Áfram í gæsluvarðhaldi grunaður um að hafa stungið annan mann í höfuðið

Hæstiréttur framlengdi í dag gæsluvarðhald yfir manni sem grunaður er um að hafa stungið annan mann í höfuðið vegna deilna um bíl. Maðurinn var handtekinn aðfaranótt 5. mars á þessu ári og hefur síðan setið í gæsluvarðhaldi. Málið verður tekið fyrir í Hæstaréti þann 27. nóvember næstkomandi. Í úrskurði hæstaréttar kemur fram að maðurinn mun sitja í gæsluvarðhaldi þangað til málið hefur verið tekið fyrir, þó ekki lengur en til mánudagsins 20. desember kl.16.

Maðurinn er grunaður um að hafa aðfaranótt 5. mars síðastliðinn stundið annnan mann en í í greinagerð lögreglu kom fram að málið væri rannsakað sem alvarleg líkamsárás eða tilraun til manndráps. Hinn ákærði á að hafa fengið lánaðan bíl hjá vinkonu sinni tveimur dögum áður en neitað að skilja henni til baka. Þau mældu sér mót um miðnætti þann 5. mars en hún hafi ekki þorað að hitta manninn ein og því hafi annar vinur hennar boðist til að fara með henni. 

Þegar maðurinn var krafinn um lyklana að bílnum hafi komið til átaka milli mannanna tveggja og sá ákærði tekið upp hníf og stungið brotaþola í höfuðið. Í framhaldi tók blóð að spýtast úr höfðinu á brotaþola, sem kom sér í burtu og hringdi í vinkonu sína og hún farið með hann á slysadeild. Við komu á slysadeild komi í ljós að maðurinn var með alvarlega stunguáverka og slagæðarblæðingu úr höfuðleðri. 

„Hafi það verið mat vakthafandi læknis á heila og taugadeild LSH að ef eggvopnið hefði gengið inn í heilavefinn hefði ekki verið að sökum að spyrja og áverkinn hafi getað leitt til mikils varanlegs tjóns og jafnvel dauða,“ segir í úrskurðinum.

Hinn ákærði hefur neitað sök í málinu.