Nýjar vikutölur úr laxveiðiánum

Eins og öll miðvikudagskvöld birti Landssamband Stangveiðifélaga nýjar vikutölur úr laxveiðiánum í gærkvöldi.

Veiðin virðist ganga vel eins og sést þegar rýnt er í tölurnar þó þær séu ekki eins og á sumrinu 2015 en þess ber að geta að það sumar var auðvitað einstakt hvað laxgengd varðar.  Það er þó engin að kvarta enda virðist árið vera um eða aðeins yfir meðaltali síðustu 10 ára.  Þverá og Kjarrá eru eftar á listanum með 248 laxa á land og samkvæmt tölfræðinni er þetta svipuð veiði og í fyrra en árnar eru með 656 laxa samtals en á sama tíma í fyrra var veiðin 721 lax.  Kannski aðeins lakari tala en það hafa fleiri dagar verið erfiðir til veiða vegna veðurs en yfir samatímabil frá opnun í fyrra.

Efstu árnar þar á eftir eru svo Norðurá með 571 lax og vikuveiði upp á 184 laxa.  Miðfjarðará er með 451 lax og vikuveiði uppá 180 laxa.  Blanda er með 371 lax og vikuveiðin þar var 142 laxar.  Í fimmta sæti er svo Ytri Rangá með 365 laxa en vikuveiðin var 215 laxar.  Næsti stóri straumur er 10 júlí og veiðimenn bíða spenntir eftir því að sjá hverju hann skilar en á vesturlandi sérstaklega er þetta yfirleitt sá straumur sem skilar oftast hvað mestum laxi í árnar.  Listann í heild sinni má finna á www.angling.is