Norðurturninn höfðar mál út af bílastæðum við Smáralind Haraldur Guðmundsson skrifar 8. febrúar 2017 07:00 Norðurturninn hf. við Smáralind hefur stefnt verslunarmiðstöðinni og Kópavogsbæ fyrir Héraðsdóm Reykjaness. Vísir/GVA Norðurturninn hf. við Smáralind hefur stefnt verslunarmiðstöðinni og Kópavogsbæ og vill staðfestingu dómstóla á að kvaðir um samnýtingu bílastæða séu í gildi og að deiliskipulag sem heimilar uppbyggingu íbúðahverfisins 201 Smári verði ógilt. Framkvæmdastjóri Norðurturnsins segir framkvæmdirnar fyrirhuguðu rýra réttindi Norðurturnsins þar sem þær eigi eftir að fækka bílastæðum við suðvesturhorn Smáralindar. Forstjóri Regins, eiganda verslunarmiðstöðvarinnar, segir þær byggja á faglegri umfjöllun skipulagsyfirvalda og að stefnan komi ekki til með að hafa áhrif á framgang verkefnisins. „Þeir vilja taka hluta af bílastæðum á suðvesturhorninu, um 600 stæði, sem færi undir byggð, án þess að hafa samráð við okkur, og þar með er gengið á rétt Norðurturnsins á grundvelli þeirra þinglýstu kvaða sem eru á lóðunum um gagnkvæma samnýtingu bílastæða,“ segir Ríkharð Ottó Ríkharðsson, framkvæmdastjóri Norðurturnsins. „Við höfum ekki miklar áhyggjur af þessu. Auðvitað er BYGG [Byggingafélag Gylfa og Gunnars hf.] sprautan á bak við þetta allt saman og að mínu mati ráða nátttröllsviðhorf ríkjum þarna,“ segir Helgi S. Gunnarsson, forstjóri Regins, í samtali við Markaðinn.Helgi S. Gunnarsson, forstjóri Regins.Vísir/GVABYGG og ríkið stærst Stjórnendur Eignarhaldsfélagsins Smáralindar ehf. líta svo á að viðskiptavinir og starfsfólk verslunarmiðstöðvarinnar megi nota öll bílastæði hennar, um þrjú þúsund. Leigutakar Norðurturnsins og viðskiptavinir þeirra eigi aftur á móti ekki rétt á sameiginlegum afnotum nema þegar kemur að bílastæðahúsinu sem byggt var við turninn. „Þarna er um að ræða bílastæði sem eru inni á lóð Smáralindar og með því að taka þau í burtu er verið að auka þunga á bílastæði okkar því þau eru svokölluð „prime-stæði“ og eru fyrst og síðast hugsuð fyrir viðskiptavini eða starfsmenn leigutaka okkar í turninum. Með þessu er verið að rýra þau réttindi að okkar mati. Fyrst og síðast erum við þarna í viðurkenningarmáli og viljum að þinglýst skjöl séu virt. Við höfum andmælt deiliskipulaginu og sent það til úrskurðarnefndar um skipulagsmál en þar var ekki tekin afstaða til þessarar kröfu okkar og vísað á dómstóla. Það væri eðlilegast að þeir úrskurði um þetta. Þetta skiptir máli varðandi samskipti þessara tveggja lögaðila í framtíðinni,“ segir Ríkharð Ottó. Hjúpur, dótturfélag BYGG, er stærsti eigandi Norðurturnsins með 28 prósenta hlut. Þar á eftir kemur íslenska ríkið sem tók við 26,8 prósentum sem hluta af stöðugleikaframlagi slitabús Glitnis. Íslandsbanki, sem er í eigu ríkisins, er einnig í hluthafahópnum og rekur höfuðstöðvar sínar í Norðurturninum. BYGG var aðalverktaki framkvæmdanna við turninn og var í eigendahópi Fasteignafélags Íslands sem hóf byggingu hans árið 2007. Félagið átti þá einnig Smáralindina en framkvæmdirnar stöðvuðust í nóvember 2008 og í kjölfarið var farið fram á greiðslustöðvun Fasteignafélags Íslands. Norðurturninn hf. var síðan stofnaður af kröfuhöfum og fjárfestum sem luku verkinu í fyrra.Hér má sjá teikningu af Smáralindinni, Norðurturninum og fyrirhuguðum framkvæmdum Klasa. 201 Smári er efst á myndinni fyrir miðju.Jvantspijker„Þeirra lokatilraun“ Íbúðahverfið 201 Smári á að rísa á um þriggja og hálfs hektara nær óbyggðu svæði sunnan við Smáralindina. Þar er gert ráð fyrir um 84 þúsund fermetrum af nýju húsnæði eða um 620 íbúðum auk atvinnuhúsnæðis. Fasteignafélagið Klasi, í eigu fjárfestanna Finns Reyrs Stefánssonar, Tómasar Kristjánssonar og Ingva Jónassonar, hefur síðustu ár unnið að þróun svæðisins í samstarfi við Regin og Kópavogsbæ sem á bílastæðin við heilsugæsluna Hvamm. Nýtt deiliskipulag svæðisins tók gildi í fyrra og stefnt er að því að uppbygging hefjist á þessu ári. Eignarhaldsfélagið Smáralind var í maí 2013 sýknað í Hæstarétti af kröfum þrotabús Norðurturnsins um greiðslu 1,3 milljarða króna sem byggðu á því að fyrrnefnda félagið hefði skuldbundið sig til að leggja til fjármuni til byggingar turnsins og þá bílastæðahúss hans. „Þeir eru búnir að stefna okkur hægri vinstri síðustu fimm árin, það er Norðurturninn og eigendur hans. Við erum búin að vinna fyrri mál á öllum stigum en eitt þeirra snerist meðal annars um þátttöku í kostnaði við bílastæði turnsins. Okkar tilgangur með þessu verkefni, sem við erum einungis hluti af, er að bæta nýtingu á landinu og byggja þarna upp fjölbreyttar íbúðir og bæta bílastæðaaðkomu. Þetta er hluti af heildarsýn svæðisins þar sem horft er til skipulagsmála, umferðarmála og nýrrar nálgunar í samgöngumálum,“ segir Helgi. „Við erum alls ekki að ganga á bílastæði. Eitt af okkar sterku tækifærum í Smáralind er fólgið í mörgum bílastæðum. Auðvitað lendir maður oft í því að slást við svona aðila sem eru að reyna að standa í vegi fyrir eðlilegri þróun í samfélaginu. Þeir hafa reynt að setja spýtu í tannhjólið hjá okkur og reynt að nota allar hugsanlegar aðferðir. Það hefur verið sett fyrir kærunefndir á öllum stigum og fengið eðlilega umfjöllun og verið vísað frá eða hafnað. Þetta er lokatilraun þeirra til að trufla verkefnið,“ segir forstjóri Regins. Birtist í Fréttablaðinu Mest lesið „Þetta er ekki mjög töff en ég get ekki að þessu gert“ Atvinnulíf Besti svefninn níu mínúturnar á milli snúsa Atvinnulíf Landsbankinn og Arion lækka vexti Neytendur Nova eignast tuttugu prósenta hlut í Dineout Viðskipti innlent Ný forysta Félags kvenna í atvinnulífinu kjörin Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Þorsteinn Már hættir hjá Samherja Viðskipti innlent Íslendingar vongóðir um að finna heitt vatn á Tenerife Viðskipti innlent Hótar Evrópusambandinu og Apple háum tollum Viðskipti erlent Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent Fleiri fréttir Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Valgerður Hrund hættir hjá Sensa Sannfærður um að fjárfestingin standi undir sér Stefán endurkjörinn formaður Þorsteinn Már hættir hjá Samherja Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Sjá meira
Norðurturninn hf. við Smáralind hefur stefnt verslunarmiðstöðinni og Kópavogsbæ og vill staðfestingu dómstóla á að kvaðir um samnýtingu bílastæða séu í gildi og að deiliskipulag sem heimilar uppbyggingu íbúðahverfisins 201 Smári verði ógilt. Framkvæmdastjóri Norðurturnsins segir framkvæmdirnar fyrirhuguðu rýra réttindi Norðurturnsins þar sem þær eigi eftir að fækka bílastæðum við suðvesturhorn Smáralindar. Forstjóri Regins, eiganda verslunarmiðstöðvarinnar, segir þær byggja á faglegri umfjöllun skipulagsyfirvalda og að stefnan komi ekki til með að hafa áhrif á framgang verkefnisins. „Þeir vilja taka hluta af bílastæðum á suðvesturhorninu, um 600 stæði, sem færi undir byggð, án þess að hafa samráð við okkur, og þar með er gengið á rétt Norðurturnsins á grundvelli þeirra þinglýstu kvaða sem eru á lóðunum um gagnkvæma samnýtingu bílastæða,“ segir Ríkharð Ottó Ríkharðsson, framkvæmdastjóri Norðurturnsins. „Við höfum ekki miklar áhyggjur af þessu. Auðvitað er BYGG [Byggingafélag Gylfa og Gunnars hf.] sprautan á bak við þetta allt saman og að mínu mati ráða nátttröllsviðhorf ríkjum þarna,“ segir Helgi S. Gunnarsson, forstjóri Regins, í samtali við Markaðinn.Helgi S. Gunnarsson, forstjóri Regins.Vísir/GVABYGG og ríkið stærst Stjórnendur Eignarhaldsfélagsins Smáralindar ehf. líta svo á að viðskiptavinir og starfsfólk verslunarmiðstöðvarinnar megi nota öll bílastæði hennar, um þrjú þúsund. Leigutakar Norðurturnsins og viðskiptavinir þeirra eigi aftur á móti ekki rétt á sameiginlegum afnotum nema þegar kemur að bílastæðahúsinu sem byggt var við turninn. „Þarna er um að ræða bílastæði sem eru inni á lóð Smáralindar og með því að taka þau í burtu er verið að auka þunga á bílastæði okkar því þau eru svokölluð „prime-stæði“ og eru fyrst og síðast hugsuð fyrir viðskiptavini eða starfsmenn leigutaka okkar í turninum. Með þessu er verið að rýra þau réttindi að okkar mati. Fyrst og síðast erum við þarna í viðurkenningarmáli og viljum að þinglýst skjöl séu virt. Við höfum andmælt deiliskipulaginu og sent það til úrskurðarnefndar um skipulagsmál en þar var ekki tekin afstaða til þessarar kröfu okkar og vísað á dómstóla. Það væri eðlilegast að þeir úrskurði um þetta. Þetta skiptir máli varðandi samskipti þessara tveggja lögaðila í framtíðinni,“ segir Ríkharð Ottó. Hjúpur, dótturfélag BYGG, er stærsti eigandi Norðurturnsins með 28 prósenta hlut. Þar á eftir kemur íslenska ríkið sem tók við 26,8 prósentum sem hluta af stöðugleikaframlagi slitabús Glitnis. Íslandsbanki, sem er í eigu ríkisins, er einnig í hluthafahópnum og rekur höfuðstöðvar sínar í Norðurturninum. BYGG var aðalverktaki framkvæmdanna við turninn og var í eigendahópi Fasteignafélags Íslands sem hóf byggingu hans árið 2007. Félagið átti þá einnig Smáralindina en framkvæmdirnar stöðvuðust í nóvember 2008 og í kjölfarið var farið fram á greiðslustöðvun Fasteignafélags Íslands. Norðurturninn hf. var síðan stofnaður af kröfuhöfum og fjárfestum sem luku verkinu í fyrra.Hér má sjá teikningu af Smáralindinni, Norðurturninum og fyrirhuguðum framkvæmdum Klasa. 201 Smári er efst á myndinni fyrir miðju.Jvantspijker„Þeirra lokatilraun“ Íbúðahverfið 201 Smári á að rísa á um þriggja og hálfs hektara nær óbyggðu svæði sunnan við Smáralindina. Þar er gert ráð fyrir um 84 þúsund fermetrum af nýju húsnæði eða um 620 íbúðum auk atvinnuhúsnæðis. Fasteignafélagið Klasi, í eigu fjárfestanna Finns Reyrs Stefánssonar, Tómasar Kristjánssonar og Ingva Jónassonar, hefur síðustu ár unnið að þróun svæðisins í samstarfi við Regin og Kópavogsbæ sem á bílastæðin við heilsugæsluna Hvamm. Nýtt deiliskipulag svæðisins tók gildi í fyrra og stefnt er að því að uppbygging hefjist á þessu ári. Eignarhaldsfélagið Smáralind var í maí 2013 sýknað í Hæstarétti af kröfum þrotabús Norðurturnsins um greiðslu 1,3 milljarða króna sem byggðu á því að fyrrnefnda félagið hefði skuldbundið sig til að leggja til fjármuni til byggingar turnsins og þá bílastæðahúss hans. „Þeir eru búnir að stefna okkur hægri vinstri síðustu fimm árin, það er Norðurturninn og eigendur hans. Við erum búin að vinna fyrri mál á öllum stigum en eitt þeirra snerist meðal annars um þátttöku í kostnaði við bílastæði turnsins. Okkar tilgangur með þessu verkefni, sem við erum einungis hluti af, er að bæta nýtingu á landinu og byggja þarna upp fjölbreyttar íbúðir og bæta bílastæðaaðkomu. Þetta er hluti af heildarsýn svæðisins þar sem horft er til skipulagsmála, umferðarmála og nýrrar nálgunar í samgöngumálum,“ segir Helgi. „Við erum alls ekki að ganga á bílastæði. Eitt af okkar sterku tækifærum í Smáralind er fólgið í mörgum bílastæðum. Auðvitað lendir maður oft í því að slást við svona aðila sem eru að reyna að standa í vegi fyrir eðlilegri þróun í samfélaginu. Þeir hafa reynt að setja spýtu í tannhjólið hjá okkur og reynt að nota allar hugsanlegar aðferðir. Það hefur verið sett fyrir kærunefndir á öllum stigum og fengið eðlilega umfjöllun og verið vísað frá eða hafnað. Þetta er lokatilraun þeirra til að trufla verkefnið,“ segir forstjóri Regins.
Birtist í Fréttablaðinu Mest lesið „Þetta er ekki mjög töff en ég get ekki að þessu gert“ Atvinnulíf Besti svefninn níu mínúturnar á milli snúsa Atvinnulíf Landsbankinn og Arion lækka vexti Neytendur Nova eignast tuttugu prósenta hlut í Dineout Viðskipti innlent Ný forysta Félags kvenna í atvinnulífinu kjörin Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Þorsteinn Már hættir hjá Samherja Viðskipti innlent Íslendingar vongóðir um að finna heitt vatn á Tenerife Viðskipti innlent Hótar Evrópusambandinu og Apple háum tollum Viðskipti erlent Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent Fleiri fréttir Ný forysta Félags kvenna í atvinnulífinu kjörin Alcoa fellur frá þriggja milljarða króna skaðabótakröfu Högnuðust ríkulega en draga samt saman seglin í heimabyggð Íslendingar vongóðir um að finna heitt vatn á Tenerife Kaupa fasteignirnar sem hýsa starfsemi Samskipa Valgerður Hrund hættir hjá Sensa Sannfærður um að fjárfestingin standi undir sér Stefán endurkjörinn formaður Þorsteinn Már hættir hjá Samherja Samþykktu að selja Perluna fyrir 3,5 milljarða Einar Bárðarson tekur við umdeildu félagi Brynja yfirmaður markaðseftirlits Nasdaq Iceland Gísli Þór og Jón Garðar nýir framkvæmdastjórar hjá Terra Ráðin þjónustustjóri atNorth á Akureyri Gunnar Örn og Haraldur Hilmar nýir forstöðumenn hjá Arion Setja spurningarmerki við umfjöllun um Climeworks Íbúðaverð hækkað um 14,5 prósent á tveimur árum Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Sjá meira
Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent
Átök auðkýfinganna: „Ekki farið fram hjá neinum að á milli okkar hefur andað köldu“ Viðskipti innlent