Viðskipti innlent

Reiknistofa bankanna innleiðir nýjan greiðslumáta í samstarfi við Swipp

Erna Agnes Sigurgeirsdóttir skrifar
Friðrik Þór Snorrason, forstjóri RB.
Friðrik Þór Snorrason, forstjóri RB. RB
Reiknistofa bankanna hefur hafið samstarf við danska félagið Swipp. Markmiðið með samstarfinu er að innleiða nýja lausn fyrir farsímagreiðslur hér á landi. Með þessari nýju lausn er viðskiptavinum gert kleift að greiða í verslunum, millifæra og innheimta greiðslur með notkun símans. Greiðslur berast verslunum strax og kostnaður við þessa nýju greiðsluleið verður lægri vegna einfaldari miðlunar.



„Samstarfið við Swipp hefur gengið vonum framar. Það tók eingöngu tvo daga að tengja lausnina við innlánakerfi RB þannig að hægt væri að framkvæma farsímagreiðslur beint af innlánsreikningi. Í sumar hefjast prófanir á greiðslum á posa í verslunum. Við stefnum að því að lausnin verði tekin í notkun í haust,“ segir Friðriki Þór Snorrasyni, forstjóri RB.



RB leggur upp úr því að þessi nýi greiðslumáti bæti öryggi greiðslna og verið er að vinna í því, að útiloka nær alla svikastarfsemi sem þekkt er í kortaviðskiptum í dag. Greiðslurnar fara beint af reikningi greiðanda inn á reikning móttakanda. Séð er fram á að þessi nýja lausn komi í stað debet- og kreditkorta. Allar þær viðbætur sem gerða verða á kerfinu hérlendis af hendi RB munu einnig geta nýst á öðrum mörkuðum.

Martin Andersen, forstjóri Swipp.RB
Swipp er í eigu 72 danskra banka og segir forstjóri fyrirtækisins,Martin Andersen, þessa nýju tækni eiga erindi inn á aðra markaði



„Þróunarverkefnið með RB hefur staðfest verðmæti og skilvirkni þeirrar tækni sem hefur verið þróuð hjá Swipp.  Félagið hefur í raun búið til brautarteinana sem þurfa að vera til staðar til að farsímagreiðslur virki á milli einstaklinga, verslana og banka. Það er ljóst að tæknin að baki Swipp á fullt erindi inn á aðra markaði, “ segir Martin. 




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
1,04
18
257.231
SIMINN
0,65
6
220.620
SKEL
0,47
9
60.732
ORIGO
0,29
2
2.001
SYN
0,28
2
82

Mesta lækkun dagsins


Félag
Br.%
Fjöldi
Velta*
VIS
-2,74
11
227.668
REGINN
-2,39
11
24.941
EIM
-1,7
5
81.625
TM
-1,59
9
93.496
ICEAIR
-1,41
119
182.558
Velkomin á Vísi. Þessi vefur notar vafrakökur. Sjá nánar.