Þriðji réttur veislunnar Óskar Ófeigur Jónsson skrifar 1. júní 2017 06:00 Steph Curry hjá Golden State og LeBron James hjá Cleveland eru mjög mikilvægir sínum liðum. Fréttablaðið/Getty Það hefur lengi stefnt í það að Golden State Warriors og Cleveland Cavaliers mætist í lokaúrslitum NBA-deildarinnar og eftir alltof mörg sóp í fyrri umferðum úrslitakeppninnar og dágóða bið frá því að úrslit deildanna kláruðust er óhætt að segja að körfuboltafólk þyrsti í alvöru úrslitaeinvígi.24 sigrar í 25 leikjum í ár Í kvöld er loksins komið að þessu. Það eru tíu dagar síðan Golden State sópaði San Antonio Spurs út og sjö dagar síðan meistararnir í Cleveland afgreiddu Boston Celtics sannfærandi í þriðja leiknum í röð í Boston Garden. Það að þessi lið séu búin að vinna 24 af 25 leikjum sínum í úrslitakeppninni ætti að þýða að bæði koma fersk til leiks í Oracle Arena í Oakland. Í raun hefur ekki reynt almennilega á þessi tvö frábæru lið. Golden State Warriors hefur unnið alla tólf leiki sína og eina tap Cleveland kom þegar liðið mætti til leiks „án“ LeBron James. James var eitthvað veiklulegur og hafi einhver efast um mikilvægi kappans þá heyrir sá efi líklega sögunni til eftir að í ljós kom hvað Cavs gerir án alvöru framlags frá sínum besta manni. Liðsmenn Golden State Warriors hljóta samt að mæta til leiks í miklum hefndarhug. Hvað annað er hægt eftir lokaúrslitin í fyrra. Eftir besta tímabil sögunnar vantaði Golden State bara krúnuna til að geta kallað sig besta lið allra tíma.3-1 varð að 3-4 Liðið var 3-1 yfir og fékk þrjá leiki til að landa síðasta sigrinum og tryggja sér NBA-titilinn annað árið í röð. En viti menn. Þeim tókst að gera lítið úr manndómi LeBron James sem svaraði með einni mögnuðustu þriggja leikja frammistöðu í sögu lokaúrslitanna. Þegar upp var staðið hafi James og félögum tekist að koma til baka og vinna fyrsta NBA-titil Cleveland Cavaliers. Það er ekki alveg sama Golden State lið sem mætir til leiks í ár. Auðvitað verða alltaf einhverjar mannabreytingar á milli tímabila en nú mæta Warriors í lokaúrslitin búnir að bæta við sig einum besta körfuboltamanni heims. Það besta við það að mæta til leiks með Kevin Durant er að hann er líklegast hungraðasti maðurinn á vellinum í titil enda einn af fáum leikmönnum liðanna sem á ekki hring. Bestu fréttirnar fyrir Warriors er að stórstjörnurnar Kevin Durant og Stephen Curry blómstra nú hvor við annars hlið en þeir eru að skora saman 53,8 stig að meðaltali í leik í úrslitakeppninni. Báðir hafa tapað einu sinni fyrir LeBron, Curry 2016 og Durant 2012, og ætla ekki að láta það gerast aftur.Súperframmistaða súperstjörnu LeBron James leiddi Cleveland til sigurs fyrir ári síðan og er þegar búinn að skrifa NBA-söguna í þessari úrslitakeppni með því að bæta stigamet Michael Jordan. James þurfti vissulega fleiri leiki en um leið færri skot til að ná átrúnaðargoði sínu. MJ er enn með þrjá fleiri titla en James og LeBron þarf nú að sýna meira af því sem hann sýndi í síðustu þremur leikjum lokaúrslitanna í fyrra ætli hann að minnka forskot Mikes í ár. James var með 35,7 stig (55 prósent skotnýting), 12,3 fráköst og 9,0 stoðsendingar að meðaltali í leik í þremur síðustu leikjum lokaúrslitanna í fyrra. Við þeirri frammistöðu átti Warriors-liðið fá svör og missti frá sér titilinn. Spekingar eru samt flestir á því að Golden State Warriors vinni NBA-titilinn í ár, bara spurning um hvort það verði 4-3, 4-1 eða jafnvel 4-0. Austurdeildin þykir meðal margra vera aðeins hálfdrættingur á við Vesturdeildina og því er ekki erfitt að draga þá ályktun að lið sem kemur 12-0 í gegnum Vesturdeildina eigi sigurinn vísan.Að steypa kónginum af stóli Lokaúrslit NBA-deildarinnar snúast hins vegar oftast um frammistöðu súperstjarnanna og á úrslitastundu í fyrra réðu Warriors-menn ekkert við James eða Kyrie Irving. Nú eru þeir hins vegar búnir að bæta við einum vænum vinstri krók með Kevin Durant. Boltaflæðið og breiddin er vissulega enn Warriors-megin en þeir þurfa þurfa að steypa kónginum af stóli og það er ekki létt verk. Eitt er víst, leikurinn í kvöld er skylduáhorf fyrir allt NBA-áhugafólk. Innbyrðisleikir liðanna voru varla marktækir vegna meiðsla, þreytu eða fjarveru leikmanna og þetta eru því fyrstu alvöru leikir tveggja bestu liða heims í eitt ár. Það er komið að þriðja rétti í körfuboltaveislu þessara liða og við fylgjumst spennt með á Stöð 2 Sport. NBA Mest lesið Í beinni: Valur - Afturelding | Mosfellingar geta komist í úrslit Handbolti Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Kjósa um hvort notkun VAR verði hætt Fótbolti Illa orðað samningsákvæði varð KA að falli Íslenski boltinn United lyfti sér upp að hlið Newcastle Enski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Fleiri fréttir Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Murray með ótrúlega flautukörfu fyrir aftan miðju er Denver jafnaði ÍR-ingar stoppuðu stutt alveg eins og KR: Komnir upp í Subway Atlanta Hawks fá fyrsta valrétt í nýliðavalinu Sjá meira
Það hefur lengi stefnt í það að Golden State Warriors og Cleveland Cavaliers mætist í lokaúrslitum NBA-deildarinnar og eftir alltof mörg sóp í fyrri umferðum úrslitakeppninnar og dágóða bið frá því að úrslit deildanna kláruðust er óhætt að segja að körfuboltafólk þyrsti í alvöru úrslitaeinvígi.24 sigrar í 25 leikjum í ár Í kvöld er loksins komið að þessu. Það eru tíu dagar síðan Golden State sópaði San Antonio Spurs út og sjö dagar síðan meistararnir í Cleveland afgreiddu Boston Celtics sannfærandi í þriðja leiknum í röð í Boston Garden. Það að þessi lið séu búin að vinna 24 af 25 leikjum sínum í úrslitakeppninni ætti að þýða að bæði koma fersk til leiks í Oracle Arena í Oakland. Í raun hefur ekki reynt almennilega á þessi tvö frábæru lið. Golden State Warriors hefur unnið alla tólf leiki sína og eina tap Cleveland kom þegar liðið mætti til leiks „án“ LeBron James. James var eitthvað veiklulegur og hafi einhver efast um mikilvægi kappans þá heyrir sá efi líklega sögunni til eftir að í ljós kom hvað Cavs gerir án alvöru framlags frá sínum besta manni. Liðsmenn Golden State Warriors hljóta samt að mæta til leiks í miklum hefndarhug. Hvað annað er hægt eftir lokaúrslitin í fyrra. Eftir besta tímabil sögunnar vantaði Golden State bara krúnuna til að geta kallað sig besta lið allra tíma.3-1 varð að 3-4 Liðið var 3-1 yfir og fékk þrjá leiki til að landa síðasta sigrinum og tryggja sér NBA-titilinn annað árið í röð. En viti menn. Þeim tókst að gera lítið úr manndómi LeBron James sem svaraði með einni mögnuðustu þriggja leikja frammistöðu í sögu lokaúrslitanna. Þegar upp var staðið hafi James og félögum tekist að koma til baka og vinna fyrsta NBA-titil Cleveland Cavaliers. Það er ekki alveg sama Golden State lið sem mætir til leiks í ár. Auðvitað verða alltaf einhverjar mannabreytingar á milli tímabila en nú mæta Warriors í lokaúrslitin búnir að bæta við sig einum besta körfuboltamanni heims. Það besta við það að mæta til leiks með Kevin Durant er að hann er líklegast hungraðasti maðurinn á vellinum í titil enda einn af fáum leikmönnum liðanna sem á ekki hring. Bestu fréttirnar fyrir Warriors er að stórstjörnurnar Kevin Durant og Stephen Curry blómstra nú hvor við annars hlið en þeir eru að skora saman 53,8 stig að meðaltali í leik í úrslitakeppninni. Báðir hafa tapað einu sinni fyrir LeBron, Curry 2016 og Durant 2012, og ætla ekki að láta það gerast aftur.Súperframmistaða súperstjörnu LeBron James leiddi Cleveland til sigurs fyrir ári síðan og er þegar búinn að skrifa NBA-söguna í þessari úrslitakeppni með því að bæta stigamet Michael Jordan. James þurfti vissulega fleiri leiki en um leið færri skot til að ná átrúnaðargoði sínu. MJ er enn með þrjá fleiri titla en James og LeBron þarf nú að sýna meira af því sem hann sýndi í síðustu þremur leikjum lokaúrslitanna í fyrra ætli hann að minnka forskot Mikes í ár. James var með 35,7 stig (55 prósent skotnýting), 12,3 fráköst og 9,0 stoðsendingar að meðaltali í leik í þremur síðustu leikjum lokaúrslitanna í fyrra. Við þeirri frammistöðu átti Warriors-liðið fá svör og missti frá sér titilinn. Spekingar eru samt flestir á því að Golden State Warriors vinni NBA-titilinn í ár, bara spurning um hvort það verði 4-3, 4-1 eða jafnvel 4-0. Austurdeildin þykir meðal margra vera aðeins hálfdrættingur á við Vesturdeildina og því er ekki erfitt að draga þá ályktun að lið sem kemur 12-0 í gegnum Vesturdeildina eigi sigurinn vísan.Að steypa kónginum af stóli Lokaúrslit NBA-deildarinnar snúast hins vegar oftast um frammistöðu súperstjarnanna og á úrslitastundu í fyrra réðu Warriors-menn ekkert við James eða Kyrie Irving. Nú eru þeir hins vegar búnir að bæta við einum vænum vinstri krók með Kevin Durant. Boltaflæðið og breiddin er vissulega enn Warriors-megin en þeir þurfa þurfa að steypa kónginum af stóli og það er ekki létt verk. Eitt er víst, leikurinn í kvöld er skylduáhorf fyrir allt NBA-áhugafólk. Innbyrðisleikir liðanna voru varla marktækir vegna meiðsla, þreytu eða fjarveru leikmanna og þetta eru því fyrstu alvöru leikir tveggja bestu liða heims í eitt ár. Það er komið að þriðja rétti í körfuboltaveislu þessara liða og við fylgjumst spennt með á Stöð 2 Sport.
NBA Mest lesið Í beinni: Valur - Afturelding | Mosfellingar geta komist í úrslit Handbolti Óbein yfirlýsing frá DeAndre Kane Körfubolti McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Jói Kalli hættir hjá landsliðinu og fer til Danmerkur Fótbolti Kjósa um hvort notkun VAR verði hætt Fótbolti Illa orðað samningsákvæði varð KA að falli Íslenski boltinn United lyfti sér upp að hlið Newcastle Enski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Fleiri fréttir Coach K aðstoðar Lakers í þjálfaraleit Rúnar Ingi skiptir um stól í Njarðvík Jokic tók við MVP-styttunni og sýndi svo hver er bestur Óbein yfirlýsing frá DeAndre Kane Hvað var LeBron að gera í Cleveland? Benedikt Guðmundsson hættur með Njarðvík: Ofboðslega þakklátur „Rosalega mikilvægt fyrir okkur og samfélagið í Grindavík“ „Þeir hittu bara ógeðslega vel og við áttum bara engin svör“ Kristófer Acox: „Fokkin passion“ „Ákváðum að byrja fyrstu fimm mínúturnar í þriðja af krafti“ Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik Oddaleikur í opinni dagskrá: Grindvíkingar taka á móti Keflvíkingum Oddaleikur í opinni dagskrá: Allt undir á Hlíðarenda Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins Oddaleikur Vals og Njarðvíkur: Frákastakóngar liðanna skila mestu Oddaleikur Grindavíkur og Keflavíkur í kvöld: Basile og Kane á toppnum Svona verður oddaleikjaveislan á Stöð 2 Sport í kvöld „Þetta var rosalega heimsk villa hjá mér í endann“ Þruman jafnaði með góðum endaspretti og Boston einum sigri frá úrslitum Austursins „Auðvitað voru einhverjir villtir draumar um að fara í úrslitin“ „Við vorum ekki að fara að fá neitt gefins hérna“ Uppgjörið og viðtöl: Keflavík - Stjarnan 81-76 | Háspennuleikur og Keflavík komið í úrslit Keflavíkurkonur hafa aldrei tapað oddaleik á heimavelli Fyrsta skiptið í úrslitakeppninni eftir „Guð blessi Ísland“ „Ekki nógu illa gefinn til að átta mig ekki á því“ „Vonandi gerir hann aftur eitthvað svona heimskulegt“ Utan vallar: Mótlæti smakkast vel í Keflavík Murray með ótrúlega flautukörfu fyrir aftan miðju er Denver jafnaði ÍR-ingar stoppuðu stutt alveg eins og KR: Komnir upp í Subway Atlanta Hawks fá fyrsta valrétt í nýliðavalinu Sjá meira
Uppgjörið og viðtöl: Grindavík - Keflavík 112-63 | Grindvíkingar í úrslit eftir ruglaðan síðari hálfleik
Uppgjör, viðtöl og myndir: Valur - Njarðvík 85-82 | Ótrúlegur endir skilaði Val í úrslit Íslandsmótsins