Mikill uppgangur hjá Airbnb undanfarið Þórgnýr Einar Albertsson skrifar 11. mars 2017 07:00 Brian Chesky (til vinstri), stofnandi og framkvæmdastjóri Airbnb, á ráðstefnu í Los Angeles í nóvember. nordicphotos/AFP Leiguþjónustan Airbnb aflaði milljarðs Bandaríkjadala í nýafstaðinni fjáröflunarlotu fyrirtækisins. Er það andvirði um 108 milljarða íslenskra króna. Þetta kemur fram í tilkynningu fyrirtækisins til yfirvalda sem birtist í gær. Einnig kemur fram í tilkynningunni að fyrirtækið sé nú metið á 31 milljarð dala, andvirði um 3,3 billjóna íslenskra króna. Í síðustu fjáröflunarlotu fyrirtækisins aflaði fyrirtækið um fimm hundruð milljóna Bandaríkjadala þannig að ljóst er að áhugi fjárfesta hefur aukist talsvert. Frá árinu 2008 hefur alls verið fjárfest í fyrirtækinu fyrir þrjá milljarða Bandaríkjadala. Þar sem fyrirtækið er nú metið á 31 milljarð dala er það næstverðmætasta sprotafyrirtæki Bandaríkjanna á eftir Uber. Munurinn á verðmæti fyrirtækjanna er þó talsverður. Uber er metið á um 63 milljarða dala, andvirði 6,8 billjóna króna. Airbnb skilaði hagnaði í fyrsta sinn á seinni hluta síðasta árs. Forsvarsmenn Airbnb búst við því að fyrirtækið skili einnig hagnaði á þessu ári. Forsprakkar fyrirtækisins hafa þó ekki í huga að skrá fyrirtækið á markað vestanhafs á næstunni. Samkvæmt heimildarmanni Business Insider er það ekki inni í myndinni. Airbnb hyggst stækka við sig á komandi misserum. Fyrir ári sagði framkvæmdastjórinn Brian Chesky við blaðamann Bloomberg að fyrirtækið ætlaði ekki bara að miðla leigu á íbúðum. Einnig væri vilji fyrir því að hafa milligöngu um bókanir á veitingastaði, söfn, hjóla- og bílaleigur og hótel. Af því hefur hins vegar ekki orðið enn sem komið er. Í vikunni sem er að líða birti Íslandsbanki skýrslu um ferðaþjónustuna á Íslandi. Kom þar fram að Airbnb ætti stóran þátt í hækkandi íbúðaverði. Þáttur Airbnb í hækkandi verði hefur orðið til þess að raddir hafi heyrst um að banna ætti þjónustuna hérlendis. Fyrirtækið mætir þó mótstöðu annars staðar en á Íslandi. Þannig sagði Tomás Regalado, borgarstjóri Miami-borgar í Bandaríkjunum, á fimmtudag að hann vildi að borgaryfirvöld beittu sér gegn þeim sem leigðu íbúðir sínar út til ferðamanna í gegnum þjónustu Airbnb. Ólöglegt er að leigja íbúðir í staka daga eða vikur samkvæmt lögum borgarinnar. „Öflugir þrýstihópar sem tala máli Airbnb munu reyna að sannfæra okkur um að við getum komist að samkomulagi. Að þetta fólk sé gott fyrir viðskiptalífið í borginni,“ sagði Regalado og bætti því við að leigjendur Airbnb-íbúða skapi ókyrrð í rólegri hverfum borgarinnar.Fréttin birtist fyrst í Fréttablaðinu Birtist í Fréttablaðinu Mest lesið Reginn afturkallar samrunatilkynningu við Eik Viðskipti innlent Nú er hægt að elta góða veðrið um landið með kortavef Já.is Samstarf Ástin laðar að: Gott að vera kona á Íslandi, en ekki innflytjandi Atvinnulíf Vextir verði ekki lækkaðir fyrr en í haust Viðskipti innlent Vonast til að koma dánarbúinu í góðar hendur Neytendur Bíllinn leggur meðan ég fæ mér drykk - smart #3 reynsluakstur Samstarf Sagðir vilja frekar loka TikTok en selja Viðskipti erlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Endurgjöf: Það sem þú átt ekki að gera Atvinnulíf Sækjast eftir fangelsisdómi yfir rafmyntakóngi Viðskipti erlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Leiguþjónustan Airbnb aflaði milljarðs Bandaríkjadala í nýafstaðinni fjáröflunarlotu fyrirtækisins. Er það andvirði um 108 milljarða íslenskra króna. Þetta kemur fram í tilkynningu fyrirtækisins til yfirvalda sem birtist í gær. Einnig kemur fram í tilkynningunni að fyrirtækið sé nú metið á 31 milljarð dala, andvirði um 3,3 billjóna íslenskra króna. Í síðustu fjáröflunarlotu fyrirtækisins aflaði fyrirtækið um fimm hundruð milljóna Bandaríkjadala þannig að ljóst er að áhugi fjárfesta hefur aukist talsvert. Frá árinu 2008 hefur alls verið fjárfest í fyrirtækinu fyrir þrjá milljarða Bandaríkjadala. Þar sem fyrirtækið er nú metið á 31 milljarð dala er það næstverðmætasta sprotafyrirtæki Bandaríkjanna á eftir Uber. Munurinn á verðmæti fyrirtækjanna er þó talsverður. Uber er metið á um 63 milljarða dala, andvirði 6,8 billjóna króna. Airbnb skilaði hagnaði í fyrsta sinn á seinni hluta síðasta árs. Forsvarsmenn Airbnb búst við því að fyrirtækið skili einnig hagnaði á þessu ári. Forsprakkar fyrirtækisins hafa þó ekki í huga að skrá fyrirtækið á markað vestanhafs á næstunni. Samkvæmt heimildarmanni Business Insider er það ekki inni í myndinni. Airbnb hyggst stækka við sig á komandi misserum. Fyrir ári sagði framkvæmdastjórinn Brian Chesky við blaðamann Bloomberg að fyrirtækið ætlaði ekki bara að miðla leigu á íbúðum. Einnig væri vilji fyrir því að hafa milligöngu um bókanir á veitingastaði, söfn, hjóla- og bílaleigur og hótel. Af því hefur hins vegar ekki orðið enn sem komið er. Í vikunni sem er að líða birti Íslandsbanki skýrslu um ferðaþjónustuna á Íslandi. Kom þar fram að Airbnb ætti stóran þátt í hækkandi íbúðaverði. Þáttur Airbnb í hækkandi verði hefur orðið til þess að raddir hafi heyrst um að banna ætti þjónustuna hérlendis. Fyrirtækið mætir þó mótstöðu annars staðar en á Íslandi. Þannig sagði Tomás Regalado, borgarstjóri Miami-borgar í Bandaríkjunum, á fimmtudag að hann vildi að borgaryfirvöld beittu sér gegn þeim sem leigðu íbúðir sínar út til ferðamanna í gegnum þjónustu Airbnb. Ólöglegt er að leigja íbúðir í staka daga eða vikur samkvæmt lögum borgarinnar. „Öflugir þrýstihópar sem tala máli Airbnb munu reyna að sannfæra okkur um að við getum komist að samkomulagi. Að þetta fólk sé gott fyrir viðskiptalífið í borginni,“ sagði Regalado og bætti því við að leigjendur Airbnb-íbúða skapi ókyrrð í rólegri hverfum borgarinnar.Fréttin birtist fyrst í Fréttablaðinu
Birtist í Fréttablaðinu Mest lesið Reginn afturkallar samrunatilkynningu við Eik Viðskipti innlent Nú er hægt að elta góða veðrið um landið með kortavef Já.is Samstarf Ástin laðar að: Gott að vera kona á Íslandi, en ekki innflytjandi Atvinnulíf Vextir verði ekki lækkaðir fyrr en í haust Viðskipti innlent Vonast til að koma dánarbúinu í góðar hendur Neytendur Bíllinn leggur meðan ég fæ mér drykk - smart #3 reynsluakstur Samstarf Sagðir vilja frekar loka TikTok en selja Viðskipti erlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Endurgjöf: Það sem þú átt ekki að gera Atvinnulíf Sækjast eftir fangelsisdómi yfir rafmyntakóngi Viðskipti erlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira