Balmain x Beats By Dre er nýtt samstarf

Balmain x Beats By Dre er nýtt samstarf sem sameinar tvo heima, tísku og tækni. Við fáum nánast fréttir af nýju samstarfi í hverri viku því mörg fyrirtæki virðast vera að tengja sig saman. Neytendur í dag vilja eitthvað nýtt, spennandi og sérstakt. 

Þetta samstarf er fallegt og gulllitað, en Olivier Rousteing sagði það hafa tekið nokkurn tíma að ná hinum fullkomna gull-lit. Olivier Rousteing er listrænn stjórnandi tískuhússins. Olivier á marga vini í Hollywood og er góður vinur Kardashian fjölskyldunnar, og fékk hann Kylie Jenner að vera andlit herferðarinnar.

Það eru tvær týpur af heyrnatólunum, bæði lítil og stór. Heyrnatólin koma einnig í tveimur litum, dökkgrænum og ljósbleikum. Það er erfitt að finna falleg heyrnatól og eru þessi svo sannarlega fyrir tískuunnendur.