Viðskipti innlent

Risahótel Ólafs Ólafssonar ætlað fyrir gesti sem vilja týna sér í náttúrunni

Birgir Olgeirsson skrifar
Tölvuteiknuð mynd af fyrirhuguðu lúxushóteli félags Ólafs Ólafssonar á Snæfellsnesi.
Tölvuteiknuð mynd af fyrirhuguðu lúxushóteli félags Ólafs Ólafssonar á Snæfellsnesi. Johannes Torpe Studios/Ikonoform
Hundrað og fimmtíu herbergja lúxushótel og heilsulind mun rísa á landi Eiðhúsa á sunnanverðu Snæfellsnesi gangi áform fasteignafélagsins Festi eftir. Félagið er í eigu Ólafs Ólafssonar aðaleiganda Samskipa.

Danska hönnunarstofan Johannes Torpe Studios er annar þeirra aðila sem tók þátt í hönnunarsamkeppni Festis vegna hótelsins og heilsulindar. Heilsulindin verður 800 fermetrar að stærð ásamt lóni sem verður eitt þúsund fermetrar að stærð.

Myndirnar sem fylgja eru frá tillögu Johannes Torpe Studios. Enn á eftir að taka afstöðu til tillagna en arkitektastofan Gláma Kím tók einnig þátt í keppninni.

Johannes Torpe Studios/Ikonoform
Í tilkynningu frá dönsku hönnunarstofunni kemur fram að innblástur að verkefninu hafi verið fenginn úr sögu Bárðar Snæfellsáss, sem ákvað að yfirgefa jarðir sínar og hverfa í Snæfellsjökul sökum þess að hann ætti ekki skap með mönnum.

Johannes Torpe Studios/Ikonoform
Er verkefnið titlað The Red Mountain Resort og sagt afdrep fyrir fólk sem hverfa úr daglegu amstri og týna sér i íslenskri náttúru.

Johannes Torpe Studios/Ikonoform
Í umsögn um verkefnið kemur fram að náttúran muni leika stórt hlutverk á þessu hóteli en byggingin muni þó veita gestum skjól fyrir harðneskjunni. Mikið útsýni verður frá hóteli og mun manngerða lónið flæða í gegnum móttöku þess, og þannig afmá mörkin milli þess að vera innan- og utandyra.

Johannes Torpe Studios/Ikonoform
„Við vildum skapa þá sjónhverfingu að fólki líði eins og það sé að ganga inn í aðra veröld þegar það mætir á hótelið. Veröld sem virkjar skynfæri gesta á þann hátt sem er ekki mögulegt í daglegu amstri,“ er haft eftir Johannes Torpe.

Johannes Torpe Studios/Ikonoform
Tilkynning frá Festi vegna málsins:

Jóhannes Torpe og Gláma Kím tóku þátt í hugmyndasamkeppni Festis ehf. vegna jarðbaða að Eiðhúsum á Snæfellsnesi síðastliðinn vetur. Enn hefur ekki verið tekin afstaða til tillagnanna vegna áframhaldandi vinnu í verkefninu og því liggur vinningstillaga ekki enn fyrir.

Staða verkefnisins er sú að verið að athuga afkastagetu borholu á svæðinu sem er ein meginforsenda þess að hægt sé að halda áfram með verkefnið. Enn á eftir að rannsaka betur efnasamsetningu heita vatnsins á svæðinu og aðra jarðfræðilega þætti sem geta haft mikil áhrif á framvinduna.

Auk þess er ráðgjafafyrirtækið Alta ehf. að vinna að nýju aðalskipulagi fyrir Eyja- og Miklaholtshrepp sem einnig er nauðsynlegur þáttur í framgangi verksins. Festir stefnir að því á næstunni að semja um framhald hönnunarvinnunar.


Það er ljóst að verkið er á frumstigi en vonir standa til að þetta metnaðarfullt verkefni komist á laggirnar með kærkomnum tækifærum fyrir ferðaþjónustuna á Vesturlandi.


Tengdar fréttir

Ólafur á bólakafi í byggingaframkvæmdum

Ólafur Ólafsson fjárfestir og félög tengd honum standa að eða hafa áætlanir uppi um umfangsmikla uppbyggingu íbúðarhúsnæðis og hótela á höfuðborgarsvæðinu á næstu árum






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
0,56
39
389.936
SJOVA
0,55
7
47.004
ICEAIR
0,52
75
104.875

Mesta lækkun dagsins


Félag
Br.%
Fjöldi
Velta*
ICESEA
-1,71
7
112.011
KVIKA
-1,65
62
1.143.163
EIK
-1,56
3
150
ORIGO
-1,53
13
82.150
SKEL
-1,32
5
5.528
Velkomin á Vísi. Þessi vefur notar vafrakökur. Sjá nánar.