Björn Þorláksson ráðinn upplýsingafulltrúi Umhverfisstofnunar

Umhverfisstofnun hefur ráðið Björn Þorláksson til starfa sem sérfræðing á sviði upplýsingamála. Starfið var auglýst í desember og sótti 81 um.

Í tilkynningu stofnunarinnar kemur fram að Björn á langan feril að baki sem fjölmiðlamaður. Hann hefur verið fréttastjóri og ritstjóri og vann um árabil að dagskrárgerð og fréttum í sjónvarpi, m.a. á Ríkisútvarpinu og Stöð 2. Hann er með stúdentspróf frá Menntaskólanum á Akureyri, BA-gráðu í þjóðfélagsfræðum frá Háskólanum á Akureyri og MA-gráðu í fjölmiðlafræði og blaðamennsku frá Háskóla Íslands.

Björn mun að mestu sinna starfinu á starfstöð Umhverfisstofnunar á Borgum á Akureyri. Stöðvar Umhverfisstofnunar eru alls níu og ná út um allt land. Eiginkona Björns er Arndís Bergsdóttir doktorskandídat og safnafræðingur. Þau eiga fimm börn.

Guðfinn­ur Sig­ur­vins­son lét nýverið af störfum sem upplýsingafulltrúi Umhverfisstofnunar.