Hlutabréf Icelandair lækkuðu um tæp 4%

Gengi hlutabréfa Icelandair Group lækkaði um 3,9 prósent í 277 milljóna króna viðskiptum í Kauphöll Íslands í dag. Það er nú 13,35 krónur á hlut og hefur ekki verið lægra síðan í ágúst 2013. 

Bréf í Símanum og Skeljungi lækkuðu um rétt tæp 1,3 prósent. Einungis fjögur félög hækkuðu í virði eða; Fjarskipti, Hagar Reginn og TM. Ekkert þeirra fór upp um meira en eitt prósent. Úrvalsvísitala Kauphallarinnar lækkaði því um 0,67 prósent og stendur nú í 1.751,56 stigum.