Umfjöllun og viðtöl: Þór Þorl. - ÍR 71-74 | ÍR vann Þór í Þorlákshöfn og það í spennuleik Stefán Árni Pálsson skrifar 2. mars 2017 21:00 Matthías Orri Sigurðarson Vísir/Ernir ÍR vann frábæran sigur á Þór Þ., 74-71, í spennandi leik í Dominos-deild karla í körfubolta í kvöld. Leikurinn fór fram í Þorlákshöfn og var frábær stemning í höllinni. Liðin skiptust á að leiða í leiknum en ÍR var sterkara liðið undir lokin. Liðin eru nú jöfn að stigum í deildinni og berjast um sæti í úrslitakeppninni. Þau eru bæði með 20 stig. Tobin Carberry skoraði 27 stig fyrir Þór og Danero Thomas var með 21 stig fyrir ÍR. Matthías Orri gerði einnig 21 stig fyrir ÍR.Af hverju vann ÍR? Gestirnir voru einhvern veginn bara harðari og virtust vilja þennan sigur meira undir lokin. Þórsarar tóku of oft rangar ákvarðanir og voru ekki almennilega tengdir. Bæði lið byrjuðu mjög illa sóknarlega og náðu sér í raun aldrei á strik á þeim enda vallarins. Það var sterkur varnarleikur sem vann þennan leik.Bestu menn vallarins Þegar varnarleikur er svona mikilvægur er gott að hafa mann undir körfunni sem tekur mörg fráköst. Það gerði Quincy Hankins-Cole en hann tók 16 fráköst og skoraði 14 stig. Annars var Danero Thomas mjög góður í liði ÍR og það sama má segja um Matthías Orra. Í liði Þórs var það Tobin Carberry sem var bestur og gerði hann 27 stig.Hvað gekk illa ? Sóknarleikurinn hjá báðum liðum var mjög dapur í allt kvöld og er það eitthvað sem bæði lið þurfa að skoða. Þórsarar þurfa að taka betri og skynsamari ákvarðanir og ÍR-ingar í raun líka.Þór Þ.-ÍR 71-74 (10-12, 24-16, 22-23, 15-23)Þór Þ.: Tobin Carberry 27/10 fráköst, Maciej Stanislav Baginski 12/4 fráköst, Ólafur Helgi Jónsson 11/13 fráköst, Ragnar Örn Bragason 8/4 fráköst/5 stoðsendingar, Emil Karel Einarsson 7/7 fráköst, Halldór Garðar Hermannsson 6, Magnús Breki Þórðason 0, Davíð Arnar Ágústsson 0, Styrmir Snær Þrastarson 0, Grétar Ingi Erlendsson 0, Sigurður Jónsson 0. ÍR: Matthías Orri Sigurðarson 21/7 fráköst, Danero Thomas 21/7 fráköst, Sveinbjörn Claessen 14/4 fráköst, Quincy Hankins-Cole 14/16 fráköst, Hákon Örn Hjálmarsson 4, Trausti Eiríksson 0/6 fráköst, Stefán Ásgeir Arnarsson 0, Ólafur Barkarson 0, Sæþór Elmar Kristjánsson 0, Dovydas Strasunskas 0, Daði Berg Grétarsson 0, Sigurkarl Róbert Jóhannesson 0. Matthías: Erum að detta í úrslitakeppnisgír„Þetta var svakalegur leikur og rosalega harður varnarleikur,“ segir Matthías Orri Sigurðarson, leikmaður ÍR, eftir sigurinn. „Hvorugt liðið gat skorað hérna í fyrsta leikhluta og það var í raun lítið skorað allan leikinn. Bæði lið spiluðu fáránlega harða vörn og sem betur fer náðum við að komast aðeins yfir undir lokin og klára dæmið.“ Matthías segir að hann hafi vorkennt dómurum leiksins að hafa þurft að dæma í Þorlákshöfn í kvöld, leikurinn hafi verið það harður. „Þetta er bara fínt fyrir okkur. Við erum bara að detta í úrslitakeppnisgír með svona leikjum.“ Ghetto Hooligans, stuðningsmannasveit ÍR, var mætt á leikinn og létu heldur betur heyra í sér. „Þetta gerir svo ótrúlega mikið fyrir okkur. Við vorum bara á heimavelli og fundum það strax, um leið og við mættum inn á gólfið. Þeir eiga mikið hrós skilið.“ Borche: Bekkurinn kom sterkur inn„Við erum alveg hrikalega sáttir með þessi úrslit. Þetta varð erfiður leikur fyrir bæði lið og mjög spennandi,“ segir Borche Ilievski, þjálfari ÍR, eftir leikinn. „Bæði lið fundu fyrir pressu og því var þetta aldrei neitt sérstaklega fallegur leikur. Það var bara mikil spenna og andlega var þetta mjög erfiður og spennandi leikur. Við náðum góðu áhlaupi undir lokin og það skipti sköpum. Einnig fengum við frábært framlag frá varamannabekknum og ég er gríðarlega ánægður með liðið.“ Hann segist hafa reynt að hvíla menn á réttum tímapunkti undir lokin og hafa sem flesta sem ferskasta. „Ég vil bara óska Þórsurum góðs gengis í næstu leikjum. Með þessum sigri erum við bara mjög nálægt því að komast í úrslitakeppnina en við þurfum að halda þessu áfram.“ Einar Árni: Það sást vel að mikið var undir„Ég er gríðarlega vonsvikinn með þessi úrslit,“ segir Einar Árni Jóhannsson, þjálfari Þórs, eftir tapið í kvöld. „Það var bara mikið undir í kvöld og það sást á leiknum. Heilt yfir vorum við góðir varnarlega í fyrri hálfleiknum en vandinn varnarlega í leiknum var að þeir náðu í of mörg sóknarfráköst.“ Einar segir að liðið hafi náð ágætu forystu í upphafi síðari hálfleiksins en hún hafi horfið allt of hratt. „Þetta var síðan bara járn í járn í restina og því miður datt þetta þeirra megin. Við þurfum mjög líklega að ná í tvö stig úr þessum tveimur síðustu leikjum til að komast í úrslitakeppnina.“ Dominos-deild karla Mest lesið „Mér var sagt að drulla mér í burtu og grjóthalda kjafti“ Fótbolti Fyrrverandi leikmaður Arsenal og Everton alvarlega veikur á spítala Enski boltinn Loðin yfirlýsing UFC á elleftu stundu vekur furðu Sport „Þurfti ekki að vera neitt meira en ég sjálf“ Sport Handleggsbraut andstæðing og fagnaði svo með Trump Sport Neymar hló að Ronaldo Fótbolti Bellingham bað um bolamynd eftir úrslitaleikinn fyrir mömmu sína Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Alpine framlengir ekki við Ocon eftir áreksturinn í Mónakó Formúla 1 Fleiri fréttir Hræðilegur endir hjá Martin og félögum og útlitið svart Charles Barkley og fleiri hneyksluð yfir ljótum brotum á Caitlin Clark Sama sorglega lausnin og vanalega: Drögum kvennaliðið úr keppni Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Sjá meira
ÍR vann frábæran sigur á Þór Þ., 74-71, í spennandi leik í Dominos-deild karla í körfubolta í kvöld. Leikurinn fór fram í Þorlákshöfn og var frábær stemning í höllinni. Liðin skiptust á að leiða í leiknum en ÍR var sterkara liðið undir lokin. Liðin eru nú jöfn að stigum í deildinni og berjast um sæti í úrslitakeppninni. Þau eru bæði með 20 stig. Tobin Carberry skoraði 27 stig fyrir Þór og Danero Thomas var með 21 stig fyrir ÍR. Matthías Orri gerði einnig 21 stig fyrir ÍR.Af hverju vann ÍR? Gestirnir voru einhvern veginn bara harðari og virtust vilja þennan sigur meira undir lokin. Þórsarar tóku of oft rangar ákvarðanir og voru ekki almennilega tengdir. Bæði lið byrjuðu mjög illa sóknarlega og náðu sér í raun aldrei á strik á þeim enda vallarins. Það var sterkur varnarleikur sem vann þennan leik.Bestu menn vallarins Þegar varnarleikur er svona mikilvægur er gott að hafa mann undir körfunni sem tekur mörg fráköst. Það gerði Quincy Hankins-Cole en hann tók 16 fráköst og skoraði 14 stig. Annars var Danero Thomas mjög góður í liði ÍR og það sama má segja um Matthías Orra. Í liði Þórs var það Tobin Carberry sem var bestur og gerði hann 27 stig.Hvað gekk illa ? Sóknarleikurinn hjá báðum liðum var mjög dapur í allt kvöld og er það eitthvað sem bæði lið þurfa að skoða. Þórsarar þurfa að taka betri og skynsamari ákvarðanir og ÍR-ingar í raun líka.Þór Þ.-ÍR 71-74 (10-12, 24-16, 22-23, 15-23)Þór Þ.: Tobin Carberry 27/10 fráköst, Maciej Stanislav Baginski 12/4 fráköst, Ólafur Helgi Jónsson 11/13 fráköst, Ragnar Örn Bragason 8/4 fráköst/5 stoðsendingar, Emil Karel Einarsson 7/7 fráköst, Halldór Garðar Hermannsson 6, Magnús Breki Þórðason 0, Davíð Arnar Ágústsson 0, Styrmir Snær Þrastarson 0, Grétar Ingi Erlendsson 0, Sigurður Jónsson 0. ÍR: Matthías Orri Sigurðarson 21/7 fráköst, Danero Thomas 21/7 fráköst, Sveinbjörn Claessen 14/4 fráköst, Quincy Hankins-Cole 14/16 fráköst, Hákon Örn Hjálmarsson 4, Trausti Eiríksson 0/6 fráköst, Stefán Ásgeir Arnarsson 0, Ólafur Barkarson 0, Sæþór Elmar Kristjánsson 0, Dovydas Strasunskas 0, Daði Berg Grétarsson 0, Sigurkarl Róbert Jóhannesson 0. Matthías: Erum að detta í úrslitakeppnisgír„Þetta var svakalegur leikur og rosalega harður varnarleikur,“ segir Matthías Orri Sigurðarson, leikmaður ÍR, eftir sigurinn. „Hvorugt liðið gat skorað hérna í fyrsta leikhluta og það var í raun lítið skorað allan leikinn. Bæði lið spiluðu fáránlega harða vörn og sem betur fer náðum við að komast aðeins yfir undir lokin og klára dæmið.“ Matthías segir að hann hafi vorkennt dómurum leiksins að hafa þurft að dæma í Þorlákshöfn í kvöld, leikurinn hafi verið það harður. „Þetta er bara fínt fyrir okkur. Við erum bara að detta í úrslitakeppnisgír með svona leikjum.“ Ghetto Hooligans, stuðningsmannasveit ÍR, var mætt á leikinn og létu heldur betur heyra í sér. „Þetta gerir svo ótrúlega mikið fyrir okkur. Við vorum bara á heimavelli og fundum það strax, um leið og við mættum inn á gólfið. Þeir eiga mikið hrós skilið.“ Borche: Bekkurinn kom sterkur inn„Við erum alveg hrikalega sáttir með þessi úrslit. Þetta varð erfiður leikur fyrir bæði lið og mjög spennandi,“ segir Borche Ilievski, þjálfari ÍR, eftir leikinn. „Bæði lið fundu fyrir pressu og því var þetta aldrei neitt sérstaklega fallegur leikur. Það var bara mikil spenna og andlega var þetta mjög erfiður og spennandi leikur. Við náðum góðu áhlaupi undir lokin og það skipti sköpum. Einnig fengum við frábært framlag frá varamannabekknum og ég er gríðarlega ánægður með liðið.“ Hann segist hafa reynt að hvíla menn á réttum tímapunkti undir lokin og hafa sem flesta sem ferskasta. „Ég vil bara óska Þórsurum góðs gengis í næstu leikjum. Með þessum sigri erum við bara mjög nálægt því að komast í úrslitakeppnina en við þurfum að halda þessu áfram.“ Einar Árni: Það sást vel að mikið var undir„Ég er gríðarlega vonsvikinn með þessi úrslit,“ segir Einar Árni Jóhannsson, þjálfari Þórs, eftir tapið í kvöld. „Það var bara mikið undir í kvöld og það sást á leiknum. Heilt yfir vorum við góðir varnarlega í fyrri hálfleiknum en vandinn varnarlega í leiknum var að þeir náðu í of mörg sóknarfráköst.“ Einar segir að liðið hafi náð ágætu forystu í upphafi síðari hálfleiksins en hún hafi horfið allt of hratt. „Þetta var síðan bara járn í járn í restina og því miður datt þetta þeirra megin. Við þurfum mjög líklega að ná í tvö stig úr þessum tveimur síðustu leikjum til að komast í úrslitakeppnina.“
Dominos-deild karla Mest lesið „Mér var sagt að drulla mér í burtu og grjóthalda kjafti“ Fótbolti Fyrrverandi leikmaður Arsenal og Everton alvarlega veikur á spítala Enski boltinn Loðin yfirlýsing UFC á elleftu stundu vekur furðu Sport „Þurfti ekki að vera neitt meira en ég sjálf“ Sport Handleggsbraut andstæðing og fagnaði svo með Trump Sport Neymar hló að Ronaldo Fótbolti Bellingham bað um bolamynd eftir úrslitaleikinn fyrir mömmu sína Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Alpine framlengir ekki við Ocon eftir áreksturinn í Mónakó Formúla 1 Fleiri fréttir Hræðilegur endir hjá Martin og félögum og útlitið svart Charles Barkley og fleiri hneyksluð yfir ljótum brotum á Caitlin Clark Sama sorglega lausnin og vanalega: Drögum kvennaliðið úr keppni Fotis og Nat-vélin saman undir körfunni hjá Hamri næsta vetur Kane skrifaði undir samning á lokahófi Grindavíkur Martin stoðsendingahæstur í öruggum sigri Benedikt tekinn við Stólunum Birna og Kristinn valin best Verðlaun veitt á lokahófi KKÍ Valsmenn fyrstu kanalausu Íslandsmeistararnir í 24 ár Hnéskel Kristófers fór í tvennt Ofurdúóið sá til þess að Dallas spilar til úrslita um NBA titilinn Sjáðu stikluna fyrir nýju heimildaþættina um Grindavík Rússíbanareið Valsmanna í Íslandsmeistarasyrpunni Þótti vænt um að liðsfélagarnir mættu allir í jarðarförina Átján Íslandsmeistaratitlar á Hlíðarenda á átta árum Myndasyrpa frá oddaleiknum og fögnuði Valsmanna „Síðustu mánuðir ógeðslega erfiðir en maður á samt alltaf að mæta og spila“ „Við erum djöfulsins töffarar og sýndum það í dag“ „Let´s go og vinnum fleiri“ Twitter um oddaleikinn: Finnur Freyr, dómgæslan og ósvikin Valsgleði „Sögðust ætla að klára þetta fyrir mig“ Uppgjör: Valur - Grindavík 80-73 | Valsmenn Íslandsmeistarar í fjórða sinn Kristófer meiddist eftir örfáar sekúndur Leikmennirnir sem hafa skarað fram úr í baráttunni um titilinn Iðkendur með forgang: „Förum ekki að breyta því núna“ Finnur Freyr getur jafnað met Friðriks Inga í kvöld Grindvíkingar gætu tapað fjórða oddaleiknum um titilinn Leikmenn handboltaliðsins heiðursgestir í kvöld „Við skuldum sjálfum okkur alvöru frammistöðu á útivelli“ Sjá meira