Reykjavíkurdætur fóru á kostum í Kronik

Íslenska rappsveitin Reykjavíkurdætur mættu í Kronik á X-977 á föstudagskvöldið. Þátturinn hefur að undanförnu verið á laugardögum en framvegis verður Kronik milli 18-20 á föstudagskvöldum. 

Reykjavíkurdætur tóku lagið vinsæla Reppa heiminn en þær frumsýndu myndband við lagið á Vísi í síðustu viku.

Myndbandið vakti strax mikla athygli en sveitin varð að fjarlægja það fljótlega af YouTube þar sem bandið hafði ekki fengið leyfi til að taka um myndbandið inni í flugvél sem notuð var sem leikmunur. 

Hér að neðan má sjá flutning þeirra frá því á föstudagskvöldið.