Innlent

Skorað á Pál að fara í borgina

Jóhann Óli Eiðsson skrifar
Páll Magnússon, þingmaður Sjálfstæðisflokksins.
Páll Magnússon, þingmaður Sjálfstæðisflokksins. Vísir/Anton

Ýtt hefur verið á Pál Magnússon, þingmann Sjálfstæðisflokksins, að bjóða sig fram í leiðtogakjöri Sjálfstæðisflokksins fyrir borgarstjórnarkosningar.

„Það hafa ýmsir fært þetta í tal við mig á síðustu dögum. Hingað til hef ég haft öðrum hnöppum að hneppa og þetta hafði ekki hvarflað að mér fyrr en fólk fór að nefna þetta við mig,“ segir Páll. Páll, sem er formaður atvinnuveganefndar þingsins, var kosinn á þing í fyrsta skipti síðasta haust. Hann er fyrsti þingmaður Suðurkjördæmis.

„Ég hef haft í nógu að snúast sem formaður atvinnuveganefndar í því sem ég hef tekið mér fyrir hendur þar. Í sannleika sagt hef ég ekki hugleitt þetta af neinni alvöru,“ segir Páll. Aðspurður kýs hann að tjá sig ekki um það hvort hann íhugi þetta nú af alvöru eða hvenær ákvörðunar sé að vænta.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.