Finnur Reyr og Tómas tefla fram sínum manni í stjórnarkjöri Icelandair Hörður Ægisson skrifar 23. febrúar 2017 07:15 Fjárfestar horfa til þess að breytingar verði gerðar á stjórn Icelandair á aðalfundi í lok næstu viku. mynd/birgir örn sigurjónsson Hópur fjögurra einkafjárfesta, sem samanstendur meðal annars af viðskiptafélögunum Finni Reyr Stefánssyni og Tómasi Kristjánssyni, á orðið um 1,5 prósenta hlut í Icelandair og hyggst tefla fram Ómari Benediktssyni, fyrrverandi framkvæmdastjóra Air Atlanta og SmartLynx í Lettlandi, í kjöri til stjórnar á aðalfundi flugfélagsins 3. mars næstkomandi. Tómas staðfestir þetta í samtali við Fréttablaðið en markaðsviðskipti Kviku fjárfestingarbanka hafa haft milligöngu um kaup þeirra á bréfum í flugfélaginu á síðustu dögum. Þórir Kristinsson, viðskiptafélagi Ómars, sem hefur starfað sem stjórnandi hjá flugfélögunum SmartLynx og Air Atlanta, stendur einnig að baki félagi í eigu þeirra fjórmenninga sem á núna hlut í Icelandair sem er metinn á um 1.200 milljónir miðað við núverandi gengi bréfa flugfélagsins. Einkafjárfestarnir leita nú stuðnings ýmissa hluthafa Icelandair, meðal annars Stefnis og Gildis lífeyrissjóðs, við framboð Ómars til stjórnarsetu í félaginu. Ómar, sem starfar núna sem framkvæmdastjóri Farice, sat í stjórn Icelandair á árunum fyrir bankahrunið og var um tíma varaformaður félagsins.Tómas KristjánssonMargir fjárfestar í Icelandair, ásamt öðrum markaðsaðilum, horfa til þess að breytingar verði gerðar á stjórn félagsins á komandi aðalfundi. Hafa ýmsir gagnrýnt yfirstjórnendur Icelandair, bæði stjórnarmenn og aðra helstu stjórnendur félagsins, fyrir að hafa ekki komið fyrr fram með trúverðuga aðgerðaáætlun til að bregðast við vaxandi erfiðleikum í rekstrarumhverfi Icelandair. Í afkomuviðvörun sem Icelandair sendi frá sér í lok janúar var afkomuspá félagsins fyrir þetta ár lækkuð um meira en 30 prósent. Hlutabréfaverð Icelandair féll um tæplega eitt prósent í gær en markaðsvirði félagsins hefur lækkað um samtals 115 milljarða á aðeins tíu mánuðum.Finnur Reyr StefánssonFjórir stærstu eigendur Icelandair Group – Lífeyrissjóður verslunarmanna, Stefnir, Lífeyrissjóður starfsmanna ríkisins (LSR) og Gildi lífeyrissjóður – eiga samanlagt 46 prósent í félaginu. Ljóst þykir að Lífeyrissjóður verslunarmanna mun styðja áfram Úlfar Steindórsson, varaformann stjórnar, til stjórnarsetu og slíkt hið sama áformar LSR hvað varðar stuðning sinn við Magnús Magnússon. Meiri óvissa er um áform Stefnis, sem á 14,3 prósent í gegnum tvo hlutabréfasjóði í stýringu félagsins, og Gildis lífeyrissjóðs, sem á um 7,4 prósenta hlut, sem fram til þessa hafa ekki stutt neinn tiltekinn einstakling umfram annan til setu í stjórninni. Aðrir stjórnarmenn Icelandair Group eru Sigurður Helgason, sem er jafnframt formaður stjórnar, Katrín Olga Jóhannesdóttir, og Ásthildur Margrét Otharsdóttir. Finnur Reyr og Tómas eru ekki með öllu ókunnugir rekstri Icelandair Group en fjárfestingarfélag þeirra Sigla ehf. var á árunum 2007 til 2010 í hópi stærstu hluthafa flugfélagsins með 2 prósenta hlut og sat Finnur í stjórn þess á þeim árum. Þeir Finnur og Tómas hafa verið á meðal umsvifamestu einkafjárfestanna í íslensku viðskiptalífi á undanförnum árum og eru félög í eigu þeirra í hópi stórra hluthafa í Sjóvá, Regin fasteignafélagi, Kviku fjárfestingarbanka og Heimavöllum, stærsta leigufélagi landsins. Fréttin birtist fyrst í Fréttablaðinu Birtist í Fréttablaðinu Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Kínverski risinn sem herjar á evrópska neytendur Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Hópur fjögurra einkafjárfesta, sem samanstendur meðal annars af viðskiptafélögunum Finni Reyr Stefánssyni og Tómasi Kristjánssyni, á orðið um 1,5 prósenta hlut í Icelandair og hyggst tefla fram Ómari Benediktssyni, fyrrverandi framkvæmdastjóra Air Atlanta og SmartLynx í Lettlandi, í kjöri til stjórnar á aðalfundi flugfélagsins 3. mars næstkomandi. Tómas staðfestir þetta í samtali við Fréttablaðið en markaðsviðskipti Kviku fjárfestingarbanka hafa haft milligöngu um kaup þeirra á bréfum í flugfélaginu á síðustu dögum. Þórir Kristinsson, viðskiptafélagi Ómars, sem hefur starfað sem stjórnandi hjá flugfélögunum SmartLynx og Air Atlanta, stendur einnig að baki félagi í eigu þeirra fjórmenninga sem á núna hlut í Icelandair sem er metinn á um 1.200 milljónir miðað við núverandi gengi bréfa flugfélagsins. Einkafjárfestarnir leita nú stuðnings ýmissa hluthafa Icelandair, meðal annars Stefnis og Gildis lífeyrissjóðs, við framboð Ómars til stjórnarsetu í félaginu. Ómar, sem starfar núna sem framkvæmdastjóri Farice, sat í stjórn Icelandair á árunum fyrir bankahrunið og var um tíma varaformaður félagsins.Tómas KristjánssonMargir fjárfestar í Icelandair, ásamt öðrum markaðsaðilum, horfa til þess að breytingar verði gerðar á stjórn félagsins á komandi aðalfundi. Hafa ýmsir gagnrýnt yfirstjórnendur Icelandair, bæði stjórnarmenn og aðra helstu stjórnendur félagsins, fyrir að hafa ekki komið fyrr fram með trúverðuga aðgerðaáætlun til að bregðast við vaxandi erfiðleikum í rekstrarumhverfi Icelandair. Í afkomuviðvörun sem Icelandair sendi frá sér í lok janúar var afkomuspá félagsins fyrir þetta ár lækkuð um meira en 30 prósent. Hlutabréfaverð Icelandair féll um tæplega eitt prósent í gær en markaðsvirði félagsins hefur lækkað um samtals 115 milljarða á aðeins tíu mánuðum.Finnur Reyr StefánssonFjórir stærstu eigendur Icelandair Group – Lífeyrissjóður verslunarmanna, Stefnir, Lífeyrissjóður starfsmanna ríkisins (LSR) og Gildi lífeyrissjóður – eiga samanlagt 46 prósent í félaginu. Ljóst þykir að Lífeyrissjóður verslunarmanna mun styðja áfram Úlfar Steindórsson, varaformann stjórnar, til stjórnarsetu og slíkt hið sama áformar LSR hvað varðar stuðning sinn við Magnús Magnússon. Meiri óvissa er um áform Stefnis, sem á 14,3 prósent í gegnum tvo hlutabréfasjóði í stýringu félagsins, og Gildis lífeyrissjóðs, sem á um 7,4 prósenta hlut, sem fram til þessa hafa ekki stutt neinn tiltekinn einstakling umfram annan til setu í stjórninni. Aðrir stjórnarmenn Icelandair Group eru Sigurður Helgason, sem er jafnframt formaður stjórnar, Katrín Olga Jóhannesdóttir, og Ásthildur Margrét Otharsdóttir. Finnur Reyr og Tómas eru ekki með öllu ókunnugir rekstri Icelandair Group en fjárfestingarfélag þeirra Sigla ehf. var á árunum 2007 til 2010 í hópi stærstu hluthafa flugfélagsins með 2 prósenta hlut og sat Finnur í stjórn þess á þeim árum. Þeir Finnur og Tómas hafa verið á meðal umsvifamestu einkafjárfestanna í íslensku viðskiptalífi á undanförnum árum og eru félög í eigu þeirra í hópi stórra hluthafa í Sjóvá, Regin fasteignafélagi, Kviku fjárfestingarbanka og Heimavöllum, stærsta leigufélagi landsins. Fréttin birtist fyrst í Fréttablaðinu
Birtist í Fréttablaðinu Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Kínverski risinn sem herjar á evrópska neytendur Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira