
Markaðir Mest lesið Pakkarnir séu langt frá því að vera sambærilegir Viðskipti innlent Síminn má dreifa efni Sýnar Viðskipti innlent Húrra opnar þriðju verslunina á höfuðborgarsvæðinu Viðskipti innlent Ellefu prósent þjóðarinnar eiga ísvél Neytendur Vilja að Musk fái allt að 122 billjónir á næsta áratug Viðskipti erlent Hryllingssögur og dæmi: „Slúbbertar halda heilu stofnunum í gíslingu“ Atvinnulíf Segir félaginu skylt að skipta sér af „sorgarvegferð“ Play Viðskipti innlent Hætta með spilakassa á Ölveri Viðskipti innlent Seldu samheitalyf við hvítblæði og HIV fyrir hundruð milljóna Viðskipti innlent Greiddu eina krónu fyrir Mannlíf Viðskipti innlent Fleiri fréttir Pakkarnir séu langt frá því að vera sambærilegir Síminn má dreifa efni Sýnar Húrra opnar þriðju verslunina á höfuðborgarsvæðinu Segir félaginu skylt að skipta sér af „sorgarvegferð“ Play Seldu samheitalyf við hvítblæði og HIV fyrir hundruð milljóna Ráðin nýr fagstjóri hjá Íslandsstofu Greiddu eina krónu fyrir Mannlíf Aukið samstarf opni á fleiri tengimöguleika til vesturstrandar Bandaríkjanna Bein útsending: Sjálfbærnidagur Landsbankans Tekur við starfi forstjóra Samkaupa Hætta með spilakassa á Ölveri Bein útsending: Ársfundur Grænvangs - Samstarf til framtíðar Flytja Emmessís í Grafarvog 78 sagt upp í þremur hópuppsögnum Tveir nýir framkvæmdastjórar hjá Póstinum Segir „vanstilltan“ starfsmann Icelandair kominn úr skotgröfunum Ráðinn nýr fjárfestingastjóri Ísafold Capital Partners Þrjár ráðnar til Krafts Bein útsending: Morgunfundur Svansins: Harðar kröfur – Auðvelt val Opnuðu 64 ný hjúkrunarrými á Hrafnistu í Kópavogi Kaupa bræðurna út: „Við vorum sammála um að vinna ekki lengur saman“ Flestir ánægðir með söluna á Íslandsbanka Samið um norðlenska forgangsorku „Þetta eru ekki alveg óvæntar fréttir“ Formaður FÍA hafi beina hagsmuni af því að ráðast gegn Play Selja hlut sinn í Skógarböðunum Spáir endalokum Play á Íslandi: „Fjárfestar voru lokkaðir að stofnun þessa félags“ Jón Gunnarsson til Samorku Tekur við starfi forstöðumanns lögfræðiráðgjafar Arion Ráðin fyrsti framkvæmdastjóri Kennarasambandsins Sjá meira